Blader door transcripties » Nationaal Archief / Rijksarchief Zuid-Holland

archieftoegang 1.04.02, inventarisnummer 1053, pagina 274

Naerde custe van choromandel, Alsoo met de Scheepen die
van hier naer de molacques Amboyne en banda souden Iaen
de notificatie gevoechlick sal connen geschieden
Ende aengesien de mochte ende veratie die aende onsn
Mussilipatay wert aengedaen, principalyck Is Spruytende
wt het miscontentement dat hebben, Overmits nyet geuouch van
Alle coopmanschappen ende principalyck van moldickste
waeren en werden versien, hebben goetgevonden aengesien hier
tegenwoordich Inde logie van sulckx nyet geprovideert en syn
vatten In aller haest sal loopen naer Grece om van daer te
haelen een partye Sandelhout die daer over 2 Jaeren wt het
Schip Deendracht Is gebleven, ende noch onvercochtheyt
hoopende dat ondertusschen de Scheepen van Patane hier sullen
syn om Daerwt eenighe Nagelen ende andere coopmanschappen
daer dienstich te moghen lossen, Alsoo van nooten noch
foelie dit jaer nyet en sullen connen werden versien, door Dien int
De vertrockene Scheepen nyet en hebbe connen op voorraect
lichten Overmits den Governeur tot Is pretendeerende van
alles wat In sulcker voeghen soude moghen aen lant brenghen
Dwelck voor desen noyt en Is geschiet gelyck moe E hier naer
breeder sal verhaelen, Soo dat dit jaer nyet sonders op de Custe
en sal connen werden gesonden, ende tot het toecomende daer
sullen moeten patrenteeren, dwelck nijet wel comen en sal
overmits henluyden een partye nooten ende foelie vastlyck
Is toegeseht. Den Incoop vant Gaeren ende andere cleilen
die uwe E syn ontbiedende sullen sien in werck te Stellen
van vreese nyet wel soo veel Garens en sullen connen besonden
ende Int maecken vande cleeden soude moghen Schadelyck
vallen met dit schip beyuwe E 24. baelen schudende met
de Cleyne Somme van daer ontfanghen als oock 74 baelkens
Anil tot een proeve die Jn massilipatan Is gecocht en daer
ontrent valt naer Ick sien can Is vande beste slach nyett
van overmits seer goeden coop Is Ingecocht, achte datter geen
quaet aen gedaen en sal worden, Den Aml Over lant van
lohor tot mavilipatan ofte petapoel te brenghen, Achte
Swaerlyck sal connen te weege gebrocht worden en soude myns
bedunckens veel gevoechlycker over Bengale connen geschieden
Alwaer deselve lanckx de Reviere niet minder cost en mochte
oock meerder quantiteyt soude connen gebrocht worden principali
alser vande onse naer Lohor ende die quartieren worden
gesonden waertoe Ick achte metter tyt wel middel soude syn
als In Bengala een Comptoir hadden, Doch aengesien
tot noch toe hier nyet en hebben gehandelt, en nyet een weete
wat ordre uwe E dit stuck aengaende aenden Gouverneur
Generael sullen gegeven hebben, can nyet schaden datmen
van massilipatan ofte Petapoel, versoeckt gelyck alreede
bij Jan van wesick Is behonnen waerop hen voorts met den
eersten het noodighe sal advisteeren, als meede dat uwe E