Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 4841, pagina 30

gecocht, mits dat t'selue schip sal wesen
ende blyuen tot proffyte vande voirs generale
Compe, ende bouen dien sal de generaele
Compe. aende Magelanische in gelde voorde
gedaen costen gereet betaelen eens de som
van twee dusent ponden van xl grooten t'poi
waermede partyen, sullen wesen ende blyuen
volcomel gescheyden, ende vereenicht
Gedaen e.
Opte remonstrantie vande Bewinthebbers
vande generaele OostIndische Compe. van
dat zy beducht syn, dat eenige persoonen
binnen den geprefigeerden tyt, de penningen
by henluyden inde selue Compe. belooft,
ende vvoiren hy geteeckent hebben, niet en
sullen opbrengen, het welcke soude strecken
tot nadeel vande voirs Compe. Is gere„
solueert, datmen die remonstranten soude
authoriseren, gelyck deselue geauthoriseert
worden mits desen, om by afficxie van openburg
billetten eenenyegelicken te waerschouwen,
dat zy hun gerechte vierdepaert van hunne
respectiue belooffde penningen, ten Comptoire
van voors Compe. sullen hebben te brengen.
van
furnissement
Ingest. pen
Oostind. Compe.
affbreuck aen haer
Vyandien
26
ende te furneren precise binnen dese maent van
Octob, Op pene dat deselue maent geexpireert
zynde, de gebrieckelycke, die t'selue hun vierde
part datel niet en sullen hebben opgebracht,
vuyte voors Compe. gesloten sullen wesen, &
blyuen, ende linne vuyters niet meer
participeren, als naer rate van haere betaelde
sommen, by soo verre als zy daertoe yets hebben
gefurneert.
Saterdach den 1en. Nouembris
11603
Syn die aenwesende Gedeputeerde vande Oost
Indische Compaignie serieuses vermaent
daerop te willen letten, ende ordre te stellen,
dat de schepen, die alreede toegerus syn, &
voirder hiernne noch toegerust sullen worden,
om te varen naer Oostndien, gelast, ende
geinstrueert worden, om den vyant aldaer,
derseluer persoonen, Schepen, ende goederen,
by alle mogelycke wegen te beschadigen, ende
affbreuck te doen, daermede zy met reputatie
hare trafficque niet alleene mogen main,
,teneren, maer veel meer voirt setten, en doen
toe nemen, die zy anderssints, en by gebreke