Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 4841, pagina 15

henvinden beswaert, sy luyden daervan sullen mogen
aen ons prouoceren. Ende sullen die goederen onder
behoorlycken Inuentaris gebeneficieert worden,
by die vande Compaignie, ten ware yemant
anders, dan den fiscael hem partie maeckte, e
die Ingebrachte goederen reclameerde, In welcken
geualle die voors goederen geadministreert sullen
wordden, geb by sententie van die vander Admi,
ralt. verclaert sal voirden te behooren.
Off gebeurde, dat de Schepen van Spaignen,
Portugael, ofte andere vyanden die Schepen van
dese Compaignie vyantlycke aentasten, ende
int vechten eenige der vyanden Schepen
verouert worden, dat die selue verouerde Schepen,
ende goederen sullen verdeelt wordden, naer die
ordre vanden Lande te weeten het Lant ende
den Admirael genietende daervan hunne
gerechticheyt, mits dat vooren aff getrocken
sal worden, die schade, die de Compaignie in
den seluen rencontre geleden sal wordden hebben,
Ende sullen die vande respectiue Admirali„
,teyten, daer de Schepen sullen aencommen, die
kennisse nemen vnde deuchdelycheyt vande
prinse, Blyuende, pendente lite, die admi„
nistratie vande goederen by die vande
11
Compaignie vnder behoorlycken Inventaris soo
vooren geseyt is, ende den gegraueerden by sententie
vry behoudende aen ons te prouoceren.
Dat die Specerien, Chinesche syde, ende Cattoene
Lynwaten, die by dese Compaignie vuyt Oost„
Indien sullen worden gebracht, int Innecommen
nochte vuijtgaen, niet meer en sullen werdden
belast, als die nu belast syn, volgende de
lyste, ende de generaele verclaringe, nopen
de goederen inde selue niet gespecificeert, int
eynde van dien gestelt.
nochte
Datmen egheene Schepen, geschut, ofte amunitie
van dese Compaignie sal mogen nemen tot
dienste vande Landen, dan met consente van
selue Compaignie.
Item dat die Scheperien vande Compaignie sullen
werdden vercocht op eenderley gewichte, in swluerte
als dat van Amsterdam.
Dat die vande respectiue Cameren sullen vermogen
haere specerien te ouerslaen, het sy binnen
Scheepsboort, ofte in die pachuysen, en dat
sonder Lvan eenigen Axcys, Impost, ofte