Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 4841, pagina 10

naer gelegentheyt vande sake sal prouideren,
ende tgoet senden, ende elckemael meer senden,
als sy wederomme vuijtvercocht sullen hebben.
Datmen de rekeninge van equippage, en vuyt„
rustinge vande Schepen, mette dependentien
van dien, sal doen drye maenden naer het vtreck
vande Schepen, ende een maendt daerna copie
aende respectiue Cameren senden, ende vande
retouren sullen die Cameren soe dickwils, als sy
des versocht wordden, Staet aen malcanderen
ouerschicken. Ende die rekeningen daervan sal men
soo haest sluyten, als doenlyck sal wesen,
ende de generale rekeninge nae de thien
Jaren, sal geschieden int openbaer, mits
datter alvooren billetten sullen werdden aenge„
„slagen, om elcken een te waerschouwen, die
ouer d'auditie derseluer sal begeeren te
commen.
Ende sullen die Cameren gehouden wesen aen
provincien, ofte Steden, derwelcker Inge„
setenen in dese Compaignie Ingeleyt sullen
hebben vyftich duysent guldens, ofte daer„
bouen, ouer te senden, soo wanneer daer retouren
sullen commen, Staet vande Ingecommen
6
Cargasoenen, als oock Staet vande penningen
gemaeckt vande vercochte Coopmanschappen,
by soo verre sy vande provincien, ofte Steden,
des te doen versocht werdden.
Ende soo eenige provincien goetvinden, te stellen
een Agent, die welcke de penningen vuyt
die Inwoonders vande respectiue provincien
versamele, omme die in masse in te leggen,
ende vande retouren, ende Incompsten beta„
,linge te beuoirderen, Sal die Camer, daer
soo danich Agent die penningen inbrenght,
denseluen moeten toelaten acces inde voirs
Cameren, omme aldaer geinformeert te
mogen wirden, vanden Staet vanden vuyt„
,geuen, ende Incommen, mitsgaders die
vuijtschulden ende Inschulden vanden Comptoire
behouden dat die penningen byden voorn Agent
Ingebracht, sullen monteren ter somme van
vyftich duysent guldens, ofte daer bouen,
Alsser vande retouren vyff ten hondert
in Casse sal wesen, sal men aen die parti„
„cipanten vuytdeelinge doen.
de sullen die respectiue Cameren bedient worden