Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 4841, pagina 8

wichtige swaere saecken voorvielen, daerinne
die Collegianten niet wel en konden verdragen
ofte accorderen, ofte daer sy haer selffs in
souden mogen beswaert vinden, om malcanderen
te ouerstemmen, dat het selffde gelaten sal
wordden tot onse verclaringe, ende decisie,
ende tgene dien aengaende goetgevonden sal
wordden, sal achtervolght, ende nagecommen
wordden.
Dese vereenichde Compaignie sal beginnen, &
aenvanck nemen met desen Jaere xvic e
twee, ende sal geduren, den tijt van eenen„
,twintich Jaren achter een volgende, midts
datmen t‛elcke thien Jaren een generael
Slot van rekeninge sal maken, ende sal
elck een t'eynden die thien Jaren vry staen
daervuyt te mogen scheyden, ende syn gelt
naer hem nemen, welverstaende dat van
Jegenwoordige equippage, ende vuytreedinge
vande Schepen, die binnen desen Jaere sullen
vuijtvaeren, bysondere rekeninge gedaen sal
wordden.
Ende sullen die oncosten, die byde participanten
vande eerste rekeninge, in OostIndien, ofte
Mits datmen henluyden.
geuen sal interest
4
deur die enghte van magellanes, daer dese
Compaignie getrafficqueert sal hebben, sullen
wesen gedaen, ende die den participanten van
volgende rekeninge te bate sullen mogen comen,
ofte tot voirdeel strecken, die vande tweede
rekeninge dragen, ende gelden die helft,
ofte soo veel min, als het Collegie vande
zeuenthien beuinden sal in redelicheyt te
behooren.
Ingevalle eenige vande participanten van
dese aenstaende reyse, geen geuonden hebben
aen dese vereeninge, haer gelt naer hen
begeren te nemen, ofte die belooffde somme
opseggen, sullen tselue mogen doen tten adue„
nante van zeuen ende een halff ten hondert,
ofte meer naer dat hen toegeseyt is
Alle Ingesetenen van dese gevnieerde provincien
sullen vermogen in dese Compaignie te parti„
„ciperen, met soo weynige, ende veele penningen,
als het henluyden sal gelieuen, dan off het
gebeurde, datter meer penningen werdden
aengeboden, ofte gepresenteert, dan die naui„
,gatie wel soude vereysschen, Sullen die ghene
die inde Compnie. hebben meer als derttich