Blader door transcripties » Stadsarchief Amsterdam

archieftoegang 5075, inventarisnummer 173, pagina 7

verobligeert wesen haer beyder kindt oft kinderen
eerlycken op tebrengen ende te onderhouden in
cost clederen schoelgaen ende andere Corpo¬
rele nootdruften ende gecommen wesende ten
houwelycken state die selve te doteren ende
mit te geven nade staet ende gelegentheijt
vande goederen in twelck tedoen den lancxt¬
levende volcommen geloove gegeven sall
werden sonder den selven tot staet ofte
Inventaris te moegen compelleren want sy
testateurs wel verseeckert syn dat die
lancxlevende haere kinderen niet en
sall vercorten hen toe vougende die selve
alimentatie ende dote in plaetse van hunne
Legitime portie heeft voorts die voornomde
Anna Jans dochter testatersse gewilt ende
geordonneert wilde ordonneerde mits desen by
aldien sy deser werelt geraecte te overlyden
voorden voorn. haeren man kindt oft kinderen
by hem geprocreert naelaetende ende dat
die selve daer nae mede deser werelt overleden
dat indien gevalle alsucke seven hondertt
gul. als hy aen haer in houwelyck heeft
gebrocht achtervolgende die voorss. houwelycxe
voorwaerden op hem oft syn afflivicheyt op syn
naeste bloet vrunden abintestato weder
sullen erven ende succederen sonder in soo¬
danigen gevalle te moegen vervreemden in
vougen oft sy sonder kinderen beyde deser
welrelt waeren overleden, Noch le¬
gateert die voornomde testatersse aenden
voornomden testateur haeren man kindt
oft kinderen by hem geprocreert hebbende
ende in levene naelaetende ofte niet
alle haer gouden ringe met het beste bet
ende syn toebehoorten ende noch het linne twelck
inden sterffhuyse bevonden sall werden dan
soo sy een oft meerder kinderen by hem
procreerde die in levene bleven ende dat
sy voorde selve overlede indien cas sullen die
selve kinderen by hem geprocreert die voorss.
7
seven hondert gul. voorwt hebben ende genieten ende
die voorn. Willem gerritsz ordonneerde soo hy
eerst overlede voor syn huysvrouwe sonder
kinderen nae te laeten oft achtergelaeten
hebbende dat die selve mede overlede
Indien gevalle sal die voorss. syn huysvrouwe
haer leven lanck geduyerende alle ende
yegelycke goederen blyven gehouden besitten
ende tot behouve van syn naeste bloet
vrunden suffisante verseeckerheyt stellen
voorde seven hondert gul. die hy aen haer
in houwel. gebroch heeft welcke seven
hondert guldens syn erffgenamen niet
eerder als naer t overlyden vande testa¬
tersse sullen genieten Alle dwelck voorss.
staet verclaerde die testateurs te
wille
wesen haer uterste meyninge ende begeerte
Ordonnerende dat het selve volcommen
voortganck hebben ende effect sorteren sall
sonder yemants tegenseggen, niettegen¬
staende alle solempniteyten van rechte hier
Inne niet en syn geobserveert daer van sy
begeerden gehouden te wesen voor geexcuseert
aenroepende tot assistentie van desen
haere Codicillaire dispositie (ist noot) te
executeren alle heeren hoven wetten ende
gerechten want haere conscientie sulcx
getuycht Sonder arch ende list ende
versochten sy Comparanten wettelyck
stipulerende hier van te hebben In¬
trumenten een oft meer inder bester
forme Gedaen binnen der voorss. stede
van amstl. ten huyse myns nots. ter
presentie van Albert Franssz ende
Jacob van schaerlaecken getuygen hier
toe versocht ende gebeden
Willem gerretsen Jacob van schaerlaken
Anne Jans