Blader door transcripties » Stadsarchief Amsterdam

archieftoegang 5075, inventarisnummer 173, pagina 16

begraeffeniss wilden voorts die testateurs
ende ordonneren expressel. mits desen
dat die lancxtlevende van hen beyden syn
oft haer leven lanck leven lanck
geduyerende tsy oft die selve weder comt
te herhuywen oft niet, sal blyven behouden
besitten ende gebruycken alle ende yegel.
die goederen soo roerende als onroerende renten
actien crediten gereet gelt goudt silver
gemunt ende ongemunt ende alles wes
d' eerst afflivige van hen beyden metter
doot ontruymen ende achter laeten sal
egeene wtgesondert sonder den naeste
vrienden vande kinderen myne heeren den
weesmeesteren deser stede, oft egene
andere cameren oft rechters waer haer
sterffhuys soude moegen vallen ende dese
hare uterste wille geexecuteert werden
gehouden te wesen te geven eenigen staet
oft Inventaris reeckeninge bewys oft
reliqua te doen, veel min cautie oft
verseeckerheyt voorde goederen te stellen in
eenige manieren ende dit al niet tegenstaende
eenige keuren oft Ordonnantie vande
weescamere ter contrarie die sy met
rypheyt van raide mits desen derogueerden dies
sal die lancxtlevende verobligeert wesen
haer beyder kint oft kinderen eerlyck op
te brengen ende te onderhouden in cost
clederen schoelgaen ende andere corporele
nootdruften die knechtgens eenich ambacht
ende die meyskens eenich properheyt te
laeten leeren Om hen naemaels
door Godts segeninge te moegen behelpen,
ende ten houwelycke state commende doende
naeden raet ende het believen vanden lancxt¬
levende d'selve te doteren ende mit te geven
6
naede staet ende geleegentheyt vande goeden in 16
twelck te doen den lancxtlevende volcommen
geloove gegeven sal werden sonder die tot staet
oft Inventaris te moegen compelleren want
sy testateurs wel verseeckert syn, ende mal¬
canderen vastelyck vertouwen, dat die
lancxtlevende haere kinderen niet en sal
vercorten, toevougende hen die selve alimen¬
tatie ende dote in plaetse van hunne legiti¬
me portie, Onder welcke conditien ende restrinc¬
tien die voornomde testateurs ende elcx van
hen tot haere eenige ende universele erffgenamen
geinstitueert ende genomineert hebben In¬
stitueeren ende nomineeren by desen Lyntgen
Gielis hans Isacq ende Anneken hare
vyff kinderen by den anderen geprocreert ende
die sy noch tsamentlyck door Godts genade
soude moegen procreeren ende in leven nae
laeten hooft voor hooft in te tasten ende
enen veel van haer nae te laetene
goeden te genieten ende oft saecke waere
dat eenige van haere kinderen oft yemant
van desselffs wegen Jegens dese hare
testamentaire dispositie eenichsins opposeerden,
met woorden oft wercken, in eenige manieren
sal den selven (boven syn legittime portie
daer Inne soodanigen indien cas alleen wert
geinstitueert) verbeuren allen tgene
wes hem wt crachte deses competeert ende dat
die reste sal commen tot proffyte vanden
goetwilligen desen achtervolgende Alle
Dwelck seyden die testateurs ende elcx
van hen te wesen haer uterste ende laetste
wille twelck sy wilden dat alsulcx oft als
Codicille gifte ter cause des doots onder den
levenden oft anders soo een yder testament
ende uterste wille alder vaste ende crach¬
tichste plaets houden ende subsisteren sall