Blader door transcripties » Stadsarchief Amsterdam

archieftoegang 5075, inventarisnummer 173, pagina 14

geprocreerter geprocreert die hij nae rechte schuldich
is tot sijn erffgenamen te Institueren, tot sijn
t eenige ende universele erffgenamen, In alle
ende yegelycke die goederen, die hij testateur
metter doot ontruijmen ende Achter laten sal,
egeene wtgesondert, geinstitueert ende geno¬
mineert heeft Institueerde ende nomineerde mits desen,
die voorss. Cornelis Adriaenss ende Susanna
pluijmers omme stracx nae sijn overlyden
alle ende ijgelycke die voorss. sijn achter
te latene goederen te aenvaerden, ende die
selve eeuwichlijck ende erffelijck hebben ende
behouden Sonder ymants tegenseggen, Behoudel.
dat die voorss. zijnen geinstitueerden erffge¬
namen gehouden sullen wesen, wt te keeren,
namentl. aenden armen twee ponden vlaems,
ende aen sijn naeste vrunden een daelder,
Alle dwelck voorss. is, zeyde ende
verclaerde de Testateur, te wesen sijn
wterste ende laeste wille, willende
dattet selve als sulcx, oft als codicille,
gifte, ter Cause des doots onder der levenden
oft anders soo een yeders testament ende
wterste wille, alder vaste ende crach¬
tichste plaets houden, ende Subsisteren sal
mogen, van goeder waerden gehouden te hebben
ende volcommen effect te sullen sorteren,
niet tegenstaende eenige keure ofte
ordonnantien vande landen oft stede deser
contrarierende, versouckende voorts aen
mijn notario voorn. wettel. stipuleerende
hier van gemaeckt ende hem gelevert te werden
acte oft openbaer Instrumenten een oft
meer In Debita forma, Gedaen binne der
voorss. Stede ten huijse mijns notaris ter
presentie van Albert franss ende Jan
thijmenss Poorters der stede van Amstelred.
mitsgaders Aerian toniss wonende tot
middelburch getuygen hier toeh toe versocht
14
ende gebeden die welcke Aeriaen toniss
verclaerde den testateur wel te kennen
ende lange tijt gekent hebbe sulcx dat hij
is den genen die hij hem doet baptiseren ende noemen
die testateur verclaerde niet te connen schrijven
Thijmensz
A. Fransz
Inden name ons heeren Amen, Inden
Jare vander geboorten desselffs ons
heeren ende Salichmaeckers Jhesu Christij
duijsent vyffhondert ende negenentnegentich,
Opten twintichsten Octobris, Com¬
pareerde voor mij Jan Franssen bruijningh,
Openbaer Notaris, tot amstelredamme
Residerende byden hove van hollt. geadministr¬
eert ter presentie vanden Onder¬
geschreven getuijgen, d' eerbare Jan¬
netge Jacobs dr, wede van Sa:
Jan Govertsz mij Nots. wel
bekent, gaende, staende, ende haer
verstant volcommelijck gebruijckende
alst uterlijck bleeck ende scheen, Ende
heeft bij forme van Codicille wterl.
gewilt ende geordonneert, wilde ende ordonneer¬
de by desen, Soo verre pieter
Janssz Soen haren Soon, voor haer
Comparante Overlede, oft oock
Naer haer ab intestato afflivich werde
dat emmerentia d'eijn syn huysvrouwe
haer leven langh gedyjrende sal hebben