Blader door transcripties » Stadsarchief Amsterdam

archieftoegang 342, inventarisnummer 6, pagina 10

14
op die nye grafte ende Dirc Heynttgijns soen to behoirt
ende is geleghen biden erue dat Willem Noirt in pacht
hout van den Gasthuse te betalen tot meye
Item gecoft vijf Vrancrijxe scild siairs op huus ende
erue dat Claes Marten soen tobehoirt ende gheleghen
is neffen den raet huse ouer alder naest den hoec
huse daer Aechte Peter Borsts in woent te betalen die
ene helfte tot meye ende die ander helfte tot Helige
misse
Item Jan die Witte ende Heynric die Witte hebben
ghepacht des Gasthuus molen werf ende wint
ten naesten brande om achte oude Vrancrijxe
scilde te betalen die een helfte tot meye ende die
ander helfte tot Heylige misse Des sellen sie malen
den Gasthuse allent dat si te malen hebben bey
de te backen ende te brouwen ende voir yemant
anders vorderen Des zij des niet dat souden zij den
Gasthuse verbeteren Hier af sullen die Beghinen
gheuen vierdaluen Wilhelmus scilt siars
Item Ysebrant Harmans soen heeft besproken enen
haluen ouden Vrancrijxen scilt siairs op tuininghe
die ghelegen zijn ouer die grafte bi den Nonnen
ende Jan die lyemer gepacht heeft als die scepene
brief dair of inhoudt, te betalen tot Heylige misse.
15
iTem Ysebrant Harmans soen heeft besproken dat ses
tendeel van vijf Vrancrijxe scilde jairlixer renten
die staen op tuininge gheleghen op die Kercside
ouer die nye grafte bi den Nonnen ende Dirc Loelen
soen ghepacht heeft alsoe als die scepene brieue
dair of inhouden te betalen tot Heylige misse
Item Jan Adaems soen heeft besproken enen haluen
ouden Vrancrijxen scilt jairlixe renten die staen
op zijn husinghe ende erue alder naeste Wouter
Willems soen te betalen tot Heylige misse
Item Dirc Coppen soen heeft besproken een lb
groet tsiairs comans gelts dat staet op lant
gheleghen bi den Hoghen Noort ghelijc die instru
menten inhouden die legghen int Gasthuus kiste
Dit sullen zijn broeder ende zuster kinder bewaren
also lange als zij leuen ende als zij doot zijn selt
comen opt Gasthuus Dat sel Gastus gheuen den armen.
Item haer Willem Jacops soen heeft besproken
Ydeken zijnre niften een stucke lants geleghen
ter Ouderkerc ende als zij sterft soe selt comen
opt Gasthuus van den Heylighen Geest ende op Sinte
Peters Gasthuus