Blader door transcripties » Stadsarchief Amsterdam

archieftoegang 30452, inventarisnummer 883, pagina 64

datum nu de hee halen, hem achter
(1614 october 28. Not.Arch.137 fo 117-117v-118).
groote costen gedaen, t cargasoen gecocht ende alles daer toe
geschickt hebben,al lange voor de insinuatie,jae selffs voort pre-
tens octroy bij henluyden int regardt van de respondant ende zijn
compagnie subreptivelijck vercreghen. Maer oock nu al seylreet leg-
ghen,om eerstdaechs te vertrecken ende tseyl te gaen,ende opt leste
henluyden met soodanige insinuatie ende proteste soecken te beswae-
ren. Doet daeromme die voornoemde respondant in qualite voorschreven
ulieden bewinthebberen mitsdesen insinueren dat hij ende zijn compaig-
nie van meyninghe zijn (indient Godt den heer belieft) haer voor
genoemene reyse oft voyagie te vervolghen. Ende off zijluyden oock
in de Virginia oft in de quartieren daeromtrent (die sijluyden voor
desen hebben helpen soecken ende op doen, tot haer groote schade
ende versuymenisse als vooren aengeroert is) quamen te handelen,
dat naer alle reden ende billickheyt niemant behoort oft vermach
henluyden daerinne te verhinderen, oft te beletten. Ende soo ghij-
luyden oft u volck ter contrarie ijets soudet pooghen te attenteren
oft voor te wenden tot naedeel van de respondant ende sijn compaig-
nie, in sulcken gevalle willen zijluyden in tijts wel expresselijck
daer van hebben geprotesteert ende protesteren mitsdesen als oock
van costen, schaden ende interessen, die hij respondant ende zijn com-
pagnie ter saecke van dien soude moghen hebben doen ende lijden,
tottet uiteynde van der saecke toe. Omme allen tselve metten ge-
volghe ende aencleven van dien, in tijden ende wijlen te vendiceren
vervolghen ende verhaelen, daer ende soo behooren ende haeren goeden
rayde gedraeghen sal. Presenterende niettemin die voorschreven res-
pondant ende zijn compaignie onvermindert d’voorschreven haere ge-
fondeerde protestatie. In cas van non acceptatie te desisteren ende
affstant te doen, voor dese reyse van de handelinghe in de Virginias
ende plaetsen daeromtrent geleghen. Mits dat die voorschreven com-
paignie henluyden sal belooven te betaelen haer gedaene oncosten
ende vergoeding doen van haere geledene schade ten minsten tot
taxatie ende discretie van goede luyden hen dies verstaende, in wel-
cken gevalle zij tevreden zijn, die reyse nae te laeten ende elders
te vaeren daer ende soo zij te zijde sullen vinden.
Versoeckende hierop prompte ende onvertoghen antwoort, alsoo zij
op redervaert legghen, om hen daer nae te moghen reguleren. Alle
d'welck die voorschreven compaignie geinsinueert zijnde, zeyden nae-
mentlijck die voorschreven van Tweenhuysen, die compaignie reguleert
hen naer haer vercreghen octroy ende die voorschreven Pelgrum seyde,