Blader door transcripties » Stadsarchief Amsterdam

archieftoegang 195, inventarisnummer 51, pagina 2

zal moegen vercoopen ende veranderen nae die gelegentheyt eysschen
zal zonder daer off yemande te doen rekenn bewys ende reliqua oft Inventaris
te ghevene wel verstaende dat de zelue lancxt levende gehouden zal wordden
hoer beyder ongehylicke kinderen den zelven lancxtlevende gehoersaem zynde
ende anders nyet eerlicken ende tamelicken te onderhouden in cost ende clederen
ende henluyden als hen zulcx gestaden sal vuyt te hylicken zoe verde
zy doen by Raidt ende consent vanden lancxtlevenden voors welck voors
onderhoudt die voors testateurs den voors ongehelicken kinderen by desen
assigneeren voerhoerluyder legittime ende erffelicke portie hen inden
achtergelaten goeden vanden voor aflivigen van beyden competerende zonder
meer te moegen eysschen dan ter laetster doot van hen testateurs oft
nae dat de lancxtlevende van beyden haerhylick zal weesen
hebben voorts zy testateurs nae dafflivicheyt vanden lancxlevende
van hoer beyden geinstitueert ende genomineert institueeren ende
nomineren mits desen hoer beyder kinderen als pieter Bicker Dirck
zelve machtelt ende lysbeth te zullen wezen hoeren erfgen in allen
den goeden roerende ende onroerende die zy ende die lancxtlevende
van beyden ongedisponeert mitter doot ruymen ende achterlaten sitten
omme die broederlick ende susterlick in gelycken portien te deylen
wel verstaende ende met conditien nochtans dat Dirck Helmer hoer
beyder zoen in hoer beyde achtergelaeten goeden die hem te deele
vallen sullen zullen alleen hebben zal zyne lyftochte zonder de zelve
te moegen vercoopen belasten versetten oft vervreempden in eeniger
maenien die proprieteyt van dien altyt geheel ende onuermindert
laetende tot behouff van zynen erfven ten zynen overlyden in levende
levenden lyfve zynde gecoemen vander liue ende en bloede van hoer
testateurs daeraff zy dezelve mitgaders die goeden die dandere
hoer kinderen van hen te erve genoemen ve zullen hebben nyet
vervreempt willen hebben noch by versterffenisse noch by dispositie
van testamente in eeniger manyeren Behoudelicken eenen yegelycken
van heeren voors vier kinderen ende geinstitueerden erfgen zyne
libere ende vrye dispositie inder legitime portie elcx van hemluyden
rechtelicken inden achtergelaten goeden van hen testateurs competeren
ende nyet veerder Ende oft hoer voorseyde kinderen oft hoere rechtelicke
voechten met deser dispositie testamentaire nyet te vreden en waeren
maer daer tegens poeghen te doen met rechtvoirderinge oft anders
mit woirden oft wercken in rechte oft daer buyten in zulcken gevalle
hebben zy testatuers geinstitueert ende institueren by desen hoeren voors
kinderen mit dezen testamente nyet te vreden zynde hoerluyder erffge¬
te zullen wezen in zoe veele als hier gerechte legittime nae beloep
der voors goeden bedragen zal moegen ende nyet vorder willende dat de
zelue ongehoersamige kinderen daermede of staen zullen blyuende
dandere goeden byden anderen gehoersamige kinderen die zy testateurs
by deyen daer inne restitueren hoeren erfgen alleen te zullen weesen
behoudelicken dat zyl daer mede beschermen zullen die goeden gecoemen
van hen testateurs ende den ongehoersamige ende rebellen erfgen
tegens desen testamente doende met rechte resisteren zullen
Ende ten eynde dat die goeden die Dirck helmer hoer heer van
hen testateurs te erue neemen sal ouermindert in haeren weesen
blyfven moegen zoe hebben zy testateurs geordineert dat ter
laetster doot van hemlieden Pieter Bicker hoer zoen ende Pieter Hubertsz
hoer zwager dezelve in bewaerder handt houden ende hem vande
vruchten vandien onderhouden zullen zoe lange ende ter tyt zyluyden
bevinden zullen die voors dirck helmeer bequaem te weezen zyne
voors goeden zeluer te regieren zonder nochtans hem de zelue
te laeten volgen voer ende alleer hy souffisante cautie gestelt zal hebben
vande zelve nyet te verminderen oft vervreempden Altwelck
voeren gescreven staet die voornoemde testateurs zeyden ende verclaerden te
wezen hoerluyder testament ende vuytersten wille die zy wilden ende
begeerden als zulcx oft als codicie ghifte ter cause des doots onder de
levenden oft anders zoe dat naeden bescreven gheestelicken oft
waerlicken rechten naede coustuyme vanden lande van hollt ende
deser stede van Amstelen best ende vastelicxt geschieden ende subsisteren
mach van waerden gehouden hebben ende volcommen effect te zullen sorte
vanden meesten totten minsten alle toe zonder yemants wederzeggen nyet te
genstaende eenige rechten ordonnan statuyten oft usantien ter contrarien dispo¬
neren oft dat zy eenige blempniteyten in desen schuldich te observeren versuympt
mochten hebben daer off zy tzamen ende elcx bysonder versochten gehouden te wordden
voer geexcuseert Ende hem van tgheene dat voorscr staet hem van
my openbaer nots ondergescreuen gemaickt ende gelevert te wordde
een ofte meer openbaer Instrumenten inder bester forme aldus gedaen
van