Blader door transcripties » Stadsarchief Amsterdam

archieftoegang 172, inventarisnummer 486, pagina 8

Wy Jan Banninck scheut, Dirck Simon Barden
zoen, Bruyninck Claeszoen , moesten Dirckszoen
Floris Janszoen, Cornelis Jansen, Gerijt Mattheus=
pen ende Henrick Symonsz. Cogge scepenen van
Aemstelredame oirconden en kennen dat ten by=
wesent van den eerwaardigen, wysen ende voertie
nigen heeren Meester Jacob van Almonde Raedt,
ende Meester Jan van Zeuender griffier onser ge=
nade heeren, in zijnder genaden Raetcamer van
Hollant by ons tot versouck ende ernstige
vervolge van eenigen vanden erfgenamen van
Willem Henrick Coenen zoen vander Schellinck,
Margriet synder huysvr., Claes en Simon van der
Schellinck, gebroederen, saliger gedachten, tusschen
den gemeenen erfgenamen vanden voirsz. persoe
nen te weten Jan van Persyn, Pieter Claeszoen
Pieter Jacobszoen schulp, Korsten Albertszoen, in
den name van Carstyn geertruyt Baerte en Geer=
truyt Henrickz. dachteren keurder huysvrouwen, de voirs.
Pieter Jacopsz scaep als voucht van Lysbeth Hey=
mensdochter ende Hendrick Schout, voir hemselve
ende de wille dat si tweedrachtich waeren naedien dat
upten vyf ende twintichtsten dach in Augusto
anno vijfthien hondert ende drye, ten biwesene
als voorsz. met vonnisse verclaert is geweest, naeden
bescheyde van den bovens. erfgenamen en allen zijden
gesien ende den eedt ter matherijen dienende van
den selven genomen hebbende wat een ijeghelijck van
hen allen vuyten voirsz. erfuisse hadde gehadt.
The weten dat de voirs. Jan Persyn inden name
van synder huysvrouwe hadde vuyten voirsz. erfnis=
se gehadt ende sculde was weder in te brengen oft daer
van opt deylinge te nemen vyfthienhondert twee
ende twintich ryns gulden derthien stuyvers, korsten
Albert zoen negenhondert derthien gulden een blank,
Pieter Claesz. ellefhondert gulden, Henrick Schout twee
hondert drie en twintich gulden en achttien stuijvers
Lysbeth achthondert twee en sestich gulden en drie
hondert een en seventich Rij Gul. derthien stuyvers ge=
lyck int bouck bevonden is dat sy van desen sterfhuigen
van latinge en rente ontf. heeft. Ende Peter
Jacobsz. Schaep in den name van Boerte synder
huysvrouwe vyfhondertsesthien gulden ende noch
vierhondert Orynsgulden als nu ganck hebben
van huyshuze ter cause vant huijs daerinne hy
lange gewoont heeft ende noch inwoent den boel
toebehorendt ende de voirsz. vierhondert gulden
by provisie en sonder preiudice van't recht van
eenige vonden partyen die meer gesicht ende hy
segt min sculd te wesen waeroff sy in tyde ende
wylen hem goetdunckendt hoir actijen sullen
intenteren
mogen inventeeren nadien oick dat een yechelijck
vanden voirsz. parthyen bij denselven vonnisse
belast hadde geweest binnen eenen seeckeren corten
tijt inden selven vonnisse geexpresseert opte corren
je van den gerechte. Alle andere goeden, gelden
ende anders hoedanich en wesen mochten te brengen
in hande vanden gerecht, omme achtervolgendt tge¬
dat inden voirsz. saecken gedaen was vereffendigt
ende vant deylinge, sciftinge, strydinge te mogen
geschieden ende sceybaer gemaeckt te werden hoe
nae recht behoeren soude, reserveerende elck vande
partijen hoir recht aengaen den reekeninge schulde
ende actijen die sy tegen malcanderen mogten heb„
ben mitsgaders t diffrent van den huyshure van
den huyze daer peter voirsz. ingewoent heeft en noch
woent omme te inventeeren als dat behoeve sall
van den goeden by den voirsz. partyen omme gebrocht
een seeckere tot neyt scheydinge en deylinge gemaect
is geweest inder manieren hiernaevolgende. Inden
eersten dat Jan Persyn en Pieter Jacopszoen scaep te
samen upter stadt van Leyden hebben zullen tachtig
andries gulden staende up Timan van der Schellinck
Item Ian van Persyn sal noch hebben twee morgen
lants int westeynde ende wort gebruyckt by pieter
peterszoen ende gelt de morgen drie gulden achttiendal
ve stuijver. Item een coewyde by de watermolen gelt om
trent ses ende dartich stuyvers; stem sevenhondert lants
ende gebruyckt claes Bles, vier gulden acht stuyvers,
Item sestalf morgen lant ende bruyckt Peter Regers
zoon ende gelt siaers veerthien ryns gulden een stover
ende een pare copoenen. Item vyftalf morgen lants
endt bruyckt Sivert in den Ham, de morgen vier gulden
een ons maert negenthien rynsgulden een stoter,
gewardeert dit lant voir sevenhondert een ende vijf
tich rynsgulden ende twaalf stuyvers, Item vierdalve
gulden siaers up Wein Reiniersz. tot boelswaert, Item een