Blader door transcripties » Stadsarchief Amsterdam

archieftoegang 195, inventarisnummer 608, pagina 5

Inden name ons heeren Amen Inden Jare vander geboorte desselfs ons heeren duysent
vyfhondert vier ende tsestich ter zevenster indictie opten zeuenstendach in martie te elf uren opde
noene oft daeromtrent Reguerende die alder deurluchtichste ende Grootmogenste heere heeren
Ferdinandus byder Godlicken voorsichticheyt keyser van Romen altyt vermeerder Srycx van dien name
deerste int zeste jare zynder electie, Syn ter presentie van my openbair notaris ende getugen naer
ghenoompt als daer toe geroupen sonderlinge ende gebeden Gecomen ende gecompareert Deersame
personen Egbert Roelofsz inwonende poorter der stede van Aemstelredamme ende Anna Cornelis
zyn wettige huysvrouwe ghesont van lichamen gaende ende staende ende hoort verstant wel hebbende
ende gebruyckende zoomen wel coude bemercken Ende hebben omme sonderlinghe deuchdelycke reden
hooren moet ende conscientie bewegende byde beste maniert wege stile ende rechte zoe zy dat best ende
vastelicxte doen souden conden ende mochten hoore testament ende uterste wille gemaict geordonneert
ende gedisponeert in manieren naervolgende Ende eerst beuelende Gode almachtich hoore zielen ende
hooren lichamen der gewyder aerden hebben de voors testateurs gemaict geordonneert ende gewilt
maicken ordonneren ende willen mits desen dat de lancxtleuende van hen beyden hebben ende behouden
zal den geheelen ende volcomen enendom van alle den goeden roerende ende onroerende die zy deser tyt hebben
ende by successie oft anderssins noch gecregen sullen mogen zoe deerstofliuige die mitter doot ontruymen ende
achterlaten zal gheenen dair af vuytgesondert omme de zelue goeden int geheel oft int deel te moghen
vercoopen beswaren belasten oft alieneren zoe den lancxtlevende guet ende best geraden duncken zal in
welcke goeden zy testateurs den dander Institueerde erfgename mits desen Ende wilden de voors testateurs
dat naeden overlyden vanden lancxtleuende ende eer nyet den kinderen van hen testateurs oft hoore
kints kinderen Inde plaetse van hooren overleden ouders mit een hant Inne te tasten In gelycke portien succederen
zullen in alle den goeden die de lancxtlevende van hen beyden mitter doot ongedisponeert ontruymen sal sonder
gehouden te wesen de selue goeden oft eenige van dien te weesboucke te brenghen hooren state den weesmeesteren
dair of te openen of eenige cutie daervooren te stellen in eniger manieren Weluerstaende dat de lancxtlevende
gehouden zal wesen hoore beyder kinderen ten huwelycke oft andere eerlicke state gecomen wesende ende hen
by rade vanden lancxtlevende terselven state begevende, ende andere nyet eerlycken te cleden nae hooren
state zoe dan een gebruyck zal wesen ende daer en bouen den zeluen te doteren ende In huwelicke te geuen
de somme van ten ende veertich hondert karolus gulden van twintich stuvers tstuck sonder dat de lancxtleven
dairvooren oick gehouden sal wesen eenige borge te stellen Ten ware dat de lancxtlevende hem oft haer
weder begave ten huwelycke state in welcken gevalle de selve lancxtlevende gehouden sal wesen borge
te stellen voir tgunt voors staet zoe verre sulcx by hooren kinderen versocht oft begeert werdt in welcke
voors somme zij testateurs hooren voorss kinderen Institueerden erfgenamen vanden eerst ofliuigen Ende
assigneerden hoore twee gehuwde kinderen als henrick ende neeltgen tgunt zy in huwelycke gehadt hebben
ouerder erffenisse vanden eerstaflivigen Ende wilden dat zij ter lester voort van hen testateurs nyet en
zullen moegen Innecomen dan mits Innebrengende tgunt zij in huwelycke ontfangen hebben wilden mede
dat de lancxtlevende gehouden sal wesen hooren kinderen voors ongehuwelick blyuende ende ten voors staten
nyet gecomen wesende tamelicken ende eerlicken tot onderhouden tot discretie ende goeden gevalle vande
lancxtlevende Ordonneerden ende wilden noch de voors testateuren oft gebeurde dat eenigen van hooren kinderen
hen beginnen ten huwelycke oft andere state buyten raide ende tegeuen wille vanden lancxtlevende oft oick
deden oft opposeerden poochden oft attempteerden te doen ofte te opposeren bij hen seluen oft yemant anderen
directelicken oft indirectelicken tegens dese hoore makinge dispositie ende uterste wille Soe
wilden zy testateur van steerte vooren bevagen ende pesten of staen hueren mitter somme van
vierthien hondert karolus guldenen eene die testateurs den zeluen opposanten assigneerden over hoore
wettige ende legittime portie der goeden van hen testateurs Ende wilden dat de zelue opposanten de
reste der zeluer gueden verbeurt sullen hebben tot behouf vanden lancxtlevende van hen beyden In welcke
Legittima zy testateurs alsulcke wederwilligen ende opposanten In gevalle voors institueerden erfgenamen
vanden eerst oflivigen ende vorder nyet twelck vooren gescreuen staet seyden ende verclaerdende
voors testateurs te wesen hoore beyden testament ende vuyterste wille Begerende ende willende
tzelve als alsulck oft als codicille gifte ter cause des doots oft onder den levenden oft andere zoe dat nae
geestelycke oft wairlicke rechten best ende vastelicx te geschieden ende subsisteren zal mogen van waerden
gehouden hebben ende volcomen effect te sullen sorteren vanden minsten totten meesten articule toe niet jegenstaen
dordonnan vander weescamere deser stede onlancx gemaict oft eenige andere statuten oft plevisciten deser stede
oft van andere steden ofte plaetsen ter contrarie oft dat zij eenige solempniteyten hier inne schuldich te
onderhouden versuymt hadden dair of zij versochten gehouden te werden voir geexcuseert Ende henlieden
by my notaris publyck hier of gemaict ende gelevert te werden openbare Instrumenten een oft meer Inder
bester formen, Aldus gedaen binnen der stede van Aemstelredamme ten huyse mijns notaris ten jare dage
ende keyserrycke als vooren dair bynen ende ouer wesende d'eersame Jan zael droochscheerder ende Gouert
Jans zoon hudecoopen Inwonende poorters der voorss stede als getugen van goeden geloofve hier over geroupen
sonderlinge ende gebeden registrat folye liii C LV
Et ego theodoricus filii Walteri de Aemstelredamme publicus
sacra aplica aucte ac admissione curie Hollandie notaris
Quia premissorum bus et singulis dum sit ut premittitur
gerent una cum prevoit testibus corens
fierent et
Laque sicher vier si et midii ac innora
erfin
sumpst ideo hoc presene publicum instrumentum man
mere propria scriptum exinde confensubscripsi et hant
publica in formain redege inneq nomine et cognomine
meis solitis et consuet signavi in fidem et veritatis testimonium
om et singulorum premissorum rogatus et requisitus
walt