Blader door transcripties » Stadsarchief Amsterdam

archieftoegang 195, inventarisnummer 600, pagina 1

Wij Jacob van Colen Jacobszoon ende Harman allertszoon Schepenen In Aemstelredamme oirconden ende kennen dat voir ons
quamen Jacob Janszoon de moes mit rechte peters dochter zyne moeder ter eender ende Anna Jans dochter mit Jan Dircxz
quintingh hare vader ter andere zijden Ende ghelieden an beyden ziden dat de voorn Jacob Janszoon de moes ende Anna Jans
dochter tesamen inder heyligen echte vergaderen zullen mitten goeden ende opde condicien hier nauolgende. Ende eerst zal de voorn
Jacob Jansz ander voors Anna Jans dochter in desen huwelycke brengen twelck de voors rechte peters dr zyn moeder mit hem
belooft heeft te geuen ende geeft mits desen een schepenen rentebrieff van zes ende dertich Karolus guldenen siaers houdende op Jacob
dircxz drapenierder daer inne Gerijt Jansz Inde cras ende Peter petersz consyn opreder te samen ende elcx een voir al wairborgen
verobligeert staen Item een rentebrieff van vijff ende twintich guldenen siaers houdende opden huyse ende erue daer meester Lambert
vreecxz inne woent gestaen inde caluerstraet Item een rentebrieff van achtien karolus gulden siaers houdende opden huyse
ende erfue gestaen opde zuyderhouck vande vrouwe capel antstraet al ter lossen den penning achtien Item een zestiende paert
scheeps anden schepe van schipper Jacob mostent gheestimeert tot hondert ende veertich karolus guldenen Item an inne boedel hondert
Karolus guldenen Ende an gelde de somme van vierhondert acht ende dertich Karolus guldenen beloopende te samen alle de voors
vercheelen van goeden ter somme van een ende twintich hondert karolus guldenen dair Inne gerekent des voorn Jacob Jans zoons vaders erffue
hier tegens zalde voorn Anna Jansdr ander voors Jacob Jans zoon brenghen twelck de voors Jan Dircxzoon quintynghe hare
vader mit haer belooft heeft te geuen ende gheeft mits desen Eerst een schepenen Rentebrieff van dertich Karolus guldenen siaers houden
op Symon andrieszoen Item een rentebrieff van acht karolus guldenen siaers op thuijs genaempt de gontbloem ghestaen Inde
wintmolenzijde Item een rentebrieff van zestien karolus guldenen siaers houdende op Gherit andrieszoon all ter lossen den penning
achtien Item twee pont groot vlaems lyfrenten houdende op deser stede ten liue van Anna Jans voors ende voorts an gelde
de voors pertheelen van goeden te samen gerekent totter somme van twee duijsent karolus guldenen hier inne gherekent der voors
voorts zyn voorwairden dat de voors goeden byden voorn Jonghe luyden in desen
Anna Jans dochters moeders erffve
huwelycke gebrocht In allen gevalle van sterffuen all tyts wederomme zullen gaen erffuen ende besterffuen anden zide ende bloede
wair aff die gecomen sullen wesen zonder dair off te mogen vervreempden ofte versterffuen in eniger manieren, welverstaende
Indien de voorn Jacob Jansz de moes voorder voors Anna Jans dochter ofliuich worde zonder kindt ofte kinderen by haer gewonnen
achter te laten dat In sulcken geualle de selue Anna Jans dochter vuyt de gereetste goeden van Jacob Jansz voorss verbetert
zal wesen de somme van twee hondert karolus guldenen eens winst ende verlies halff ende halff ende erffenisse voir gheen
winst gherekent Ende zullen clederen juwelen ende cleynoden ongedeelt blyuen anden zyde tot wiens lyne die behoeren sullen
Sonder arch ende list In Oirconde dese brieuen twee alleens luyden besegelt mit onsen zegelen Ghegeuen opten vier ende