Blader door transcripties » Stadsarchief Mechelen

archieftoegang 2, inventarisnummer 937, pagina 52

Een huys oft cammere, metten hove gronde, dat den selve
gebruederen toe plach te hoiren, gelegen inde Kerchofstrate
tusschen den Heembempt, aen deen zyde ende der weduen
ende kynderen van wylen Janne de Ryddere erve, aen dander zyde
comende achterweerts totten vliete, welck huys met syne
voirscreven toebehoirten heeft Janne Vrancx als rentmeester
ende tot behoef vander infirmarien voirscreven voir achterstelligen
chys voir achterstelligen chys, die de voirscreven infermarien
daerop heeft, wettelic vutgewonnen ende verreyct heeft
A Domino Mechliniensi, Wander Calvo de infermarie ux censu pe
overschale etcetera de Hubeth ande ac des hen opte
fuit adheridatem
XXVa Juny tempore simile
Peter de Steynemoelen
Dale, Wyele. Heer Jan van Dyegheem priester, heeft vercocht
Peteren van Steynemoelen, Twee gouden Peters vander
munten etcetera goede etcetera te wetene XXXVI groten Vlaems gelts voir
elken van dien Peter gerekent erffelicx chys die hy hadde
Op een huys metten hove gronde etcetera toehoeren Janne Gheers
cooperslager ende Barblen Boydens synen wive, gelegen inde
Moelenstrate, tusschen Henricx vander Heyden erve aen
deen zyde ende de Brootmissen van Sinte Rommond erve aen
dander zyde. A Domino Mechliniensi, Waranderende. Op seventhien pond paymente
daer jaerlicx voir vutgaende
XXVIa Juny tempore simile
Egidius Putteman
Hanne Duffle. Willem ende Jan Putteman, Gielis Putteman
wettige kynderen voir hen selven, Ende Jan Putteman ende
Godevaert de Moor van svaders wegen, Ende Jan vanden
Perke ende Dierick van Sintruyden vander moeder weghen
als momboiren ende inden name van Lambrecht ende Henric
Putteman, oic des voirscreven Gielis Putteman, wettige kynderen
onder haere jaeren te wesende, die sy by haven bynne ende oic
wetene ende wille, in hen vervangen hebben, hebben quytgene
haren van
los vry ende ledich, den voirgenoemde Gielis Putteman van allen
alle
den haeffeliken goeden, die den voirscreven kynderen Putteman
byder doot van wylen Margrieten sRiddere haer moeder
die wyf was doen sy leefde, vanden selve Gielis Putteman
in eeniger manieren verstorven moegen syn
XXVIIa Juny
Henrick Putteman
Lambeene et
Item de voirgenoemde Gielis Putteman, debet den voirscreven momboiren
tot des voirscreven Lambrecht ende Henricx Putteman behoef
Seven pond grote Brabants gelts, Te betalen van Bamisse
naestcomende, bynnen twee jaeren tyt daernaer ter stont
vervolgende, Ende soe lange heeft de voirscreven Gielis gelooft
den selve Lambrechte ende Henricken synen kynderen, met hem
bynnen synen huyse te houden ende hen eenen dat eenen drincken
tamelic sonder mindenisse vander voirscreven scult, te geven
Ende daer voir heeft hy verbonden ende te pande geset alle
syne haeffelike goeden waer die bevonden zelen worden, die
hy nu heeft ende namaels hebben ende vercrigen sal, de voirscreven
momboiren inden name vanden voirscreven Lambrechten ende
daer toe
Henricken ende oic de voirscreven Willem ende Jan Putteman
hebben oic voirtaen, gewilt ende openbairlic voir ons
geconsenteert, dat de voirscreven Gielis Putteman der voirscreven
alsoe lange als zy sal leven
kynderen Putteman vader van nu voertaen paysselic ende
vredelic ende gelyc eenen tochtenere gebruyken sal, alle
wynnende lant, dat hy ende wylen Margriete Riddere syn
wyf, ten tyde, dat sy starf, te samen besitten, Ende daer voir
heeft de voirscreven Gielis gelooft te geven ende te betalen, alle
jare, soe lange hy leven sal, den voirscreven Lambrechten, Henrick
Willemen ende Janne Putteman synen kynderen, sesse gouden
Peters vander munten etcetera goede etcete, te wetene XXXVI groten
Vlaems gelts voir elken van dien gerekent, die zelen
de selve kynderen Puttemans daer af betalen, de helft vanden
chyse ende commer gaende jaerlicx vut allen de voirscreven wynnende
lande, sonder eenich wederseggen
XXVIIa Juny tempore simile
Eligie de
Resegheem
Wynkele, Hamme, Jan ende Peter van Heysbosch, gebruederen
Ende Lysbeth van Heysbosch, haer zuster met Janne Ympens
haren man, Ende oic Katheline van Heysbosch oic haere zuster
met Machiel de Vetsere, haren man, hebben vercocht
Loy van Resegheem, Een huys metten hove gronde etcetera
gelegen buyten den Wykete van Mechelen, tusschen Jan
Barbele erve aen deen zyde ende des goidshuys erve van
Bethanien aen dander zyde. A Domino Mechliniensi, Waranderende. Op twee chysgulden
daer jaerlicx vutgaende
Assignavit XXXIII Rinsgulden
ut supra tempore simile
Henricken
Lueve
Winckele, Hane. Gielis van Luypegheem voir deen zevende
deel, Katheline van Luypegheem met Adriaen de Pottere
haren man voir dander eenende deel ende Lijsbeth van
Luypegheem met Rommond Vleming, oic haeren man, voir tderde
sevende deel vanden huyse metten plaetsen, hier na bescreven
alle wettige kynderen van Janne van Luypegheem hebben
vercocht Henricken Huens, haer drie sevende deelen
van eenen huyse metter plaetsen gronde etcetera gelegen inde
Aedegemstrate, tusschen wylen Jans vanden Bloke erve
dat nu sinen kynderen toebehoirt aen deen zyde ende wylen
Henrick de Bock erve aen dander zyde, aen van welke
huyse metter plaetsen, dander vier sevende deelen
der voirscreven kynderen van Luypegheem bruederen, ende zuster
toebehoiren. A Domino Mechliniensi, Waranderende. Op Seven chysgulden, vuten
selven geheelen huyse metten plaetse jaerlicx vutgaende
Assignavit XXXII Peters
XXVIIIa Juny tempore simile