Blader door transcripties » Stadsarchief Mechelen

archieftoegang 2, inventarisnummer 937, pagina 35

menselve Marie Hanswicx
Peter Johanne et Katlyne
Winkele, Duffle. jouffrou Lysbeth Godessent, diemen heet
inden Creeft met Anthonis van haren man, heeft by
bywesene wetene wille ende volcomen consente van
Janne Godevant, diemen heet inden Creeft haeren vader
oft
vercocht Willem Robbene, diemen heet Barbier, tot behoef
Beke
vander taflen der Heylich Gheests vander prochie van
Sinte Rommonts ende dander thien gouden croenen, daeraf tot
behoef vanden anderen vyff taflen des Heylich Gheest
oic
vanden vyff prochie kerken, Te wetene van Onser
Liever Vrouwen van Hanswyck van Sinte Peters van
Sinte Peters jaer ende van Sinte Kathelinen, bynnen Mechelen
es
voir dander thien gouden soe onder hen viven
taflen der Heylichs Gheest, die thien leste gouden
gelyc
croenen, te hebbene ende te deylene, haer naer volgende
twintich gouden moegen vander munte jaerlike
de welke twintich soene
ende erffeliker rente de voirscreven jouffrou Lysbeth
hadde opte stad van Mechelen, Ende die jaerlicx
vallen ende verschinen, tot twee termyne, de wetene
voir deen helft daeraf opten yersten dach van meye ende
dander helft opten yersten dach van Novembry, ac
Renunciavit et promisit, Waranderende ut in forma, Ende tot desen
heeft van Delssenere, een der rentmeesters vander voirscreven
stad, Behoudelic der selver stad dairinne haeren rechte
syn consent gegeven, Behoudelic oic den voirscreven Willem
Robbene, inde voirgenoemde erffelike rente van twintich gouden
croenen, synder tocht paysselic ende vredelic syn leven
langh geduerende, te hebbene ende te gebruykene, sonder
eenich wederseggen
op twintich gouden
Croenen vander
midden jairliker
ende erffeliker renten
Te wetene, de thien
stonden hoeven
dairaf
prima aprilis tempore simile
Henric vander
zyden ende uxor
et aly
Hane, Ghooten, Henrick, Lysbeth ende Katheline vander
Heyden, wettige kynderen van Henricke vander Heyden
ende van wylen Kathelinen Scillemans synen yersten wive
hebben openbairlic vut haeren vryen wille voir ons
geconfirmeert geapprobeert ende van weerden gehouden
alsulken scheydinge ende deylinge, als tanderen tyden, Te
wetene opten derthienden dach van Novembry int
jaer dusent vierhondert zeventich lestleden voir
Meester Peter Ghoere, als notaris ende voir de getuygen
int instument daerop by hem gemaect begrepen
tusschen henlieden by bywesen van have momboiren
en Jehannen
ende tusschen den voirscreven Henricken hannen vader geschiet
ende gemaect in van allen den goeden hen verstorven
byder doot vander voirscreven wylen Kathelinen halver moeder
ende die hen oic byder desselfs haere vaders doot versterven zelen
o
havel, nu ter
tyt synen lesten
wive
Ende oic alsulken testamente al ende vutersten wille
als de voirscreven Henrick vander Heyden ende Johanne de Hach
syn wyf niet lange geleden, de wetene oic opten te
tweentwintichsten dach van meerte lestleden, voir
notaris ende getuygen gemaect ende geordineert hebben
Ende hebben dair toe de voirscreven kynderen vander Heyden
ende elc van hen besunder gelooft, de selve scheydinge
ende deylinge ende oic tvoirscreven testament ende vutersten wille
te houde ende oic alle de pointen, daer inne begrepen
te houden, eeuwelic vast gestentich ende van weerden
ende daer tegen nemmermeer te doen te seggen, oft oic
te doen comen, by hen selven, noch by nyemande anderen
noch oic des voirscreven Henricx vander Heyden ende Jehanne
synen wyf nakinderen, tot gheenen daigen, dairom
oft
voir gheestelike noch weerlike gerichten, quellen
noch moeyen in gheender manieren, Ende om die
gelooften alsoe volstentelic tonderhoudene ende te
volbrengen ende om der meerder zekerheyt, den
voirscreven Henricken vander Heyden ende Jehannen syn
wive ende oic haere voirscreven nakinderen, dairaf te doene
hebben de voirscreven Henrick, Lysbeth ende Katheline
vander Heyde, den selve Henricke vander Heyden
den vader, tot syne ende der voirscreven Jehannen syns wyf
ende haeren nakinderen behoef, dair voir verbonden
ende te pande geset, hen selve ende alle haere haeffelike
goeden waer die bevonden zelen worden, die sy
en hebben ende namaels hebben ende vercrigen zelen
a aprilis tempore simile
misse daer
Spastare
Digne
Duffle, Ghoeten. Jouffrou Marie Snelle wylen Jan Suls dochter
met Cornelis de Poirtenere, haren man, heeft vercocht
heer Jacop van Ysschot priester ende capellaen van eender
erffeliker capellen, die opten outaer van Sinte Dignen staende
inder prochie kerken van Onser Vrouwen, bynnen Mechelen
ter eenen vander selver Sinte Dignen, gefundeert is, tot behoef
van eender erffeliker missen, die de voirscreven heer Jacop, ter
eeren vanden Heyligen Cruce ende gewilt ende begheert heeft
eeuwelic gedaen ende gecelebreert te hebbene, opten voirscreven outaer
alsoe den scepenen brief daer op gemaect, dat clairliker vutwyst
drie chysgulden, sevenentwintich pond paymente ende vier
capuynen erffelicx chys, die sy hadde, Op een huys metten
hove gronde, dat de voirscreven heer Jacopen tot synder tocht ende den
voirscreven missen tot haer erffelicheyt toebehoirt, in Wisseleren
strate gelegen achter der voirscreven Onse Vrouwe kercken, tusschen
meester Jan Stocmans erve aen deen zyde ende Jan Stoefs erve
aen dander zyde, streckende achterweert, tot Jans van
Oeyenbrugge ende synder kynderen erve, ab eode Johannes de Oeyenbrugge
watere. Behoudelyc de voirscreven heer Jacop daerinne inde voirscreven erffelike
chys synder tocht paysselic ende vredelic te gebruycken
Passe afloepen
op VIII stuver ende
eenen behoert
heeft met heer Jacop
betaelt
Assignavit IX libris groten Brabants mit X stuvers
ut supra tempore simile