Blader door transcripties » Stadsarchief Mechelen

archieftoegang 2, inventarisnummer 937, pagina 155

Katlyne Rabboots
et Petris de
Yetegheem
Helt, Ghoeten. Gielis van Steynemoelen, heeft opgedragen ende
overgegeven, tot behoef van Rommond Rabboote ende van P
Janne van Yeteghem, alle syn recht ende deel, dwelc hy
dat hy hadde in een huys metten hove gronde etcetera gelegen
tot Heffene aende Plaetse, ter bruggen waert van Heffene
tusschen een ander huyse den voerscreven Gielis toehoeren, aen
deen zyde ende Willem de Vos, Eene aen, aen dander zy
A Domino Mechliniensi, Waranderende. Op acht stuver de opte weerde van twee
scellinge groten Brabants gelts daer jaerlicx vutgaende, die de
voerscreven Rommond ende Jan van Yetegem voer hen haer hoir ende
nacomelingen, gelooft hebben alle jaere te betalen ende de
af den voerscreven Gielisen ende synen hoir ende nacomelingen ende oic
syne voerscreven ander huyse, dwelc voer den voerscreven chys oic
verbonden staet, gelyc den voerscreven vercochten huyse eeuwelic
scadeloes quyt te houden ende tontlasten
Xa Juny tempore simile
Willems
Capellen
Gestelle, Baerdeghem, de eerweerdige vader in gode, heer Jan
vander Moelen Abt des goidshuys van Grymbergen, heeft inden
name vanden selven goidshuyse bekent openbairlic voer ons
dat hy verhuert heeft Willem Papelen, Ende de selve wylen
heeft oic voer ons bekent, dat hy tegen den voerscreven eerweerdige
vader in gode, minne heere den Abt inden name vanden voerscreven
goidshuyse gehuert heeft vier Moelenen, metten huysen
ende vischeeren daer toe dienende, den voerscreven goidshuyse
toehoerende, tot weerde gelegen, Ende oic des selfs goidshuys
huysen met haeren toebehoerten, aldaer oic tegen de voerscreven
Moelenen overgelegen, den termyn van drie jaeren lants
geduerende ende deen na dander terstont vervolgende, die
ingaen ende beghinnen zelen, opten sevenden dach van July
naestcomende, Ende soe voertaen zelen gedueren, den voerscreven
termyne, Ende vut zaken van deser hueringen, hebben de voerscreven
Willem Papellene, Ende oic Jan vanden Noeteleren ende Henrick
de Kempenere, woende tot weerde, onder dedeyf van
Grymbergen, gelooft ende elc van hen besunder ende voer al onge
na der divisen recht Te geven, te leveren, ende te betalen
voerscreven Abt oft den brenger van desen, tot des voerscreven goidshuys
behoef, bynnen deselfs goidshuys huyse, oft herbergen staende
tot Mechelen in Onse Vrouwen strate alle jaere, duerende
voerscreven drie jaeren, elcx jaere van dien twee hondert ende
tzeventich veertelen rogge goede ende custbare Mechelsch
maten, Te wetene elke drie veertelen daeraf, op twee
penningen naest den besten, Ende oic thien scellinge grooten
Brabants gelts, altyt tot twee termynen, te weten deen helft
tot Kersmisse ende dander helft tot Sinte Jansmisse Baptiste
daeraf den yersten termyn van betalingen syn ende begaende
sal tot Kersmisse naestcomende, Ende daer toe hebben sy oic
gelooft ongevrydt als voer te geven den voerscreven prelaet
den brenger van desen, tot des voerscreven goidshuys behoef
eenen gulden ende synder liever moeder elcx Jairs vanden
voerscreven drie jaeren altyt tot Onser Liever Vrouwen daer
Lichtmisse, Sesse scellinge grote oic Brabants gelts voerende
pond gewacht was, Ende dat oic opte condicien
vorweerden, tusschen den voerscreven plaet ende Willem Papelen
bevorweert ende ondersproken, hier naer volgende, die deselve
Willem, Ende oic de voerscreven Jan vanden Noetelere ende Henrick
de Kempenere oic gelooft hebben inde voerscreven manieren, te voldoen
ierst dat de selve Willem houden sal, de voerscreven sluyse, op haer
recht in alsulker manieren, dat tvoerscreven goidshuys daer begheen
stadde een syde, noch achterdeel daer aen comme ende oft den
selve goidshuyse, daeraf eenigeestede oft achterdeel quame, dat sal de
voerscreven Willem den voerscreven goidshuyse oprichten ende tot sinen coste
ende laste verantwoirden, ende hy sal oic daeraf tvoerscreven goidshuys
altyt scadeloes quyt houden ende ontlasten. Item dat hy oic
de Neckele aflaten sal metten live omgaende, op synen cost
ende last ende die met alleene laten loepen. Item dat soe wanneer
hen eenich werck aende voerscreven Moelene weken sal, den
Moelenere, oft der sluysen toehoeren ende dat ten laste vander
voerscreven goidshuyse staet, sonder metsen ende deken, alsdan soe
sal de voerscreven prelaet van des voerscreven goidshuys wegen betalen
de weerlieden haer dachmere daeraf ende de voerscreven Willem
sal hem geven den cost ende hen leenen bedden, om op te
slapene, Item als aen de voerscreven Moelen oft huyse yet gebreken
sal, dat staet ten laste vanden voerscreven goidshuyse, dat sal de
voerscreven Willem Goete tyt huedingen, den voerscreven prelaet
ende dan sal hy dat doen maken, alsoe gerugge, als hem dat
moegelyc syn sal te doene. Item oft gebuerde, dat by
gebreke van Tymmerlieden Zagere, oft steden, oft oic by
vloeyen, oft by gebreke van wateren, eenich vanden voerscreven
Moelenen stalle stonden ende datmen die daerom met alsoe
geringe en cons gereken, dat en sal den voerscreven goidshuyse
tot gheenen achterdeel comen, noch de voerscreven Willem en sal
daerom den selve goidshuyse met afslaen van sinen
voerscreven pachte naer gebeurde dat God verhuede, dat
by ongevalle de voerscreven Moelenen, oft eenich van dien oft
de voerscreven huyse wech voerden, alsoe datmen daer met
gheender Moelenen ende conste gemalen, alsdan soe salme
vorscreven
de voerscreven wille, aen des goidshuyse pacht afslaen, alsoe
vele als na gelaude vanden tyde, behoeren sal. Item
oft oic by toedoene ende onyne vanden voerscreven Willem
oft van synen dienen ende Jannen eenige ende te quame, oft gedaen
worde, aende voerscreven Moelenen, oft aen tgene, dat den selven
Moelene toebehoert, alle die scade sal deselve wille, den
voerscreven goidshuyse, wel ende loffelic oprichten ende betalen, ter
ordinancien van goeden mannen, die sy aen beyde zyden, daer
toe nemen ende kyesen zelen. Item dat oic de voerscreven Willem
negeenssens ende sal moegen vutgeven, bescaden oft verleeren
de voerscreven Moelene, oft eenich van dien, het en zy by wille ende
consente vanden voerscreven prelaet, oft van dien vanden voerscreven
goidshuyse. Item dat de voerscreven Willem Papelen de voerscreven
moelen ende alle dinstrumenten, daer toe dienende, alsoe goet
laten sal, tot synen afscheyden, als hyse na scattinge aenveerden
sal, Ende oft die beter bevonden worden, dat salmen den voerscreven