Blader door transcripties » Stadsarchief Mechelen

archieftoegang 2, inventarisnummer 937, pagina 124

Sevoor
Johannes Stappar
Baerdegem, Mol. Peter de Bye bye heeft bekent dat hy vanden
Rentmeesters vander stad van Mechelen, gehadt ende ontfangen
heeft, de somme van sesse pond groten Brabants gelts, die Laureys
huyse met haeren toebehoerten, dander, deen neven dandere in
vander Hoegen hagen ende wylen Lysbeth Raes, hem sculdich ende
tachter waren ende die gecomen syn vanden vercoepe van twee
Sinte Kathelinen strate gelegen, die den voerscreven Laureyse ende
wylen Lysbetten, toe plagen te hoeren van welker sommen, heeft
de voerscreven Peter Quytgesconden den voerscreven rentmeestere, den
voerscreven Laureys ende wylen Lysbetten ende allen anderen des quitancie
behoeven, Ende hebben daer toe, de selve Peter de Bye
ende Laureys gelooft ende elc van hen besunder voer hem syn
hoir ende nacomelingen, oft gebeurde, in toecomenden tyden
dat Janne Stappaert den ouden, die de voerscreven huysen voir
ombetaelde scult vutgewonen, ter vierscharen vercocht
ende dien tot Rommont Rabboots, behoef verthegen heeft, oft
synen hoir ende nacomelingen, eenigen stoot achterdeel oft
scade quame vander gelooften van waerscapen, die deselve
Jan Stappaert, den voerscreven Rommonden daeraf gedaen heeft
dat sy in dien gevalle, dien stoot achterdeel ende scade
zal den selven Janne, zelen helpen dragen ende mede gulden
dueghdelic helpen gulden ende voldoen, na advenant vanden
voerscreven somme van sesse ponden groten, sonder eenich wederseggen
Om welke gelooften, alsoe tonderhouden ende om der meerder
zekerheyt daeraff den voerscreven Janne Stappaert ende oic inne
voerscreven hoir ende nacomelingen, te doene, hebben de voerscreven Peter
ende Laureys, daer den selven Janne Stappaert de voernoemde
verbonden ende te pande geset haer lyf ende daer toe
alle haere haeffelike goeden, waer die bevonden zelen
worden, die sy nu hebben ende namaels hebben ende vercrigen zelen
VIa january tempore simile
diewille
Coolman
Heelt, Vossele. Meester Zegher Nuweele, wylen Zegers
juweels ende wylen jouffrou Yden Lenaerts synder huysvrouwen
wettich soon, heeft vercocht, heer Willem Coolman priester
de helft van eenen huyse metten hove gronde etcetera dat
den voerscreven wylen Zegeren, ende synder huysvrouwe toe plage
toehoeren, gelegen inden Ouden Bruel, tusschen opten vlyet
aldaer, tusschen den selven vlyet, aen deen zyde ende Mathys
Alen erve aen dander zyde. A Domino Mechliniensi, Wande opte weerde van
drie grooten Brabants gelts, die vuten voerscreven helft vanden voirscreven
huyse metten hove jaerlicx gaende
Xa January
van Vetegheem
Jan Kercman, inden name van hem selven ende oic
inden name van allen den anderen synen medeplegeren, als gerechte
erfgenamen vander eender helft van allen den goeden, gebleven
achter de doot van wylen Lysbetten Zomers Jans Schuerwegge
wyf van haer moeder zyden, die hy in hem vervingen, heeft
opgedragen ende overgegeven tot behoef vanden voerscreven Janne Schuer
de helft ende alle trecht, dwelc hy ende syne voerscreven medeplegeren
hadde ende hen byder doot vander voirscreven wylen Lysbetten zoe
haer nichten verstorven is, in alle de haeffelike ende erffelike
goeden bynnen etcetera wesende ende gelegen, henlieden, byder doot vanden
selver hander nichten van haer moeder zyden gede. A Domino Mechliniensi Waranderende.
Barbele
vanden
Beckere
Mol, Bossche, Cristiaen vander Eecke, heeft vercocht Barblen
vander Eecke synder zuster, tderdedeel ende alle trecht, dwelck
sy hadde ende hem byder doot van Jorys vanden ecke van sinen
brueder verstorven in tvierendeel van eenen huyse metten
hove gronde etcetera gelegen inde Rogbroecstrate in Onser Vrouwen
prochie, tusschen Aerts vander Steghe diemen heet van Os erve
aen deen zyde ende wylen Henricx Bocx erve dat nu synder weduen
ende erfgenamen toehoert, aen dander zyde. A Domino Mechliniensi, Waranderende etcetera.
VIIa january
Willem de
pelmaker
Baerdeghem Mol. Heer Herman vanden Bossche diemen heet
int sevalle priester ende Dierick Adriaens als executeur
ende inden name vanden testamente ende vutersten wille van
Willem de Lepelmaker, diemen heet inden Ezel hebben
quytgeschonden los van ende ledich Joerdaen de Lepelmaker
tot desselfs Willems syns vaders behoef, vander sommen
van dusent gouden Rynsgulden goede etcetera oft de weerde
daervoer, die de voergenoemde Willem tanderen tyden, den voerscreven
synen executeur tot behoef vander execucien van sinen voerscreven
testamente voir scepen van Mechelen bekent heeft na
syn doot te betalen ende alle andere dies quitancie behoeven
geheelic ende al
ut supra tempore simile
Jans met
Mol, Soeten. Lysbeth Stevens met Diericken van Bezelaer
haeren man, heeft vercocht Vrancken de Smet, Seven moeken
Rogge goede te Mechelscher maten erffelicx pacht, die sy hadde
op een half buender lants metten gronde gelegen inde etcetera
den selve Vrancken toehoeren, gelegen inde prochie van Heffene
inde ende vander Gheelenstraten aen daerstrate tusschen de
selve Amerstrate aen deen zyde ende Meester Jans vanden Broeke
Synen erve aen dander zyde. A Domino Mechliniensi, Waranderende etcetera
die haer
deylingen
scheydingen
et lange
kinden tusschen
ende haeren
kinderen voerscreven
scepenen van
schelen
beliet, toegedeylt
toegescheyden
X January tempore simile