Blader door transcripties » Stadsarchief Mechelen

archieftoegang 2, inventarisnummer 937, pagina 12

Hubertus Mast
Hamme, Ghoeten, Katheline Mast wedue van wylen
Jan Baerts, heeft bekent openbairlic voir ons dat
sy gehadt ende ontfangen heeft van Hubrecht Mast
halven brueder, de somme van vivendertich gouden Ryns
guldenen, elken van dien, tot twintich stuvers gerekent
haer
die de selve Hubrecht, by crachte van eender vutspraken
die tanderen tyden, byden officiael van Cameryck ende vyf meester
Pauwels de Rots als mynlike seggenen, Op zekere
haere gescillen, int compronne daer op gemaect
begrepen, vutgesproken ende gedaen is sculdich ende
tachter waer, Ende van dier sommen van vierendertich
Rynsgulden, heeft de voirgenoemde wedue Quytgesconden
los van ende ledich, den voirscreven Hubrecht Mast
haeren brueder ende alle andere dies quitancie behoeven
geheelic ende al
XIa January tempore simile
Symon Gheelmans
Loens
Hamme, Ghoeten. Martine Loens, wedue van wylen
Godevaert Masse, Seggende ende ons te kennen gevende
dat sy met wylen Henricken Gheelmans, haeren meesten
man die van haer vercregen heeft, eenen wettigen soon
geheeten Symoen Gheelmans gheene goeden noch
hare noch erve gehadt, noch vercregen en heeft
Ende dat sy, na syn doot metten voirscreven wylen Godevaert
haven lesten man, met hueren ende waren arbeyde
vercregen heeft, Een huys metten hove ende synen
toebehoirten inde Mandestrate gelegen, Ende oic zelen
haeffelike goeden, daer mede in erve, na haeren
wille, disponeren soude sunderlinge dair om zeker
Redenen ende ongemuechten ende veerden wille
die haer de voirscreven Symoen, haer voir, die wile
gedaen heeft ende noch dagelicx doot, Ende heeft
daer om voir haeren vutersten wille geordineert
ende voir ons gewilt ende begheert, dat naer haer
doot, de voirgenoemde Symoen haer soon, hebben, houdende
ende besitten, sal tvoirgenoemde haer huys met synen voirscreven
toebehoirten, opten last ende commer dair jaerlicx
vutgaende sonder meer, Ende daer mede wilt hy
dat hy te vreden zy ende blive, sonder eene recht
deel meer, te hebbene, oft te heysschene, in haere voirscreven
haeffelike goeden, Ende dat alle de selve haere
haeffelike goeden waer men die nair hair doot
bekinden sal, sunderlinge de ghene, die boven haer
wettige sculden costen van vutvander ende boven
haere makinge overschieten selen, van toecomen
bliven ende oic hebben ende houden zelen zelen
annen behoef
levende vander
selver taflen den
van haven
de tafle der Heylichs Gheester Jans vander prochie
kerken van Sinte Jans, staende bynnen Mechelen den tot
wederseggen vanden voirgenoemde Symoen haeren soon
niet tegenstaende. Behoudelic nochtan der voirscreven
Martinen der weduen, haer volcomende macht
om desen haven wille ende ordinancie, te meerderen
te minderen te coningen ende te nieuwe te doen in
al oft in deele, alsoe dicke ende menichwere, als
haer dat goetduncken ende gelieven sal
XXI January tempore simile
Jan de Molle alias
Zwaelf et uxor
Winkele, Hane, Jan van Mollem, diemen heet Swaelf
dat in onse ende onse medescepen tegewoirdicheyt
hier naer bescreven, te hebben dicheyt gecreven syn
de jonge ende Katheline Verrende syn wyf, by bywesene
ende volcomen consente van Janne van Mollhem, diemen
heet Swaelf de voirscreven Jans vader, Seggende dat sy gheen
wettige kynderen en hadden, Ende hebben dairom voir ons
gewilt ende openbairlic geordineert, dat de langhstlevende
van hen beyden, soe lange die alsdan leven sal, paysselic
ende vredelic sal gebruyken, alle der haeffeliker ende
erffeliker goeden met allen haeren toebehoirten, waer
ende tot wat steden ende plaetsen, die te bevonden zelen
worden ende gelegen syn, die sy nu tertyt hebben ende oic
namaels hebben ende vercrigen zelen, den wederseggene
van yemande ende oic den rechte ende coustumen dairaf ter contrarie
onderhouden niet tegenstaende. Behoudelic dien, dat alle de voirgenoemde
goeden na de langhstlevende doot vanden voirscreven Janne ende Kathelinen
blivende, toecomen ende bliven ende versterven zelen, Te wetene de goeden
ende hem toebehoirende
gecomen van des voirscreven Jans zyden, den wettigen kynderen vanden
voirscreven Janne de Zwane den ouden die hy van op synen toecomende
wettigen wive, sal moegen vercrigen, Ende der voirscreven Katheline
goeden haer oic toebehoirende, haeren wettigen kynderen, oft
noemende
haerer beyder gerechte erfgenamen, dien die goeden na den rechte
vanden voirscreven stad sculdich zelen syn toe te comen ende te versterven, oft den
hem dien sy die goeden samentlic met testamente oft anderssins geven ende
maken zelen welke ordinancie wy ende oic Duffle ende Ghoeten, ons
medescepenen by crachte vanden statute daerop tanderen tyden gemaect geconfirmeert
ende weert hebben ende by onser ordinairder macht confirmeren ende approberen
alle argelist vutgescheyden
oft ende dat daer toe de voirscreven
Katlyne inde gevallen
dat sy den voirscreven Jan
haeren man ende oic
de voirscreven Janne van
Molhem synen vader
overleefde hebben ende
houden sal haer tocht
int lange metten hove
ende alleene toebehoirten
deselve Jan van
Malle de vader nu
ter tyt in woent
in Sinte Katheline
strate tegen tkerchof
van Se Kathelinen
kerken, wive
overgelegen ende
de
dat huys gelyc
eender tochtenere
alleene haeren
leefdach lange
gebruyken
ut supra tempore simile
Liberode
de Cools
de Hamme et
et uxore
Hane, Hoegen. Jehanne Gheylen, wedue van wylen Coel
van hy gehad hebben voir hair deel van
van Hamme, Seggende ende ons te gekennen gevende hoe dat nu
de doot vanden selven haren van Jan Willen, Katheline ende
yegelic van haren kinderen te wetene
Barble van Hane erve ende tegen gedeylt hebben allen
den haeffelike goeden achter den voirscreven Coel haeren vader man
gebleven ende dat eene de somme van vierentwintich
Petere daer mede sy te vreden waren, ende hebben dair op de
voirscreven weduen haerer moeder quytgesconden, gelyc dat inden
quitancien dair op voir scepenen gemaect claerlik begrepen
staet, Ende om dat sy daer naer, als de ghene, dien die haeffelike
ende quitancien
goeden, by crachte van dien afcoope geheelic ende al toebehoirden
vercocht heeft den voirscreven Jan van Hamme, haeren soon, alle den
allen ende instrumenten, diemende totten volden sambacht voir