Blader door transcripties » Stadsarchief Mechelen

archieftoegang 2, inventarisnummer 937, pagina 108

Johanne de
Werchteren
Haere, Duffle. Jan vanden Rode wylen Jans vanden Rode ende
wylen Jehannen van Werchteren syne wyle wettich soon voir
hem selven, Ende oic deselve Jan vanden Rode ende Jan Blyleven
als momboiren ende inden name van Philips ende Lysbetten vanden
Rode, desselfs Jans vanden Rode, brueder ende zuster absent
wesende, die sy in hem vervinghen, voer de Seven Rynsgulden
Ende oic Katheline van Werchteren, wylen Gielis van Werchteren
dochter ende die der voirscreven wylen Jehannen brueder was, van
hy leefde inden name van haer selve oic inde name
van Janne van Werchteren haeren brueder, buyten lant wesende
ende van diens levene gheen memorien ende die sy in haer
vervingh oic voer seven gelycke Rynsgulden hier nae
bescreven, hebben openbairlic voer ons bekent ende verleden
dat sy gehadt ende ontfangen hebben van Janne van Werchteren
haeren neve veerthien gouden Rynsgulden goede etcetera te
wetene veertich groten Vlaems gelts voir elken der selver
Rynsgulden gerekent, als voer haer deel van allen den
haeffeliken goeden, henlieden gebleven ende verstorven, byder
doot van wylen heer Janne Van Werchteren priester, haerlieder
Neve, welke haeffelike goeden waren byden trecoren
ons genadigen heeren hertogen van Bourgen van Brabant etcetera, tot
de helft over genaden heeren behoef, aenveerdt, om dat de
Beke
voerscreven heer Jan Bastaert waer ende daeraf, den voerscreven Janne
van Werchteren, tot synen ende der voerscreven sy bekende behoef
als gerechte erfgenamen, desselfs heer Jans niet meer
gegeven noch gerestitueert ende dan eenentwintich
gelycke Rynsgulden eene, Ende, Ende van dien
veerthien gouden Rynsgulden vanden voerscreven pryse, hebben
oic de voerscreven bekendere inde name als voer quytgesconden
los vry ende ledich, den voerscreven Janne van Werchtere ende alle
andere dies quitancie behoeven gheheelic ende al
IIIa tempore simile
Arnoldus
Cleynaert
Baerdegh, Duffle. Jouffrou Katheline van Voesdonc, met Vrancken
van Halen, haeren man heeft vercocht Aerde Cleynaert
de helft van twintich chysgulden erffelicx chys, die
heeft
haeren vader verstorven is, Op een huyse metten gronde
sy hadde ende haer byder doot van wylen Aerde van Voesdonck
dat de Cogghe te heeten plach, dat nu dEyke geheeten in
dat wylen Henricken van Hembach toe plach te hoeren
gelegen over de Grootbrugge, tusschen thuys den
Spoerwaer geheeten, dat oic den voerscreven wylen Aerde
toe plach te hoeren, aen deen zyde ende thuys den
Kemel geheeten toehoirende Godevaert Yswyn aen dander
zijde. A Nicolas Schermer, waer op sesse pond drie
penninge Loevens eenen halven capuyn, sesse gouden gulden
van Florencen, thien penninge groote Turnoyse ende thien
pond payment, daer jaerlicx voer vutgaende
ut supra
Jacobus
Wabbel
Baerde, Duffele, Henrick ende Willem Wabbele, wylen Jacops Wabbels
kynderen, Ende Jan Woyts ende Jan Poets als momboiren van wylen
Jacoppen Wabbele, wylen Jan Wabbele, wettich soon, welke Jan
Wabbels was brueder doen hy leefde vanden voerscreven Henricken
ende Willemen Wabbele, Ende oic heffene wort, wedue vander
selve wylen Janne Wabbele, hebben bekent openbairlic voer ons
dat Jacop Wabbele, der voerscreven kynderen Wabbels brueder, tanderen
tyden gegeven ende betaelt heeft, den voerscreven momboiren, tot des voirscreven
wylen Jacop Wabbele der soons behoef ende om daer mede
de scult van synen voerscreven vader te betalene, de somme van
Tweentzestich gouden Rynsgulden, elken van dien tot
veertich groote Vlaems gelts gerekent, Ende dat voer de
lossinghe ende quitinge van vier gelycke gouden Rynsgulden
erffelike renten, die de voerscreven wylen Jacop Wabbel
der voirseyde wylen Jan Wabbele soon hadde, op een huys
metten hove gronde stallen gronde etcetera, den Aer geheeten
den voerscreven Jacoppen Wabbels toehoirende, gelegen buyten Sinte
Katheline Poirte inde Rechtstrate, tusschen der kisten erve
bynnen den beghynhove van Mechelen, aen deen zyde ende der
kynderen erve van wylen wylen Kerstiaen de Wolff, aen dander
zyde, Ende van dier sommen van tweentzestich Rynsgulden
ende oic vanden voerscreven vier Rynsgulden erffelick rente, hebben
de voerscreven Henrick ende Willem Wabbels ende de voirscreven momboire
ende weduwe inde name van des voirscreven wylen Jacops Wabbele
wylen Jan Wabbels soons wegen voerscreven Quytgesconden los
van ende ledich, den voerscreven Jacoppen Wabbel de voerscreven kynderen
Wabbele brueder ende alle syn voerscreven huys den Aer geheeten
ende alle andere dies quitancie behoeven, geheelic ende al
III augusti tempore simile
relicta de
Daneele
sCranen
Wynkele, Duffle. Meester Lambrecht de Poirtere ende Hubrecht sCranen
van des vaders weghen ende Henrick Huens van der voere moeder wegen
als momboiren ende inden name van Janne ende Kathelinen sCranen
wylen Daneel sCranen kynderen, onder haere jaeren wesende, die sy in hen
vervingen, hebben quytgesconden los van ende ledich, Margrieten sBocx
weduen vanden voerscreven wylen Daneelstraten, van allen den
haeffeliken goeden, die den voerscreven kynderen sCranen, byder doot
vanden selven wylen Daneel, haeren vader, die der selver
weduen haerer moeder, man was doen hy leefde in eeniger
manieren gebleven ende verstorven moeghen, van Ende oic vander
sommen van hondert pond groten Brabants gelts die de vorscreven
weduwe den voirscreven haeren kynderen vut zaken vanden afcoope
der voerscreven haeffeliker goeden, sculdich ende tachter was ende
alle andere dies quitancie behoeven
XIa tempore simile