Blader door transcripties » Stadsarchief Mechelen

archieftoegang 2, inventarisnummer 937, pagina 102

Katlyne staen
et uxor
scabale
Actum in cammere
Heelt, Gestelle, Henric Spaen, ende Margriete Machiels syn wyf Seggende
ende over te kennen gevende, dat sy gheen wettige kynderen en hadden
Ende hebben daerom voer ons gewilt ende openbaerlic geordineert
dat de langhstlevende van hen beyden, soe lange die alsdan leven sal
paysselic ende vredelic sal gebruyken alle der haeffeliker ende
beruerliken goeden waer die bevonden zelen worden, die
sy nu ter tyt te samen hebben ende hier namaels oic hebben ende
vercrigen zelen, den wederseggen van yemande ende oic den recht
ende coustumen daeraf ter contrarien onderhouden, niet tegenstaende
Behoudelic dien, dat alle de voergenoemde goeden, na de langhstlevende
doot vanden voerscreven Henricke ende synen wive bliven, toecomen ende
versterven zelen haren gerechte erfgenamen dien die goeden nade recht
vander voirscreven stad sculdich zelen syn toe te comen ende te versteene, onde geven
dien sy deselve goeden samentlic met testaen oft anderssins geven
ende maken zelen welke ordinancie wy ende oic veerdegen wynkele
Duffle ende Expoele, onse medescepenen by crachte vanden statute daerop tanderen
tyden gemaect, geconfirmeert ende geapprobeert hebben, Ende by onse ordinairder
macht confirmeren ende appoberen Alle argelist vutgesceyden
XXV may tempore simile
Henrick Wabbel
haeren man, heeft vercocht Henricken Wabbel Twee derdedeelen
Winck, Duffle, Margriete Tymmerman, met Henricken de Meyere
haer derdedeel van eenen huyse metten hove gronde etcetera
daeraf dander twee derdedeelen, den selven Henricken
Wabbels toebehoiren, gelegen in Sinte Kathelinen strate
den ven
tusschen de prochiaens erve vanden beghynhove, aen deen
zyde ende vuyt geheeten tZweert, toehoeren Henricken Yngele
aen dander zyde. A Domino Mechliniensi, Waranderende. Op vier Peter erffelic ende twee
gelike Peters lyfpensien vuten voerscreven geheelen huyse metten
hove jaerlicx vutgaende
XXVII may tempore simile
Dale
Scepman vanden
Item Henrick Wabbel heeft vercocht Steven vanden Dale
Eenen gouden Rynsgulden goet zy te wetene veertich
groten Vlaems gelts voir dien gerekent erffelic chys
Te heffene, deen helft, tot Kersmisse ende dander helft
syn
tot Sinte Jansmisse, Op ende aen tvoergenoemde huys metten hove
in Sinte Kathelinen strate gelegen. A Domino Mechliniensi, Waranderende. Op vier Peter
erffelic ende twee Peters lyfpensien, daer jaerlicx voer
vutgaende
Ut supra tempore simile
geordineert
vanden Dorpe
Heelt, Duffle. Jan vander Ramen oude cleedercoeper, heeft
opgedragen syn tocht, die hy hadde in een huyse metten gronde
gelegen, Eenen wech oft ganck die wylen Godevaert Vleming
toe plach te hoeren, met eender poorten gronde, onder derve
dat wylen Margrieten weduen van wylen Janne Blanckaert
toe plach te hoiren, byde Marie van Mechelen gelegen, ten
tusschen der selver weduen erve aen deen zyde ende thuys
den Beer geheeten, toehoerende de Joeye vanden Dorpe aen
dander zyde, streckende achterweerts met eenen huyse achter
der selver weduen Blanckaerts erve, totter Mylanen toe
A Domino Mechliniensi, ut tot behoef van Janne vander Cammen synen soon
dier ierst inne gegoet waert, Ende daer naer, heeft de
selve Jan vander Cammen de soon vercocht den voergenoemde
Jorys vanden Dorpe den voirscreven wech, oft ganck metten
Spoerten huyse gronde etcetera boven genoem, waer op Seven
scellinge, Sesse penninge ouder groten Turnoyse vander munten etcetera ende
daer jaerlicx vutgaende, Ende op alsulken last dat den selve
wech, met synen voerscreven toebehoirten, mede onderpant te
voer tweentwintich scellinge sesse penninge der selver
ouder groeten vuten voerscreven huyse den Beer geheeten
jaerlicx gaende
Twee Ryns
guldenen
XXVIII may tempore simile
uxor
Jacob vanden
leene eters
Heelt, Baerdeghem. Aert Back, diemen heet int woudt
heeft bekent voir ons dat hy verhuert heeft Jacoppen
vanden leene ende jouffrou Kathelinen Hemelrycx synder
huysvrouwen, Ende de selve Jacop ende jouffrou Katheline
hebben oic voer ons bekent, dat sy gehuert hebben, tegen
den voergenoemde Aerden thuyse metter plaetsen, hove stallen
gronde ende allen andere synen toebehoirten, doudt
geheeten, aenden Steenwech van Mechelen gelegen, tusschen
der weduen ende kynderen erve van wylen Aerde vanden
Broeke, diemen heet Mussche, aen deen zyde ende thuys
den Wolff geheeten, toebehoirende Janne van Bonrode, aen
dander zyde, den termyn van Sesse jaren langh geduerende
ende deen na dander vervolgende, die ingaen ende beginen
zelen, tot Sinte Jansmisse Baptisten naestcomende, Ende
soe voertaen zelen gedueren, den selven termyne, Ende
vut zaken van deser hueringen, hebben de voergescreven Jacop
ende jouffrou Katheline syn huysvrouwe gelooft ende elc van
hen besunder ende voer al, te geven ende te betalen, den
voergenoemde Aerden oft den brenger van desen elcx Jans
van dien sesse jaeren, als vyfthien pond groten Vlaems
gelts, tot twee terminen, Te weten deen helft daeraf
tot Kersmisse ende dander helft tot Sinte Jansmisse Baptisten
daeraf den yersten termyn van betalingen syn sal, tot
Kersmisse naestcomende, Om welke gelooften, alsoe tonderhouden
ende om der meerder zekerheyt, den voerscreven Aerde vander
voirscreven betalingen te doene, hebben de voergescreven Jacop ende
syn huysvrouwe, den selve Aerde daervoer verbonden
ende te pande geset, alle hare haeffelike goeden waer
die bevonden zelen worde ende oic haere erffelike goeden
metten gronde etcetera bynnen etcetera gelegen, met alsulker
condicien, oft gebuerde, dat by by toedoene vanden voerscreven
Jacoppen synen wive oft van haeren dienen, eenige gelasen
oft poirtalen vanden voerscreven huyse gebroken worden, dat zelen
sy de voerscreven Aerde dueghdelic oprichten ende betalen, sonder
wederseggen
De
I Juny tempore simile