Blader door transcripties » Stadsarchief Mechelen

archieftoegang 2, inventarisnummer 948, pagina 9

Mensa Katlyne
Borch, Cale. Katheline van Landonck wedue wylen van Jans vander Straten
cum tutore, heeft opgedraghen ende overgegeven tot behoef vander tafelen des Heylichs
Geests van Sinte Katlynen tot Mechelen, alhaer recht dat sy hadde ende dat sy byder
doot vanden voergenoemde wylen Janne vander Straten haeren man in eeniger
manieren souden moegen hebben ende heysschen in alsulke haeffelike ende
erffelike goeden binnen der stad ende vryheyt van Mechelen gelegen die naer
desselfs haers mans doot gebleven syn. A Domino Mechliniensi, Waranderende etcetera. Mathys van
boven ende Jan vander Heyden als proviseurs ende tot behoef vander
voerscreven tafelen waerden der inne gegoet ende geerft
Inary tempore simile
Relicta Joris van
Borch, Cale. Henrick Myleman ende Joes Myleman als
naeste mage ende brieve van Maghen de Zwerte
ende van Willem Verspeckenen haeren neve ende
nichten infra annos die sy in hen vervanghen
hebben by bywesene ende volcomen consente van
Gielis van Ghestele comoingmeester van deser stad
quytgeschonden los vry ende ledich, Meester Janne
van Bost tot behoef van Katlinen sBoudens weduwe
wylen Jans de Zwerte van allen den haeffelycken goeden
die den voirgenoemde Magrieten ende Willeme byder doot
vanden voirsreven wylen Janne de Swerte de voirgenoemde Machten
brueder, ende des voirscreven Willems oem doen hy leefde
in eenige manieren gebleven ende verstorven mogen syn ende
oic vander sommen van Acht gouden Rynsgulden
elken van dien tot veertich Vlems gelts gerekent
ende van eenen blauwen tabbaerde gevoedert met
Witten Laken die sy vut saken vanden afcoope daer selver
haeffelycker goeden vanden voirscreven Katlinen tSerboudens gehad
ende ontfangen hebben ende alle andere dies quitancie behoeven
geheelic ende
XXVI January tempore simile
Willem Verstockenen
Item. De voirscreven Henrick Myleman ende
syn wyf
ondersaten tot hebben gelooft ende elc van hen
besunde ongevrydt ende opten divisen recht in handen van
Gielis van Gestele commoingmeesters van deser stad des voirscreven
Willems Verspeckenen par ende deel vanden der inde
quitancie hierboven gescreven opte leggende ende te betalene wanneer
eenich van hen beyden comen sal syn van live ter doot
oft die alsulk aente leggende ten meesten proffyte vanden
selven Willeme sonder argelist
ut supra tempore simile
Jacop Heylen et uxor
Voesdonc, Heelt, Jacop Hoye, Ende Lysbeth sWillem
syn wyf seggen, dat zy gheen wettige kinderen ende
hadden, Ende hebben dairomme voir ons gewilt
ende openbaerlyc geordoneert dat de lanxtlevende
van hen beyden, de soe langhe die alsdan leven sal
paysselyck ende vredelyc sal gebruycken alle de
haeffelike ende erffelicke goeden wede wel connen der vryhys
v ende stad van Mechelen gelegen als dair buyten
die zy nu tertyt hebben oft namaels sullen mogen
vercregen, Ende metten selven haeffelycke goeden disponeren
alsoot hem gelieven sal, den wederseggene van
niemande oft oic den rechte ende costumen ter
te onderhouden niet tegenstaende. Behoudelyc
dien dat alle de voirgenoemde goeden waerde anxtlevende
doot vanden voirscreven Jacop Heylt ende syne wive bliven
toecomen ende versterven sullen haven gecocht
vutgenomen, dien zy naerdt rechte vanden voirscreven
stad sculdich sullen syn toe te comene ende te
verstorven, oft den goeden dien zy die goeden
den met testamente oft anderssins geven ende
maken sullen welcke ordonancie wy ende oic
goeden zyden Ingelram stale ende Keynooge, onze
medescepen by crachte vanden state daerop
tanderen tyde gemaect geconfermeert ende geappert
hebben ende by desen onse ordinarest:t; ordinander macht
gaen ende appoberen, de ergelist vutenst:t;
XXVIII January tempore simile
Gielis de Vos
Voesdonc, Eyken, Henrick de Lange ende Jaspar de Katlyne van svader
wegen, Cornelis van Haren ende Peter vanden Wreecke
vander moeder wegen, als momboiren ende inden name van
Beatrisen de Lange, Jans de Lange des jongen wettigen
dochter onder haer jaeren groote wesende die sy in hen vervingen
voir een vierendeel, jouffrou Cristine de Lange des voerscreven
Henricx de Lange dochter beghine, cum tutore van dander vierendeel
ende Margriete De Lange haer zuster cum tutore voer tyden
vierendeel, hebben vercocht Gielisen de Vos wylen Jans de
Vos soone haerlieder drie vierendeelen vander helft van eender
haeren lyve metten huysen schueren stallen tot ende