Blader door transcripties » Stadsarchief Mechelen

archieftoegang 2, inventarisnummer 948, pagina 89

de selve
volbuert ende tot volcomender execucien na haerer
beyder doot gestelt ende gevueght worden, den den wederseggen
van haeren kynderen oft van yemande anders niet tegenstaende
Ende dat tselve te haer testament ende vutersten wille
van alsulker crachten ende machten zy ende gehouden worden
als oft voir ons inder manieren dat gemaect is gepasseer
ende geschiet ware, Behoudelic nochtan den selven
Janne ende Dignen synen wive daerinne haere meerder
minderen wederroepen ende verclaren alsoe dicke als
hem dat goet duncken ende gelieven sal
Xa may
Dexecutie vanden
testamente van
Yuetens et syns
wyfs
Hulst, Vos. De voirgenoemde Jan Yuetens ende Digne syn wyf den
Meester Janne van Bost tot behoef vander Execucien
van haeren voerscreven testamente ende vutersten wille, sesse hondert
gouden Rynsguldenen, elken van dien tot veertich grooten
ende halven hen volgende dewere
Vlaems gelts gerekent Te betalene deen helft daeraf te
stont na de doot vanden jersten stervenden vanden voerscreven
Janne ende en Dignen synen wive ende dander helft ter
stont nade doot vanden lesten stervenden vanden selven
manne ende wive, Ende hier voer hebben sy verbonden alle
haer haeffelike goeden waer die bevonden zelen worden
Ende oic alle haere erffelike goeden metten gronde etcetera bynnen
der stad van vryheyt van Mechelen gelegen die sy nu
tertyt hebben ende hier namaels oic hebben ende vercrigen
zelen. A Domino Mechliniensi,
ut supra tempore simile
Augustyn Quisthout
Gielis de Vos Laureys
vander Lynden hen
de Kempenere ende
Gielis Ghysbrechts
Item. Jaspar ende Hubrecht de Smet gebruederen wylen
Jans de met kynderen inden name van hen selven, Ende Willem
van Springele ende Jan Mathys van svaders wegen, Ende
Gerardus de Blaeuwe ende Jan Reyers diemen heet Delssene
vander moeder wegen, als momboiren ende inden name van
Janne Rommonden ende Peteren de Smet oic des voirgenoemde
wylen Pe Jans de met kynderen, onder haere jaeren de
voir ons bekent dat het sy gehadt ende ontfangen hebben
wesene, die sy in hen vervingen, dat hebbest:t; hebben openbaerlic
van Augustynen quisthout, Gielis de Vos den ouden Laureys
vander Lynden ende Henricken de Kempenere, de somme van
Twee hondert gouden guldenen elken van dien tot twintich
grooten Vlaems gelts gerekent die sy den voirgenoemde kynderen
vut zaken vanden zoeningest:t; vander verconsaen ende
zoeninge vanden dootslage tanderen tyden gedaen ende
geperpetreert by Geestst:t; Gielisen Ghysbrechts inden persoon
vanden voirgenoemde wylen Janne de Met toegeseet ende
de selve
gelooft hebben te geven ende te betalene, ende van dien
sommen van Twee hondert gulden vanden voirgenoemde pryse ende
oic van eenen wege tot Sinte Peters ende Pauwels tot comen
ende van ver drie hondert Zielmissen ende vier dertichsten
brecht
ende die de voirgenoemde Gielis voir de zalicheyt vander
zyelen vanden voirgenoemde wylen Janne de met sculdich
was te doen ende te dochelerene, hebben de voerscreven Jasparst:t;
ende oic van allen anderen dingen, die de voirgenoemde bekenden
den selven Augustinen, Gielisen de Vos Laureysen ende
Henricken ende oic den voirgenoemde Gielisen Ghysbrechts vut
zaken vanden voirgenoemde zoeninge in eeniger manieren souden
moegen heysschen, hebben de voerscreven Jaspar ende Hubrecht
de Smet ende de voirgenoemde momboiren, inden name vanden
voerscreven Janne Rommonde ende Peteren de Smet quytgesconden
los vry ende ledich den voerscreven Augustinen Quisthout
tot sinen ende totter voerscreven Gielis de Vos Laureys vanden
Lynden Henrix de Kempenere ende Gielis Ghysbrechts behoef
ende alle andere dies quitancie behoeven geheelic ende al
ut supra tempore simile
de weduen wylen
Jans de Smet
Item. De voirgenoemde Jaspar ende Hubrecht de Smet
inden name van hen selven, Ende de voerscreven momboeren
inden name vanden voirgenoemde Janne Rommonden ende Peteren
de niet onder haere jaeren etcetera wesende die sy in hen
vervingen, hebben Quytgesconden los vry ende ledich
Barblen sBlaeuwen weduen vanden voirgenoemde wylen
Janne de Smet ende der voerscreven Jans kynderen de
met moedere van allen den haeffeliken goeden
die allen den selven kynderen de Smet, byder doot
vanden voerscreven wylen Janne de Smet, haeren vader
ende den voerscreven Barblen der weduen jerste man
doen hy leefde in eeniger manieren, gebleven ende
verstorven moegen syn ende alle andere dies quitancie
behoeven geheelic ende al
ut supra tempore simile
Jan Mathys
Borch, Hulst. Jan Mathys wettich soon van Janne Mathysest:t;
oude schoenmakere heeft Quytgesconden los vry ende ledich
den selven Janne synen vader van allen den haeffelike
goeden weduere van wylen Margrieten ach van
Bornhem van allen den haeffeliken goeden die den voirgenoemde
Janne Mathys den sone byder doot vanden voirgenoemde
wylen Magrieten synder moeder ende desselfs Jans
Mathys des vaders iersten wive doen sy leefde in eeniger
manieren gebleven ende verstorven moegen syn ende alle ander
dies quitancie behoeven geheelic ende al
van