Blader door transcripties » Stadsarchief Mechelen

archieftoegang 2, inventarisnummer 948, pagina 87

dambacht vanden
Hoeveners
die daerom voir ons
gecomen was
stad van Mechelen alsulken assyse, als derselver stad vut
zaken vanden voerscreven vutgecapten wive gevallen ende verschenen
sal syn, dat hy in dien gevalle, tvoerscreven ambacht vanden
Hoeveners ende haer tvoerscreven huys den Moor geheeten vanden
betalingen vander voerscreven assysen tegen de voirgenoemde stad ende
alle andere altyt scadeloos quyt houden ende ontheffen sal sonder
eenich wederseggen, Om welke gelooften alsoe volstentelic
tonderhouden, Ende om der meerder zekerheyt den voerscreven
ambachte daeraf te doen, Soe heeft de voirgenoemde Adriaen de Hont
Jan Gheylen Cristoffel van Puddegheem ende Jacoppen vanden
hove te als gesworenen ende tot behoef vanden voerscreven ambachte
daer voir verbonden ende te pande geset alle syne haeffelike
ende erffelike goeden metten gronde etcetera bynnen te wesende
ende gelegen die hy nu tertyt heeft ende hiernamaels oic
hebben ende vercrigen sal. A Domino Mechliniensi. Ende van dier gelooften heeft
oic de voerscreven Gielis van Nylen den gelooft den voerscreven
Adriaen de Hont altyt scadeloos quyt te houden ende oic tontheffene
IIIa may
Jan de Wolf
Lange, Vos. Heeren Jan ende Pauwels de Ka priesteren ende Rommond
de Ka haerlieder brueder alle wettige kynderen van wylen Everaert
de Ka, hebben vercocht Janne de Wolf, haerlieder drie vyfstedeelen
die sy hadden ende henlieden byder doot van wylen Jasparen de
Ka haeren brueder gebleven ende verstorven syn in Twee huysen
metten gronde etcetera tHoefyser geheeten gelegen deen neven
dander inde Coestrate vast aende leste brugghe aldaer opte Hergracht
tusschen de selve Hergracht, aen deen zyde ende Machiel Cloets
erve aen dander zyde. A Domino Mechliniensi. Ende in eenen hoff metten
gronde etcetera gelegen inden Stompaerts hoeck in Sinte Jans prochie
tusschen des goidshuys van Blydenberge erve aen deen zyde ende
Jacops de Beckere diemen heet van Keerbergen erve aen
dander zyde. A monialibus, Waranderende. Opte weerde van drie
pond ende st:t; drie scellinge groten Brabants gelts vuten voirscreven
geheelen twee huysen ende zone jaerlix gaende
supra tempore simile
Magriet vander Vettere
Lange, Borch. Willem vander Straten woenende tot Maldere, onder
den joncheer van Grymbergen heeft gelooft ongevrydt naer
der divisen recht Te leveren, ende te betalen, Janne van Beringe
tot behoef van Margrieten vander Varent oft den brengen
van desen dertich veertelen Rogs goede ende custbaren
Mechelsch maten totten terminen hierna volgende Te weten
de vyfthien veertelen daeraf tot Bamisse naestcomende
Ende vander vyfthien veertelen daer af tot Bamisse
daer naer sonder middel vervolgende, sonder eenich wesen
V may tempore simile
st:t;
es
Peter van Middeldonc
Lange, Vos. Gielis van Ghestelle deken vander Draperen van deser
stad heeft vercocht Peteren van Middeldonck, drie gouden Croenen
elken van dien tot sesse scellingen groten Brabants gelts gerekent
erffelix chys die hy hadde op des voerscreven Peters twee huysen
metten hove gronde etcetera gelegen deen neven dander inde
Begaertstrate tusschen
Waranderende etcetera
A Johannes de Muysenst:t; streckende achterweerts
totter Mylanen. A Johannes de Muysene, filio quondam Johannes Bastaerden
Assignavit X Rinsgulden eens
VIII may tempore simile
Cassata et priester
lants de consens
Eeden quite
et Nicolas
Reyniers in
presenta Johannes
Jacop Hale et
de Moldere
Byest, Te
Arnolde vander
VIIa may
XXVIen alias
coopte
Hulst, Keynooge, Henrick Wychman ende Martine vanden Bloke syn
wyff, hebben vercocht Claes Reyniers van Bruessel, Sesse ponden
Croenen elken van dien tot sesse scellingen grooten Brabants
gelts gerekent erffelix chys Te heffene altyt tot Sinte
Jansmisse daeraf den jersten termyn van betalingen syn sal
tot Sinte Jansmisse naestcomende, op ende aen des voerscreven Henricx
ende syns wyfs vyfthien gouden Rynsguldenen ende eenen
halven, elken van dien tot te veertich grooten Vlaems gelts
gerekent erffelix chys die sy hebben op twee huysen
metten hoven gronde etcetera toebehoerende Costen Gommaer, gelegen
deen neven dander over de Corenmarct inde Hooghstrate
by Sinte Jacops Capelle, tusschen Willem Everaerts erve
aen deen zyde ende Jans van Rogbroeck erve aen dander zyde
streckende achterweerts totten hove van mille, Ende op des
selfs cost Een huys metten hove gronde etcetera den selven
Gommaer toebehoerende gelegen inde voerscreven Hooghstrate tegen
de voerscreven twee huysen over, tusschen Henrix vander Bruggen
erve aen deen zyde ende desselfs Henricx Wychmans erve aen
dander zyde. Ab Anthonio de Oeyenbrugghe, Waranderende etcetera.
VI may tempre simile
Meester Hubrecht Welman
Voesdonck, Keynoogge. Jan de Langhe ende Jan Robs als proviseurs ende inden
name vander taflen des Heylichs Gheests vander prochiekerken
van Sinte Rommonds bynnen Mechelen hebben opgedragen ende
overgegeven tot behoef van Meester Hubrecht weekenst:t;
Meester Hubrecht Weelmans docteur in Loye, Een huys oft woeningen
plagen
metten hove gronde etcetera dat wylen Hubrechten Weelmans synen
vader toe plach te hoeren, gelegen ende dat Meester Herman van Hamme
als rentmeester ende tot behoef vander voerscreven taflen des Heylichs
Gheests tanderen tyden voir achterstelligen chys die deselve taflen
daerop heeft wettelic vutgewonnen ende verreyct heeft gelegen
in Sinte Kathelinenstrate tusschen Lodewycx de Meyere erve aen