Blader door transcripties » Stadsarchief Mechelen

archieftoegang 2, inventarisnummer 948, pagina 82

De selve
dertich scellingen groten Brabants, telken male ende den elken penningen
met sesthien geliker penningen, Achtien gouden Ryns
guldenen elken van dien tot veertich groten Vlaems gelts
gerekent die Peter van Steynemoelen daerop heft ende die oic
ter quitingen staen den penninge met sesthien geliker penningen
ende met sesse Rynsgulden te male ende een pond groten oic
Brabants gelts dat de tafle des Heylichs Gheests vanden
prochiekerken van Onser Vrouwen daerop jaerlix heeft dat
jaerlix vutgaende Ende op alsulken last dat tselve huys met
gepant
synen voerscreven toebehoerten onderpantst:t; is ende bliven sal voir de
weerde van vyff scellingen grooten Brabants gelts gaende
jaerlix vuten selven huyse ende vut eenen anderen huyse toehoerende
Janne vander Stappen inde voerscreven Penningstrate achter tselve
huys tHoefyser gelegen, ende opten last van eender verveerder
langen te houden hangende in Sinte Jacops Cappellen staende byder
Oeverster poerten van XL Rinsgulden Mechelen, die ter quitingen
staet voir tzestich Rynsgulden eens daer jaerlix vutgaende
Assignavit XI Rinsgulden
XX aprilis tempore simile
Pot Retro suo
loco
Joes van Merende
Borch, Hulst. Machiel Cools weduere van wylen Lysbetten Tymmermans
heeft opgedragen ende overgegeven syn tocht die hy hadde in een
pond neghenthien scellinge thien penninge ende eenen hellinge groeten
Brabants gelts erffelix chys van alsulken twee ponden seventhien
scellingen thien penningen grooten ende twaelff myten Brabants oic
jaerlix ende erffelix chys als Janst:t; wylen Jan van Aedegheem de
jonge te hebben plach op ende aenst:t; twee huysen metten hove ende
met eenen anderen cleynen huyse daerachterstaende ende oic metten
gronde etcetera, die jouffrou Lysbetten van Merende toe plagen te hoeren
ende die nu Joes van Merende haeren brueder toebehoeren gelegen
wylen
deen neven dander inde Mossestrate tusschen Luytgaert Noydens
erve aen deen zyde ende der voerscreven jouffrou Lysbetten van Merende
vutganck van haeren hove aen dander zyde. A Domino Mechliniensi, Juravit tot
behoef van Janne, Henricken, Gielisen, Rommonden ende Machiel
Cools synen kynderen ende van Marien vander spellen wettige dochter
van Wouteren vander spellen ende van wylen Lysbetten Cools synen
wive, welke wylen Lysbeth oic des voerscreven Machiels dochter was
doen sy leefde, welke Jan Henrick Gielis ende Machiel tot haeren
ende er tot des voerscreven Rommonds haers brueders behoef ende de
momboiren hierna bescreven totter voirscreven Marien vanden Spellen
behoef ierst daerinne geerft worden, daernaer hebben de
voirgenoemde Jan, Henrick Gielis ende Machiel Cools gebruederen inden
name van hen selven ende oic inden name vanden voerscreven Rommonde
Cools haeren brueder absent wesendest:t; ende buyten lands wesende die
sy in hen vervingen, Ende Peter vander Spellen ende Henrick
vanden Dycke van svaders wegen, Ende de voerscreven Jan ende
Henrick Cools vander moeder wegen, als momboeren ende inden
meer vander voerscreven Marien vander Schellen als onder haer