Blader door transcripties » Stadsarchief Mechelen

archieftoegang 2, inventarisnummer 948, pagina 75

De kynderen Herregot
vanden voirgenoemde Andriesen, Jacoppen Jorysen, Kathelinen ende Jacomen
Herregot, haer tocht ende alle t recht dat sy hadde ende haer byder
doot vanden voirgenoemde wylen Mathys Herregot haeren jersten man
gebleven ende verstorven syn in alle de erffelike goeden metten gronde
bynnen den prochien van Heffene ende Blaersvelt gelegen, achter de
doot vanden selven wylen Mathys gebleve. A Domino Mechliniensi, Waranderende etcetera.
IIII aprilis
Anthonis de Borgere
helft van dien, den
vyfstedeel ende dander
daeraf tvyfste
selven Anthoenis de
Borghere toebehoirt
Lange, Hulst. De voirgenoemde Andries ende Jacop Herregot gebruederen inden
name van hen selven ende oic inden name vanden voerscreven Jorysen Herregot
haeren brueder, absent ende vuyten lands wesende, die sy in hen vervingen
voir de drie vyfstedeelen ende de voerscreven Jacomen Herregot metten
voirgenoemde Henricken vanden Weerde haeren man voer tvierde vyfstedeel
hebben vercocht Anthoenis de Borgere wylen Jans de Borghere soon
eender
haeren vieren vyfstedeelen vanden erffeliken goet vander helft
vanden erffeliken goeden metten gronde etcetera hier na bescreven
ierst van Eenen huyse met twee schueren ende eenen stuck
lants daer achterliggende, houdende te samen anderhalf buendere
gelegen tot Heffene opt Schotelvelt tegen den vier van Blaersvelt
muer tusschen Peter Caluwaerts erve aen deen zyde ende des voerscreven
Anthoenis de Borgere erve aen dander zyde. Item van eenen stuck
lants houdende int geheel omtrent een vierdest:t; houdende int
geheel omtrent een vierendeel met eenen duyfhuyse daerop
staende, gelegen aldaer byde Heyde tusschen des voerscreven
Anthoenis de Borger erven aen dese beyde zyden. Item van eenen
stuck lants houdende int geheel omtrent een half vierendeel
gelegen aldaer opt voerscreven Schotelvelt tusschen Jans vander
Hoeven erve aen deen zyde ende des voerscreven Anthoenis de Borgere
erve aen dander zyde. Item van eenen stuck lants tot
geheeten gelegen dat vierde Schooff is, gelegen aldaer tusschen
heer Martens van Lanchem priesters erve aen deen zyde ende des
selfs Anthoenis ander erve aen dander zyde, Ende van
Eenen stuck lants den Bogaert geheeten, gelegen oic aldaer
aende Eyerstrate tusschen deselve strate aen deen zyde
des voerscreven Anthoenis erve aen dander zyde. A Domino Mechliniensi, Waranderende etcetera.
ut supra
Mensa Katlyne
Hulst, Vos. Dierick Loemans rentmeester des goidshuys van Bethanien
staende buyten poorten van deser stad, inden name vanden selven
goidshuyse hebbende om tgene te doen dat hierna bescreven staet
vander priorinnen ende gemeynen convente des voirgenoemde goidshuys
volcomen macht gelyc ons dat by eender procuracien daer op geman
ende bezegelt metten gemeynen zegel desselfs goidshuys claerlic
bleke, heeft opgedragen ende overgegeven tot behoef vander taflen
des Heylichs Gheests vander prochiekerken van Sinte Kathelinen
bynnen Mechelen, Een huys de Bargie geheeten met vive anderen
huysen daer by ende aen staende die wylen ende oic metten gronde etcetera
dat wylen Andries vander Voort toe plach te hoeren, ende dat Jan
de selve
Barbier tot des voerscreven goidshuys behoef tanderen tyden voir achterstelligen
chys die tselve goidshuys daerop heeft wettelic vutgewonnen
ende verreyct heeft gelegen inde Kerchofstrate ende Zeelstrate tusschen
der weduen ende kynderen erve van wylen prochiel vander Wyct
aen deen zyde ende Rommonds vander Beke erve aen dander zyde
A Domino Mechliniensi, Waranderende. Behoudelic den voerscreven goidshuyse daerop synen
voerscreven chyse ende allen anderen dier voer ende nachys op hebben, Mathys
van boven als proviseur ende tot behoef vander voerscreven taflen des
Heylichs Gheests behoef waerter inne geerft
aprilis tempre simile
Wilde de Vos
Lange, Diest. Jehanne de Lange wedue van wylen Janne de Vos
heeft gewilt ende openbaerlic voer haeren vutersten wille
voir
geordineert ende begheert dat Willem de Vos wettich soon van
Gielisen de Vos des voerscreven wylen Jans ende der selver Jehannen
syns wyfs soon, ter stont naer haer doot hebben houden aenveerden
besitten ende gebruyken sal alle alsulke haeffelike goeden, als
naer haer doot boven haere wettige sculden costen van haerer
vutvaert ende boven haer legaten ende makingen in haeren testamente
begrepen, in eeniger manieren bliven ende overschieten zelen, den selven
Willeme in alle deselve haeffelike goeden haeren gerechten ende
eenigen erfgenaem noemende ende instituerende den wederseggen
haer inne
vander voerscreven Gielissen oft van yemande ander niet tegenstaende
VII aprilis tempore simile
de we van
Dufflegeem
Borch, Dyest. Gielis van Roeven rentmeester van Onser genadiger
Vrouwen, der hertogen van Bonge van Brabant etcetera
h van haerer stad ende lande van Mechelen, heeft bekent
gehadt ende ontfangen hebbene, vanden eerwerdigen vader in
Gode ende heeren, zyne Goessen hadden t des goidshuys van
Duffleggheem, de somme van Sesse hondert gouden Rynsgulden
elken van dien tot veertich groten Vlaems gelts gerekent
welke somme van sesse hondert gouden Rynsguldenen de
voirgenoemde Gielis gelooft heeft die deselve eerwerdige vader den
voirgenoemde rentmeester tot synder beden geleent heeft welke
somme van sesse hondert gouden Rynsgulden vanden voerscreven
pryse, deselve rentmeester gelooft heeft ende gelooft met desen
te geldene ende te betalene, Claese van Nyvele tot des voerscreven
Eerweerdichs vaders in gode behoef, opten jersten dach van
Meere nu naest toecomende, Om welke gelooft alsoe
volstentelic tonderhoudene, Ende om daermeerder zekerheyt den
voerscreven heeren Goessen daeraf te doene Soe heeft de voerscreven Gielis
den selven Clasen tot desselfs heer Goessens behoef daervoer
verbonden ende te pande geset alleene haeffelike goeden
waer die bevonden zelen worden ende oic alle sine
erffelike goeden metten gronde bynnen etcetera gelegen die hy nu
tertyt heeft ende namaels oic hebben ende vercrigen sal
VIIaaprilis