Blader door transcripties » Stadsarchief Mechelen

archieftoegang 2, inventarisnummer 948, pagina 41

Augustyn de Moinck
Keynooge, Vos. Jan de Lange, meester Lambrecht de Poortere
docter in medicinen ende Jan vanden Heyden, als proviseurs
ende inden name vander infermarien vanden armen beghinen
buyten den Berch van
staende bynnen deser stad, hebben om des meests orboirs ende
profyts wille vander selver infirmarien vercocht Hubrechten
de Monick, Augustyns de Monick soon, Een huys
metten gronde etcetera geheeten de Mynne dat Willeme
Campioens toe plach te hoeren, gelegen in Sinte Kathelinen
strate opten hoeck vander Bogaertstraten tusschen deselve
Begaertstrate aen deen zyde ende der weduen ende kynderen
erve van wylen Wouteren vanden Zuyvele, aen dander
zyde gelyckerwys ende in alle den manieren, tselve huys
niet lange geleden, ter vierscharen van vander voerscreven
stad, ten hooghsten ende meesten pryse vercocht is geweest
A Beato Rumoldo, Waranderende. Op veerthien gouden Rynsgulden
elken van dien tot veertich grooten Vlaems gelts gerekent
daeraf den de thien Rynsgulden ter quitingen staen
den penninge met sesthien gelyker penningen eens ende met
vollen chyse, dair jaerlix vutgaende. Behoudelic dien
gater min vut dat sal der voerscreven infirmarien te baten
comen gaeten oic meer vut dat zelen de voerscreven proviseurs
inden name vander selver infirmarien den voerscreven coepere
oprichten, Te wetene voir elken penninck dies meer
chys, sesthien geliker penningen eens
Assignavit LXX Rinsgulden eens
XI January tempore simile
Willem de Vos
Borch, Vos. Jan vander Bruggen, heeft vercocht Willeme
de
de Vos van Heffene, anderhalven chysgulden erffelicx
chys die hy hadde op een huys metten hove gronde etcetera
houdende een halff vierendeel luttel min oft meer, toehoerende
Willeme vanden Broeke, gelegen tot Heffene op Hoedonck
tusschen Henrick vander Bruggen erve, aen deen
zyde ende Margrieten vanden Beempde erve aen dander
zyde. A Domino Mechliniensi, Waranderende etcetera.
Assignavit VIII Peters eens
XIII January
Claes Woutgheerds
Borch, Hulst. Gielis van Ghestelle ende Meester Hubrechtst:t;
Gielis Vrancx
Weelmans als proviseurs ende inden name vander Heyligen
Drievuldicheyt vanden gasthuyse vander Heyliger
Drievuldicheyt staende by Sinte Kathelinen poorte
van Mechelen hebben om des meests orboirs ende profyts
gasthuys
wille vander selven infirmenst:t;vercocht Lysbetten
Woutgheerts Ymbrechts de Roeven wive Een huys
metten gronde etcetera hove gronde etcetera dat Margrieten
sRoevers toeplachte hoerene ende dat Aert Cleynaert
de selve
als rentmeester ende tot behoef vanden voerscreven gasthuyse, tanderen
tyden voir achterstelligen chys, die tselve gasthuys daerop
heeft wettelic vutgewonnen ende verreyct heeft gelegen
inde Leckeringe tusschen Wouters de Haze erve aen deen zyde
ende wylen Lysbetten Boels erve aen dander zyde. A Domino Mechliniensi,
Waranderende. Op eenen chysgulden, die tvoerscreven gasthuys daer
behouden sal
op jaerlix ende erffelic heeft ende heeft ende eenen halven
chysgulden, die de aelmoessen kyste bynnen den beghynhove
van Mechelen daer op oic erffelic heeft ende heft daer
jaerlix vutgaende
XIIII January
Mensa Rumoldo
Borch, Hulst. Jacop de Beckere ende Willem vanden Stocke alias
proviseurs ende inden name vanden van Sinte Jacops
gasthuyse staende by dOeverste poorte van Mechelen
hebben vercocht Janne de Lange ende Jan Wagewyns
diemen heet de Zaghere
als proviseurs ende tot behoef vander taflen des Heylichs
Gheests der prochiekerken van Sinte Rommonds boven
Mechelen viventwintich scellinge Loevens erffelicx
chys die tvoerscreven gasthuys hadde op zeker erffelike
goeden metten gronde etcetera bynnen der voirscreven staden
vryheyt van Mechelen gelegen der voerscreven taflen
des Heylichs Gheests toebehoerende. A Domino Mechliniensi, Waranderende etcetera.
Assignavit den XXVI denier
supra tempore simile
Willem vanden
Stocke
Item. De voerscreven proviseurs inden name vander voerscreven
taflen des Heylichs Gheests hebben vercocht den
voerscreven Willeme vanden Stocke, Twee chysguldenen
erffelix chys die deselve tafle hadde op desselfs
Willems huys metter plaetsen gronde etcetera gelegen
inde Lange Scipstrate tusschen Jans de Vleeschouwere
erve aen deen zyde ende der weduen ende kynderen erve van
wylen Rommond vanden Steene diemen heet Quaeyvoer
aen dander zyde. A Domino Mechliniensi, Waranderende etcetera.
Assignavit den XXVI denier
supra tempore simile
Gheerd van
Kershoven et uxore
Henrix dochter
Hulst, Vos. Jouffrouwe Cristus de Langhe beghyne, cum tutore
heeft Terve gegeven Gheerd vander Kershoeven, Een huysst:t;
achter Sinte Jacops Capelle, tusschen Jans vander Heyden erve
metten hove gronde etceterast:t; ende Annen vander paelt synen wive een
huys metten hove gronde etcetera gelegen in Sinte Jacopsstrate
aen beyde zyden streckende achterweerts tot wylen Jans van