Blader door transcripties » Stadsarchief Mechelen

archieftoegang 2, inventarisnummer 948, pagina 29

Henrick de Wers heeft bekent schuldich synde mollaer
Matheus de woenende mit ter tyt inder stad van Loevene de
somme van hondert Rynsgulden Te wetene veertich grooten Vlaems
gelts gerekent te betalene, tot Sinte Martensmisse nu naestcomende
sonder langer vertreck ende hiervoer heeft de voerscreven Henrick
verbonden ende te pande geset, hem selven, ende alle syn haeffelike
goeden die hy op deen dach van heden heeft ende namaels hebben
ende vercrigen sal moegen, tot wat plaetsen die bevonden selen
worden
Item de voerscreven Nicolaes Mathys, heeft den selven Henrick
vernuecht gewillekuert toegeseet ende gelooft soe soe hy
noch duechdelic van deen blyken, den rechte genoech synde
dat wylen Hertoge, Karle Hertoghe van Borgh van Brabant etcetera
binnen eenen jaer tyts van
zyde den achtiensten dage van februario int jaer duysent
vierhondert vierentachtentich lestleden in levenden live binnen
eenighen van allen synen landen geweest es, dat alsdan de
voerscreven Henrick vander voerscreven schult van hondert Rynsgulden
ten pryse als voeren los vry en ongehouden sal syn te betalen
sonder argelist
ende Marie vanden Meester
Rende, Hult. Henrick de Byn alias Fierens dit Willem de
Witte ende Magrieten Wasschaerts wedue wylen Willems
van Dieven, de somme van veerthien pondt groten Brabants eens
Te betalene de drie pond daeraf tot Kersmisse naestcomende
ende dander elf pondt Jansmisse daer naer ter stont sonder
mede volgen ende haer voer, heeft hy verbonden alle
sine haeffelike goeden waer die bevonden zelen
worden ende oic alle syne erffelike goeden bynnen etcetera gelegen
die hy nutertyt heeft ende hier namaels oic hebben ende
vercregen. A Domino Mechliniensi,
eptembry tempore simile
Lange Hulst. Mathys Quintens ende Applonie Ballemans syn wyf
vader
Jan Quinten des voerscreven Mathys ende Margriete Ballemans der voerscreven
Applonien moeder de Adriane Ghysen ende Adriane Arents dochter
van Dordrecht synen wive ende elc van hen besundt, de somme van
derthien pond groten Vlaems Te betalene tot desen termynen Te wetene
deen derdendeel daeraf tot Paesschen naestcomende, de Item dander
derdendeel tot Sinte Jansmisse daerna volgen, ende tderde derdendeel tot
Paesschen daernae sonder middel volgende, Ende hiervoer hebben gewoirden
alle haer haeffelike goeden waer die bevonden zelen worden presenta
et futura ende de voerscreven man ende wyf hebben gelost den voerscreven
Jan Quinten ende Margriete Balleman haer af costeloes ende scadeloos
tontheffene
XV octobry tempore simile
Hulst, Vos. Jan Provane ende jouffrou Jannen Goes
syn huysvrouwe hebben bekent sculdich wesene ende elc
van hen bekende ende voir ons Henrick Huensst:t; ende Symoen
ge
Lovens Lodewyck van Berlaer ende Janne Wilgianden als
momboeren ende tot behoef van Hubrecht Janne ende Gheerde
Huens wettige kinderen van Dustyn Huens ende van wylen
Lysbetten Ostens synen yersten wive vierhondert ende
twintich Rynsguldenen elken van dien tot veertich groten
Vlaems gerekent, Te betalene totten termynen hierna volgende
Te wetene tot Bamisse naestcomende dertich der voirscreven Ryns
gulden. Item dertich der selven guldenen tot Bamisse daerna
volgende. Item noch dertich gelike gulden tot Bamisse daer
naer oic volgende, Ende dander driehondert ende dertich tot
Bamisse daer na ter stont sonder middel volgende, Ende
huer boe hebben de voirscreven man ende wyf verbanden ende
te pande geset alle huer haeffelycke ende erffelicke goeden
presenta et futura infra etcetera
XXIII octobris
Cock, Keynen Lysbeth van Releghem de Margrieten Yngelram
sesthien gouden Rynsguldenen elken van dien tot
veertich grooten Vlaems gelts gerekent Te betalene
tot Sinte Jansmisse naestcomende, Ende daervoer heeft deselve
Lysbeth Verbonden alle haere haeffelike goeden waer
die bevonden zelen worden die sy nu ter tyt heeft ende
hier namaels oic hebben ende vercrigen sal
X January tempore simile
Keynooge, Vos. Barble vanden Putte wedue van wylen Janne
vander Stappen der Janne Symoens van Antwerpen derthien
gouden Rynsguldenen elken van dien tot veertich grooten
Vlaems gelts gerekent Te betalene totten terminen hierna
volgende Te wetene de vyff Rynsgulden daeraf tot Simpen
ende de acht Rynsguldenen daer af tot Bamisse beyden
naestcomende, Ende daervoer heeft sy verbonden allen
haer haeffelike goeden waer die bevonden zelen worden
die sy nutertyt heeft ende hier namaels oic hebben ende
vercrigen sal
X January