Blader door transcripties » Stadsarchief Mechelen

archieftoegang 2, inventarisnummer 948, pagina 20

Jan van Brabbe
hoeck vander Knevelstraten tusschen de selve Knevelstrate
aen deen zyde ende Adriaen Sanders erve aen dander zyde, streckende
achterweerts met eenen anderen huyse oft woeningen, tot inde selve
Knevelstrate. A monialibus Te besittene op eenen erffelike
chys van vier gouden Rynsgulden elken van dien tot
veertich groten Vlaems gelts gerekent, Ende die te betalen altyt
tot opten jersten dach van decembry, Ende opten voerchys
van anderhalven chysgulden twee capuynen thien
scellinge Loevens ende tderdedeel van drie pond payments daer
jaerlix vutgaende, Ende op alsulken last dat tselve huys
medepant is ende selven sal voir vyf chysgulden ende eenen
halve ende voer twee derdedeelen van drie pond payments
vander vut des voerscreven Jans van Steynemoelen
erve, de achter selve vutgegevenst:t; huys gelegen jaerlicx
gaende, met alsulker condicien dat de voerscreven Jan van
Brabant sal moegen lossen ende quiten de voirgenoemde vier
gouden Rynsgulden des voirgenoemde chys tusschen dit ende
Sinte Jansmisse naestcomende ende elken Rynsgulden daeraff
met sesthien geliker gulden eens ende me sonder vollen
chyse
Assigna
VII decembris
Jacop Reyniers alias
de Cock
Borch, Keyenoege, Claes de Weendt heeft vercocht Jacoppen Reyniers
diemen heet de Cock, Sesse scellinge ende sesse penninge grooten
Brabants gelts erffelix chys die de voirgenoemde Claes hadde op
des voerscreven Jacops huys metter plaetsen hove gronde etcetera gelegen
erve
erve
opten Berthoutshof, tusschen Marien Rogiers huysst:t;, aen deen
zyde ende des voerscreven Claes de Weend huys aen dander zyde
streckende achterweerts mitten voerscreven hove toten vestbergen
van Mechelen. A Domino Mechliniensi, Waranderende etcetera.
Assignavit
supra tempore simile
Henrick Dyelkens
Item. Laureys Martens heeft vercocht Henricken
Dyelkens, Een pond groote Brabants gelts erffelix chys
Te heffene altyt opten sevenden dach van decembry
Op ende aen des voerscreven Laureys huys metten hove gronde
gelegen byde Veemarct van Mechelen opten hoeck vander
Corte Maeghdestraten tusschen deselve strate aen deen
zyde ende der weduen ende kynderen erve van wylen
Peteren d van Puersse aen dander zyde streckende achterweerts
metten voerscreven hove tot op Sinte Peters kerchof. A Domino Mechliniensi,
Waranderende. Op vier gouden Peters elken van dien tot
sessendertich grooten Vlaems gelts gerekent ende opte
weerde van sesse scellingen ende thien penningen groten Brabants
gelts daer jaerlix voir vutgaende
Assignavit de
ut supra
Jan Crabbe
Lange, Vos. Katheline sBlaeuwen, met Henricken van Lymbosch
haeren man heeft vercocht Janne Crabbe, Peters sone haer
vierendeel van eenen huyse metten gronde etcetera daeraf dander drie
vierendeelen den selven Janne toebehoeren, gelegen in Onser Vrouwenstrate
opten hoeck vanden Hooghstraetkene, tusschen tselve aen deen zyde
ende wylen Jans van Lyere erve aen dander zyde. A Domino Johanne
vander Aa, Waranderende. Op drie capuynen ende eenen halven achtien
penningen Loevens ende negenthien pond payments vuten voerscreven geheelen
huyse jaerlix gaende
Assignavit
IX decembris
Jan Gheestman
Hulst, Keynooge, Henrick Jan Lysbeth ende Anne Gheestman alle wettige
kynderen van Janne Gheestman ende van wylen Margrieten
de voer vaders synen jersten wive hebben quytgesconden
los vry ende ledich, den selven Janne Gherstman haeren vader
weduere vander voirgenoemde wylen Margrieten svaders haerer
moeder van allen den haeffeliken goeden die st:t; allen den
voerscreven kynderen Gheestman byder doot vander voirgenoemde wylen
Margrieten haere moeder gebleven ende verstorven syn ende die
hen oic bydes voirgenoemde Jans Gherstman haers vaders doot in
eeniger manieren ge bliven ende versterven zelen, ende alle ander
die quitancie behoeven geheelic ende al
XII decembris
Willem Begoets voldere heeft vercocht Willeme
vander Straten wullenweve tot synen live anderhalve veertele
Rogs goede ende custbaere Mechelscher maten, st:t;st:t;
Te wetene elken veertele daeraf op eenen grooten Brabants
gelts naest den besten jaerlix lyfpachts Te heffene altyt opten
elfsten dach van decembry Op ende aen des voerscreven Willems
huys metten hove gronde etcetera gelegen op Neckerspoele inde
Wygaertstrate tusschen Jans van Hazele erve aen deen
zyde ende Rommonds de Dryvere erve aen dander zyde. A Johannes
de Muysene filio quondam Johannes bastarden, Waranderende. Op twee
capuynen ende sesse mottoenen dair jaerlix voir vutgaende
met alsulker condicien
Jan Smet
Dale, Keymoirtere. Margriete vander Beke wedue van wylen Anselmus
van Meerbeke, cum tutore als eene tochtenersse ende Anselmus ende
Vincent van Meerbeke haere kynderen, als erfgenamen, hebben
vercocht Janne de Smet Wullenwevere vyf gouden Ryns
gulden elken van dien tot veertich grooten Vlaems gelts gerekent
erffelix chys Te heffene altyt opten elfsten dach van decembry
Op ende aen der voerscreven tochtenersse ende erfgenamen huys oft