Blader door transcripties » Stadsarchief Mechelen

archieftoegang 2, inventarisnummer 948, pagina 15

tselve
hove gronde etcetera dat Wouteren de Voldere Smet toe plach te
Hoevene, gelegen inde Befferstrate tusschen Jan van Jans
van Wyelenbeke erve aen deen zyde ende Joes de Hamme
erve aen dander zyde, gelyckerwys ende in alle der manieren
Jan Barbier tot behoef vander voerscreven aelmoessen kisten
tvoerscreven huys met synen toebehoerten tanden tyden voer
jaerliken ende achterstelligen erffeliken chys die de voerscreven
kyste daerop heeft wettelic vutgewonnen ende verreyct
heeft. A Domino Mechliniensi, Waranderende etcetera. Behoudelic der selver aelmoessen
kisten daerop haeren voirscreven chyse ende alle andere dier voir
ende naer chys op hebben
XXVI augusti tempore simile
Augustyn huys
Lange, Vos. Katheline van Vossen wedue van wylen Joes
de man als een tochtenersse ende Katheline Smans haer wettige
dochter als erfgenamenst:t; erfgenaem cum tutore hebben vercocht
Augustyn Huyghs tot behoef van Peteren Huyghs synen vrien
twee huysen met eenen cleynen hove gronde etcetera gelegen deen
neven dander in een cleyn straetken streckende vanden dekenen
tot Sinte Kathelinen kerchove, tusschen tselve kerchof aen deen
zyde ende Henrick Smet aen dander zyde. A Domino Mechliniensi, Waranderende.
opte weerde van negen scellinge ende Sesse penninge groten Brabants
daer jaerlix gaende
Paper:t; septembris tempore simile
Augustyn de Wechter
Borch, Vos. Henrick vander Hulst heeft vercocht Augustyn
de Wechter twee gouden Rynsgulden elken van dien tot
veertich groten Vlaems gelts gerekent erffelix chys die hy hadde
op een huys metten hove gronde etcetera geheeten Cloecken gelegen in
Sinte Katheline strate over de Honsbrugge tusschen den Ingel die
toebehoert Laureys vanden Houwe aen deen zyde ende Joes de Hane
erve aen dander zyde. Item op een huys metten hove gronde etcetera
gelegen inde Nonnestrate tusschen Jan Byermans erve aen
deen zyde ende der weduen ende kynderen van wylen Janne van
Eeckele erve aen dander zyde Ende op eenen hof metten gronde etcetera
gelegen inde Corte Nonnestrate tusschen der capittele van Sinte
Rommonds bynnen Mechelen aen deen zyde ende Jans de Doeve erve
aen dander zyde. A Domino Mechliniensi, Waranderende. Opten commer ende chys daervutgaende
met alsulker condicien dat de voergenoemde Henric sal moegen lossen
ende quyten de voirgenoemde twee gouden Rynsgulden des voerscreven
chys met veerthien geliker gulden den voerscreven Augustyn eens
met vollen chyse daervoir te betalen
IX septembris
Peter Huyghs
Borch, Dyest, Augustyn Huyghs heeft opgedragen tot behoef van
Peteren Huyghs synen brueder, Twee huysen met eenen cleynen hove
gronde etcetera gelegen deen neven dander in een cleyn straetken streckende
vanden dekenyen tot Sinte Kathelinen kerchove, tusschen tselve kerch
aen deen zyde ende Henricx de Smeds erve aen dander zyde. A Domino Mechliniensi,
Waranderende. Opte weerde van negen scellinge ende Sesse penninge groten
Brabants daer jaer vutgaende
septembry tempore simile
Lysbeth sBlauwen wylen Henricx Blauwen dochter met Janne
Daems haeren man heeft vercocht Henricken van Lymbosch, tvierendeel van
Eenen huyse metten gronde etcetera gelegen in Onser Vrouwen strate opten hoeck
vanden Hoogenstraetkene, tusschen tselve straetken aen deen zyde ende Jan
Alens erve aen dander zyde, gelyc in alle manieren des voerscreven Lysbetten voerscreven
vierendeel vanden huyse byder doot van wylen Gielis vanden Velde ende
Yden vanden Houten synen wive toecomen gebleven ende vercreve. A Domino Mechliniensi,
Waranderende etcetera
Jan de Schoezittere achtervolgende onsen gewysen ende
appointementen by onse voirsaten in rechte vutgesproekenen
gepromitteert opten XI dach van meye, anno XVI lestleden
tstede
heeft om der meerder zekerheyt wille van de Monick te
doen van Sesse scellinge groten Brabants gelts erffelix chys, die de voerscreven
Jan tanderen tyden voer scepenen van Mechelen gelooft heeft afte quytene
van eenen huyse
Libery Henricx
Gielvoerts
Gottingys, Heelt. Jan Cuyct heeft bekent oic ontfangen hebben
van Janne Gielvoert ende van Janne de Staefmakere diemen
heet de Schotelere als momboiren ende inden name van Joesen
Barblen ende Marien Gielmaerts wylen Henricx van Gielvoerts
kynderen, de somme van Tweendertich Peters elken daeraf tot XXV
groten Vlaems gelts gerekent vut zaken van twee zacken Rogge
lyfpachts die de voerscreven wylen Henrick den voerscreven Janne
Caputs ende synen wive tanderen tyden op zekere erfpande onder
de bancke van Duffle gelegen wettelic vercocht hadde
Ende daeraf heeft de voerscreven Jan Cuyt quytgesconden los
ende vry ende ledich den voerscreven momboiren tot behoef als boven
ende alle andere dies quitancie behoeven geheelic ende al
XVI septembry tempore simile
Augustyn de Monick
Item
Lange, Dyest, Alsoe Jan de Gorttere tanderen tyden Augustinen
den Moinck terve gegeven heeft een huys metten hove gronde etcetera
gelegen inde Nokerstrate tusschen des voerscreven Austyns wyfs ende hueren
kinderen erve aen deen zyde ende Jans vander Elst erve aen dander zyde
Op eenen erffeliken chys van drie chysguldenen die de selve Jan daerop
behielt, met alsulker conditien soe wanneer de voerscreven Austyn oft syn
nacomelinge de voerscreven III chysgulden afquyten souden datmen alsdan
met dien tselven penningen vander afquitingen comende sculdich
soude syn te lossene ende af te leggen alsulken drie geliken chysgulden
als jaerlix gaende vut eenen huyse desselfs Jans in Sinte Katelynen