Blader door transcripties » Stadsarchief Mechelen

archieftoegang 2, inventarisnummer 948, pagina 146

Assignavit XXXVI
I
voerscreven boekaert. Henrick Neels ende Margriete van Eyke syn wyf
den Lanseloet de Poirtere, Seventhien vanden vyfthien scellinge
groote Brabants gelts Te betalene totten terminen, hier
volgende Te wetene de vyff scellinge groote daeraf bynnen
eender maend tyts naestcomende, Ende soe voertaen tot elken
maende alsdan deen na dander sonder middel vervolgende
vyff scellinge der selver grooten tot dier tyt toe dat de
voerscreven Lanseloet oft vander voerscreven scult geheelic ende al
betaelt sal wesen, Ende daervoer hebben sy verbonden
alle haere haeffelike goeden waer die bevonden zelen worden
ende oic alle haere erffelike goeden metten gronde etcetera bynnen
der stad ende vryheyt van Mechelen gelegen die sy nu ter
tyt hebben ende hier namaels oic hebben ende vercrigen zelen
X january
XI octobry tempore simile
Helt, Vos. Jan Barble ende Johannen de Coelenere, wettige
kynderen van wylen Janne de Coelenere ende van Lysbetten van
een wive
Yerssele et Willem vander Ryt ende Willem vander Moelen
als executeurs vanden testamente ende vutersten wille van
wylen Lysbetten van Haren, tot behoef van Janne de Coelenere
des voerscreven Jans de Coelenere natuerlic soon, dien hy vanden
selver wylen Lysbetten van haren vercregen heeft achterweert
gouden Rynsguldenen elken van dien tot veertich grooten
Vlaems gelts gerekent Te betalen den voirgenoemde Janne
natuerliken soon, soe wanneer hy tot synen jaeren van
discrecien gecomen sal syn, Ende soe lange heeft deselve
de Coelenere gelooft de den voirgenoemde Janne de Coelene
synen natuerliken soon, met hem bynnen synen huysen te
houden ende hem eten drincken cleederen schoenen ende al
tgene dat synen leven noot syn sal, tamelic te gevene
sonder mindernisse vander voerscreven scult, Ende om der
meerder zekerheyt den voerscreven Janne den natuerliker
soon vander betalingen der voerscreven scult ende oic vanden
voerscreven gelooften te doene, Soe hebben de voerscreven Lysbeth
als eene tochtenersse
van Yerssele cum tutore, Ende de voirgenoemde Jan de Coelenere
haer soon ende Barble ende Jehanne de Coelenere syne zusteren
als erfgenamen
cum tutore den voerscreven executeurs tot des voerscreven Jans des
natuerlicx voirs behoef, daer voer verbonden ende te pande
alle haer jaerlike goeden, daer die bevonden zal worden, die sy
geset haerlieder huys metten hove gronde etcetera gelegen
nu ter tot hebben, Ende hiernamaels oic hebben ende veerden zelen sunderlinge
inde Borre opten hoeck vander Lange Byest, tusschen dest:t;