Blader door transcripties » Stadsarchief Mechelen

archieftoegang 2, inventarisnummer 948, pagina 142

Jan Robbyns
Vleminc, Hulst. Willem vanden Hove, Gielis vanden Hove soon
heeft vercocht Janne Robyns amman van Mechelen
syn vyfstedeel ende alle trecht dat hy hadde ende
dat hem byder doot van wylen Claes de Moor synen
goeyheere, gebleven ende verstorven is in een
stuck beempts metten gronde etcetera daeraf dander
vier vyfstedeelen Peteren Janne Claese ende
Magrieten vanden Hove des voerscreven Willems
bruederen ende zuster toebehoeren, gelegen tot Heffene
tusschen der aelmoessen kisten erve bynnen de
beghynhove van Mechelen, aen deen zyde ende Henricx
van Merchteren erve aen dander zyde. A Domino Mechliniensi, Waranderende.
op thien scellingen payments ende eenen capuyn
daer jaerlix vuten voerscreven geheelen stuck beempts
jaerlix gaende
XXV octobris
Jan vanden Meynen
et syn wyf
Steynemolen ende Jan vander Meynen ende Margriete sPeters
syn wyf, Seggende dat sy gheen wettige kynderen en hadden
hebben daerom gewilt ende openbairlic voir ons geordineert
dat de langhstlevende van hen beyden soe lange die alsdan
leven zelen vanst:t; sal payselic ende vredelic sal gebruyken
alle der haeffeliker goeden, die sy nu tertyt hebben ende
hier namaels oic hebben ende vercrigen zelen, Ende
metten selven haeffeliken goeden in synder noot moegen
disponeren ende ordineren, den wederseggen van yemande
ende oic den rechten ende coustumen daeraf ter
contrarien onderhouden niet tegenstaende. Behoudelic
dien dat alle de voirgenoemde goeden, na des langhstlevende
doot vanden voerscreven Janne ende Margrieten synen wive
blivende, toecomen ende versterven zelen, hueren
gerechten erfgenamen, dien die goeden naden rechte
vander voerscreven stad sculdich zelen syn toe te comene ende
te verstervene, oft den ghenen, dien sy deselve
goeden samentlic met testamenten oft anderssins
geven ende maken zelen welke ordinancie wy
ende oic Dyest hoeven Vleminc, Hulst Vos et
Consaert onse medescepenen by crachte
vanden statute tanderen tyden, daer op gemaect
geconfirmeert ende geapprobeert hebben ende by onser
ordinairder macht confirmeren ende approberen, alle
argelist vutgescheyden
XVI octobry
Willem de Cale
Hulst, Coesaert. Marten van Eykenvoerde, heeft vercocht Willem de Cale
vier scellinge ende sesse penninge groote Brabants gelts erffelicx
vutgenomen den jersten dach van Novembry nu naestcomende
chys Te heffene altyt opten jersten dach van Novembry
op ende aen des voerscreven Martens huys metten hove gronde etcetera
gelegen inde Coestrate byde Coepoorte tusschen Henricx
van Zorke erve aen deen zyde ende Kathelinen vander
Bruggen erve aen dander zyde. A Domino Mechliniensis, Waranderende. Op
negen scellinge gelyker grooten Brabants daer
jaerlix voir vutgaende
Assignavit den XXVI denier
XXVIIsuper:t; octobris
Jan van Elsmoirtere
Beringen, Hulst. Jan van Dueren, heeft vercocht Janne
van Elsmoirtere, Twee gouden Peters elken van dien
tot sessendertich groten Vlaems gelts gerekent erffelicx
chys die de voirgenoemde Jan van Dueren heeft op des
voerscreven Jans van Elsmoirtere huys metten hove
gronde etcetera gelegen buyten Sinte Kathelinen poorte
tusschen Gommaer Pauwels erve aen deen zyde ende
Machiels vanden Broeke erve aen dander zyde
A Monialibus, Waranderende etcetera.
Assignavit den XII denierst:t; XXVI Rinsgulden
supra tempore simile
Jouffrou Marie
Ysenhouts beghyne
Item. De voirgenoemde Jan van Elsmoirtere heeft vercocht
jouffrou Marien Yenhouts beghinen, Twee gouden
Peters elken van dien tot sessendertich grooten Vlaems
gelts gerekent, erffelix chys, Te heffene altyt opten
sevenentwintichsten dach van octobry Op ende aen
des voirgenoemde Jans van Elsmoirtere huys metten
hove gronde etcetera boven bescreven. A monialibus, Waranderende.
op vyff scellinge Loevens ende drie pond derthien
scellinge payments daer jaerlix voir vutgaende
Assignavit den X denier
ut supra