Blader door transcripties » Stadsarchief Mechelen

archieftoegang 2, inventarisnummer 948, pagina 12

Rommond de Rende
Rende, Keynooghe. Jan Breugelman wylen Peeters zone heeft bekent
dat hy bewesen heeft Rommonde de Rende Kerstiaens
tot Sint Jans
zone de Rysgulden elcken van dien te veertich groten Vlaems
gelts gerekent lyfrenten, te heffene alle haere vanden
voirscreven Rommonde altyt opten tweentwintichsten de
van julio Op ende aen alle des voirscreven Jan Breugelmans
erffelycke goede binnen der vryheyt van Mechelen
gelegen. A Domino Mechliniensi, Waranderende etcetera.
XXII July tempore simile
Jan Weens
de Cock
ordonne ende
dage vanden voirscreven
Heere voort
Item. De voirscreven Agneese heeft gelooft endest:t; bekent
sculdich wesende den voirscreven Janne hueren man vervolgende
der voirscreven vutspraken byden selven Heere stors gedaen
een bedde met synder toebehoirten ende hondert Rynsgulden
eens elcken van dien tot viertich grooten Vlaems gelts gerekenst:t;
te betalene
gerekent de wetene tvoirscreven hadde metter toebehoirten
ter tyt ende de voirscreven hondert Rynsgulden tot twee
termynen deen helft dairaf tot Kersmisse naestcomende
ende dander helft opten yersten dach van meye dair
naer terstont volgende, Ende heeft daervoir
verbonden haer huys ende woeninge metten gronde etcetera
geheeten den Bonten Osse gelegen tot Mech aende
Vischmert. A Domino Mechliniensi, Waranderende.
ut supra
Agneese Jacops
Idem. Jan Wouts zoone alias de Cock heeft
approberen ende ranceren navolgende der rententien byde
officiael van Bruessele vander sceydinghen tusschen hem ende
Agneten Jacops dochtere syne wive gepunceert opten
twintichsten dach van julio anno sessentachtentich
gelooft voir hen en voir synen nacomelinghen goet vast
gestentich ende tot eeweghen daghen van worden te
houdene alsulcken vutsprake als tusschen hem ende
van
der voirscreven Agneesen synen wive by heeren Joorise de
Mick priestere ende van vicureyt vander prochiekerken van
Sinte Rommonds binnen Mechelen opten vyf vyfthienden
dach vander selver tegewordigher maent van julio
aengaende hen byde goeden alsoe wel haeffelick
als erffelick tegewordich ende toecomen by huer beyden
contente ende wille geonunceert ende gedaen heeft
naer inhoudt eens oppenbaers instrumens daeraf
byden voirscreven heer Joorise gestipuleert ontfanghen
ende met synen gewoenlycken beteekene ende bekenst:t;
ten state dage ende maende voirscreven gehantrekent ende
heeft
gesusseert, Ende insgelycx der selve Agnete
synen wyve, geconsenteert ende oppenbaerlyck voir ons
gewillekeurt te wesene ende genomene eenen
vremden momboer, omme alle haer goede haeffelyck
ende erffelick tegewordich ende toecomende tot wat plaetsen
die gelegen syn wanneer dat haer dat believen sal te
belastene, te verterene te vercoopene oft anderssins
dair mede te disponeren, niet tegenstaende den wederseggen
vanden voirscreven Jan Eerwouts hueren man oft yemande
syne erfgenamen oft
anders in eeniger manieren verbindende daervoir
alle syn haeffelicke goeden tegewordich ende toecomende
was toecomen
ut supra tempore simile
Gielis van Steynemolen Tennepoirtere heeft vercocht
heeren Anthonis Woutgerts priester wylen Jans zone vier
gouden Rynsgulden elcken van dien tot viertich groten Vlaems gelts
gerekent jaerlicx ende erffelic chys, Te hebbene ende te heffene, alle
jaere opten viventwintichsten dach van julio, Op ende aen ende
huys metten gronde geheeten de Witten Kemere den voerscreven Gielis
toebehoorende gelegen op den Luypart tusschen een huys geheeten de
gulden sterven op deen zyde ende een huys den Pau geheeten aen dander
zyde op sesse Rinsgulden ende sesse stuver, Ende op ende aen een stuck
lants houdende omtrent een half bundere gelegen tot Heffene
opden Coutere tusschen des cloesters erve van Betanien op deen zyde
ende Henricx van Merchtere erve aen dander zyde. Op negen metten
erffelicx daer jaerlicx gaende. A Domino Mechliniensi, Waranderende etcetera
XXVIII July
Eyken, Cale. Lysbeth van Danen wylen Wouters dochter heeft
opgedragen haer tocht die sy hadde in een huys metten gronde
ende synen toebehoerten, dat wylen Willem van Eelwyt toe plach
te behoerene, gelegen inden Nieuwen Bruel tusschen Jacops
van Storrye erve aen deen zyde ende heer Rommonds vanden