Blader door transcripties » Stadsarchief Mechelen

archieftoegang 2, inventarisnummer 948, pagina 106

De selve
metten hoven, gelegen deen neven dander byden voirgenoemde
Berthoutshof, tusschen Jans vander Nuwermoelen des
jongen erve aen deen zyde ende Jans de Meyere erve
aen dander zyde. Item Een huys metten hove gelegen
opte Aedegheemplaetse, tusschen thuys den Vossesteert
geheeten, toehoerende Willem Speelberch, aen deen zyde ende
een cleyn strate aldaer aen dander zyde. Item drie huysen
metten hoven gelegen deen neven dander inden Vettersham
over de Heymeysbrugghe tusschen de Augustynstrate aen
wylen
deen zyde ende Wouters tSermartens erve aen dander zyde
streckende achterweerts tot aen Jans de Meyere erve
Ende Seven gouden Peters elken van dien tot sessendertich
grooten Vlaems gelts gerekent erffelix chys, die de voirgenoemde
wylen Cornelis van Boxhem te hebben plach, op des
voerscreven wylen Anselmus van Meerbeke huys metten
hove plaetsen gronde gelegen inde voerscreven Augustynstrate
tusschen des heeren van Gaesbeke erve aen deen zyde ende
de strate gaende ten voerscreven Berthoutshove waert, aen dander
zijde. A Domino Mechliniensi, Waranderende. Behoudelic den voerscreven meesteren Janne
daer op synen chyse ende allen anderen die voer ende na chys
op hebben
VI July
Peter van Steynemoelen, heeft opgedragen ende
overgegeven, tot behoef van Kathelinen Cottens Jans vander
Bossche wive Een huys den Theems geheeten metten gronde etcetera
dat der selver Kathelinen Cottens toe plach te hoerene, gelegen
inden Nyeuwen Bruel, tusschen der weduen ende kynderen van wylen
Janne vanden Eynde erve aen deen zyde ende Henricx de Leeuw erve
aen dander zyde, Ende vier gouden Peters erffelix chys die
de selve Katheline te hebben plach, op thuys den Pollepel geheeten
metten gronde etcetera toehoerende hen Janne Rabboots gelegen
aldaer tusschen Henrix van A Eyghen erve aen deen zyde
ende Henricx tSerboudens erve aen dander zyde, gelyckerwys
ende in alle der manieren Dierick Adriaens tot des voirgenoemde
Peters van Steynemoelen behoef tvoirgenoemde huys den Theems
ende de voerscreven vier gouden Peters des voirgenoemde chys, tanderen tyden
voir achterstelligen chys die deselve Peter daer op heeft
wettelic vutgewonnen ende verreyct heeft. A Domino Mechliniensi,
Waranderende. Behoudelic den voerscreven Peteren daer op synen voirscreven
chyse ende allen anderen dier voer ende na chys op hebben
Augustyn Huens syn
wyf ende ve kynderen
Lange Vos Augustyn Huens heeft opgedragen ende overgegeven syn
tocht die hy hadde int vyfstedeel van Eenen huyse metten
hove stalle gronde etcetera ende allen anderen synen toebehoerten
den Thuymelere geheeten gelegen aenden Steenwech van Mechelen
tusschen thuys den Roesenhoet geheeten, toehoerende den voerscreven
Augustyn ende synen voerkinderen aen deen zyde ende Henricx Boys
erve aen dander zyde. A Domino de Ghestelle juravit tot behoef
de selve
van Anthoenis Huens men soon, dien hy van wylen Lysbetten
Ossteens synen jersten wive vercregen heeft dier ierst innen
geerft wardt, Ende daer naer heeft de voirgenoemde Anthoenis
Huens vercocht den voerscreven Augustyn Huens sinen vader tot
synen ende tot Jehannen van Axele synder huysvrouwen behoef
als tot haer beyder tocht ende oic tot behoef van Jehannen
Kathelinen, Margrieten ende Annen Huens haeren kynderen die
sy deen vanden anderen vercregen hebben ende van allen den andere
kynderen die sy namaels oic deen vanden anderen oic zelen moegen
vercrigen, als tot alle derselve haer kynderen erffelicheyt
voirgenoemde vyfstedeel vanden voerscreven huyse metten hove stallen
gronde etcetera boven bescreven Waranderende etcetera
IX July tempore simile
de kynderen Pauwels
Bernaerts
Dyest, Keyenoege, Pauwels Bernaerts ende Katheline van Nuffle syn
wyff hebben gewilt ende openbairlic voir ons geordineert dat
alle huere wettige kynderen alsoe wel meyskens als knechtkens
ende knechtkens als meyskens die sy nu tertyt deen vander
anderen vercregen hebben ende hier namaels oic deen vanden
anderen zelen moegen vercrigen, Evengelyc ende in gelyken
deele ende porcien hebben houden aenveerden besitten ende
gebruyken zelen, alle haere haeffelike ende af erffelike
goeden bynnen der stad ende vryheyt van Mechelen wesende
ende gelegen, die naer eensyegelyx doot vanden selven Pauwels
ende Kathelinen synen wive zelen blivenst:t; haeren ouderen
in eeniger manieren zelen bliven
X July tempore simile
ende syn wyf
Jan van Wyelebeke
Lange, Dyest. Rommond van Dyest wettich soon van wylen Aerde
van Dyest heeft vercocht Janne Van Wyelenbeke tot sinen
ende Marien sGreven syns wyfs behoef, Twee huysen oft
cammeren metten hove gronde etcetera gelegen deen neven dander
inde Bogaertstrate, tusschen Marien vander Wilgen huys
aen deen zyde ende Mathys de Riddere erve aen dander zyde. A Beato
Rumoldo, Waranderende. Op eenen Turnoyse dair jaerlix vutgaende
ende op alsulken last dat den voirgenoemde hoff medepant is ende
bliven sal voir vyf oude groten Turnoyse twee capuynen
anderhalven chysgulden ende vier pond sesse scellinge payments
vut der voirgenoemde Marien vander Wilgen huyse voerscreven
jaerlix gaende ende vut zuster Kathelinen van Meesellaer huyse
allaer der selve Marien vander Wilgen huyse voirgenoemde
gelegen jaerlix gaende
de
Assignavit LX Rinsgulden
X July tempore simile