Blader door transcripties » Stadsarchief Mechelen

archieftoegang 2, inventarisnummer 949, pagina 97

tot Neckerspoele inde Rechtstrate tusschen Jans
vander Hagen erve aen deen zyde ende Augustyns
Cleyngemack erve aen dander zyde. A Domino Mechliniensi, Waranderende etcetera.
Assignavit den XI denier
Loy Ymbrecht
et filius
Dale, Keynoege, Henrick vander Stappen, heeft vercocht
Loy Ymbrechts ende tot synen ende Margrieten Bellens
syns wyfs behoef, als tot haerer beyder tocht ende oic tot
behoef van Peteren Ymbrechts haeren sone, als tot synder
erffelicheyt vier gouden Rynsguldenen, elken van
dien tot veertich grooten Vlaems gelts gerekent erffelicx
chys die de voirgenoemde Henrick hadde op der voerscreven Lous ende
Magrieten huys met eender cleynder plaetsen gronde etcetera
gelegen in Sinte Kathelinenstrate, tusschen Cornelis de
Raet erve aen deen zyde ende der weduen ende kynderen
erve van wylen Rommond van Cruybeke, aen dander zyde
streckende achterweerts tot eender waerdbben aldaer
A Domino Mechliensi, Waranderende etcetera.
Assignavit den XXVI denier
XVa decembris
Heer Gielis Mennens
ende Peter Mennens
Dale, Keynoege, Lodewyck van Berlaer ende Jan de Meyere
als proviseurs ende inden name vanden bruederscape van Onser
Liever Vrouwen bynnen Sinte Pest:t; den prochie kerken van
Onser Liever de Sinte Peters inder stad van Mechelen hebben
in des meests orboirs ende profyts wille vanden selven
bruederscape vercocht heeren Peteren Mennens priesterst:t; Gielis
Mennens priester ende Peteren Mennens synen brueder tvierendeel
van eenen huyse metten hove gronde etcetera daeraf dander
drie vierendeelen den heer Gielisen ende Peteren Mennens
toebehoeren, gelegen op Neckerspoele inde Mandestrate
tusschen Jans van Hevere erve aen deen zyde ende Henricx
Wouters erve aen dander zyde. A Domino Mechliniensi, Waranderende etcetera.
ut supra
Confra ende
Marie in een
Sinte Petry
Item. De voirgenoemde heer Gielis ende Peter Mennens, hebben
bewesen den voerscreven proviseurs tot behoef vanden voerscreven
bruederscape, Twee chysguldenen erffelix chys Te heffen
altyt tot Kersmisse vutgenomen Kersmisse nu naest
toecomende, op ende aen der voergenoemde heeren Gielis ende Peters
huys metten hove gronde etcetera boven bescreven. A Domino Mechliniensi, Waranderende.
opte weerde van vier scellingen sesse penningen groten
Brabants gelts dair jaerlix voir vutgaende
ut supra
Jan vanden Venne
Dale, Keynooge, Lysbeth van Crype wedue wylen Jaspar Meys cum tutore
heeft vercocht Janne vanden Venne plake, dier drie gouden Peters
vander munten wylen Hertogen Philips te wetene sessendertich groten Vlaems
de
gelts voir elken van dien Peters gerekent erffelix chys die de voerscreven Lysbeth
hadde op ende aen een huys metten hove gronde etcetera den selven Janne
toebehoerende gelegen over de Corenmarct inde Hoochstrate tusschen wylen
Peter Hubrechts erve aen deen zyde ende Remeys de Vos erve aen dander zyde
Ende op ende aen syn twee huysen oft cameren metten gronde etcetera
gelegen deen neven dander byden Gansdriesch, achter des voerscreven
Remeys erve, tusschen desselfs Remeys erve, aen deen zyde
ende des voerscreven Jans vanden Venne erve, aen dander zyde
achterweerts streckende totten hove vanden voerscreven jersten huyse
A Domino Mechliniensi, Waranderende etcetera.
Assignavit IIII Peters erffelicx
den XVI denier
tobry tempore simile
Margriete Willem
eens et filis
Voesdonc, Keynooge, Cornelis de Hollanders Smet heeft vercocht
heer Bartelmeus Couthals ende Janst:t; priester ende Janne de
Meyere huyvettere tot behoef van Margrieten Willem Alens
weduen van wylen Janne Meerman als tot haerer
tocht ende oic tot behoef van Janne Meerman der selver
wylen Jan Meermans ende Magrieten syns wyfs sone onderst:t;
selve jaer als tot de sonder erffelicheyt, Een pond
groote Brabants gelts erffelix chys Te heffene altyt tot
Kersmisse vutgenomen Kersmisse nu naestcomende, op ende
aen des voirgenoemde Cornelis huys metten hove gronde etcetera
gelegen opte Veemarct van Mechelen tusschen Henricx
vander Byest diemen heet vander Meere erve aen deen
zyde ende der weduen ende kynderen erve van wylen Janne
van Steenhuffle, aen dander zyde. A Domino Mechliniensi, Waranderende. Opte
weerde van seventhien scellinge sesse penningen grooten
Brabants gelts daer jaerlix voir vutgaende
Assignavit den XXVI denier
V decembry
Geloot de Voch
Yngelram, Cale. Henrick de Meyere schoenmaker, heeft vercocht
Lanceloot de Vooght een gouden Rynsgulden Te wetene
veertich grooten Vlaems gelts voir dien gerekent erffelicx
chys die hy hadde op des voerscreven Lanceloots huys metten