Blader door transcripties » Stadsarchief Mechelen

archieftoegang 2, inventarisnummer 949, pagina 73

Assignavit XVI Rinsgulden eens
bynnen den beghynhove van deser stad op tvoirgenoemde vercocht
huys ende op des voerscreven Claes andere drie huysen daer alder
naest gelegen jaerlix ende erffelic heeft ende heft, dair
jaerlix vutgaende
X novembris
Aert van dien
Lange, Keyenooghe. De voirgenoemde Claes Haenwych heeft vercocht Aerde
van Diest, Een huys metten hove gronde etcetera gelegen inde
voerscreven Zeelstrate tusschen de voerscreven jouffrou Magrieten
Haenwych beghinen erve aen deen zyde ende des voerscreven
Claes ander erven, aen dander zyde, streckende achterweerts metten
voerscreven hove totten water toe. A Domino Mechliniensis, Waranderende. Op drie gouden
Rynsguldenen, elken van dien tot veertich grooten Vlaems
gelts gerekent, die de voerscreven Peter Luycx op tvoirscreven vercochte
huys ende opte voirscreven ge jouffrou Magrieten Haenwych
ende Claes Haenwych erve voirgenoemde jaerlix ende erffelic heeft
ende heft, dair jaerlix vutgaende
Assigna
ut supra tempore simile
de kynderen
Scholiers
syn wyf
Rende, Eyken, Jan Scholier ende Katheline vander Hoeven, hebben
gewilt ende openbaerlic voir ons geordineert dat alle haer
kynderen, alsoe wel meyskens als knechtkens ende knechtkens als
meyskens die sy nu ter tyt deen vanden anderen vercregen
hebben ende hier naerst:t; namaels oic tsamen zelen mogen vercrigen
Evengelyc ende in geliken deele ende porcien, hebben aenveerden
deylen ende besitten zelen alle haer haeffelike ende erffelike
goeden die na eensyegelyx doot vanden voerscreven Janne Scholier
ende Kathelinen synen wive haeren ouden zelen bliven behoudelic
kynderen
oft eenich vanden selven haeren meer lyfrenten tot synen
live hadde dat sy dander syne bruederen ende zusteren, dat die
om ende
inder scheydingen ende deylingen die tusschen den voerscreven
synen bruederen ende zusteren, na haer voerscreven ouderen doot geschieden
sal sculdich sal syn stille te stane, tot dier tyt toe dat de
voerscreven syne bruederen ende zusteren, gelyke lyfrenten tot haeren
zelen
dat
liven, hebben zelen oft met anderen goeden daeraff verleken
ende gerecompenseert zelen wesen st:t; zelen wesen
XIIII novembris
Borch ende Wouter opte Beke de jonge ende Barble Bollens synde wyff
he woenende tot Onser Vrouwen Wavere hebben gelooft ende elc
van hen besunder ende voir al, ongevrydt naer der diversen recht
Te geven ende te betalen, Meester Wouteren vander Voort ende
Hillegaet vander Berct synder wettiger huysvrouwen, oft den
Meester Wouter vanden
Voort et uxore
bringer van desen vut zaken vander hueringen van eender
hoeven met allen haeren toebehoerten, geheeten tgoet opte Beke
die deselve Wouter ende Barble syn wyf tegen den voerscreven Meester
Wouteren ende synder huysvrouwen, Eenen termyn van twaelff
jaeren langh geduerende gehuert hebben, gelyc dat breeder in
twee cappen daer op gemaect ende die de voerscreven tenst:t; daeraf
partien
elke der voerscreven een hebben, claerlic blyct, Elcx jaers
vanden voerscreven twaelff jaeren, altyt tot Onser Liever Vrouwen dage
Purificacionis daeraf den jersten termyn van betalingen syn
sal tot Onsen Liever Vrouwen dage priscaris int jaer
van sevenentachtentich naestcomende, Eenen veertich gouden
Rynsguldenen elken van dien tot veertich grooten Vlaems
gelts gerekent, de ende twee steenen Vlas sonder eenich
wederseggen
XIII novembry
Reyner de
houden
suo loco
pont Retro
Lange, Yngelram. Jan de Heelt ende Margriete vanden Broeke synde wyf
hebben vercocht Reyneren de Lathoudere, Een huys metter
plaetsen hove ende borreputte hove gronde etcetera gelegen aen
sone de Veemarct van Mechelen, aen Sinte Peters kerchoff
tusschen tselve kerchoff aen deen zyde ende der weduen ende
kynderen erve van wylen Pauwels vanden Woelputte, aen
plaetsen
dander zyde streckende achterweerts metten voerscreven hove ende
doer een poerte totten selven kerchove. A Domino Mechliniensi, Waranderende.
opte drie pond vyfthien scellinge payments ende de weerde
van te drie pond thien scellingen groten Brabants gelts
dair jaerlix vutgaende
XVII novembris
Barble Bake
alias Staes
Huffen, Rycke. Peter Rommon ende Jan Meganck, beyde van Antwerpen
hebben openbaerlic voir ons bekent dat sy gehadt ende ontfangen
hebben van Barblen Bake diemen heeft Staes weduer van
wylen Janne van Dyepenbeke, dede somme van derthien
pond vier scellinge grooten Vlaems gelts, die hen de voirgenoemde
wylen Jan van Dyepenbeke sculdich ende tachter was, ende die
sy niet lange geleden ter vierscharen van deser stad gewaricht
ende beproeft hebben, Ende van dier sommen van derthien ponden
vier scellingen der voerscreven grooten Vlaems, hebben de voirgenoemde
Peter Rommon ende Jan Meganck, Quytgesconden los vry ende
ledich de voerscreven Barblen Bake der weduen de ende alle ander
dies quitancie behoeven geheelic ende al
XV novembris