Blader door transcripties » Stadsarchief Mechelen

archieftoegang 2, inventarisnummer 949, pagina 60

Robrecht van
Blaersvelt
Syon, Cale. Jan van Orssagen heeft vercocht Robrecht van
Blaersvelt, Twee cleyn huysen oft woeningen, liggende byde
Aedeghemstrate in een cleyn straetken hem streckende tot opten
Haverwerf, tusschen desselfs Jans van Orssagen, ander erve, aen
deen zyde ende Anthoenis van Heyst erve aen dander zyde
A Johannes de Muysene filio quondam Johannes bastarde, Waranderende. Op achtien
penninge Loevens ende acht pond payments dair jaerlicx
vutgaende
Assignavit XXIIII Rinsgulden eens
tobry tempore simile
Jan van Ranst
et uxore
ende overgegeven tot behoef van Janne van Ranst ende van
Yngelram, Cale. Henrick de Meyere schoemaker heeft opgedragen
Margrieten vander Moelen synen wive Een huys metter plaetsen
gronde etcetera gelegen inde strate geheeten Gruenendal, in Sinte
Kathelinen prochie tusschen Henrix vanden Vekene erve aen
deen zyde ende wylen Margrieten Rommont erve aen dander
zyde streckende achterweerts toten vlyete toe aldaer. A Beato Rumoldo
Waranderende. Op vier scellinge Loevens, vyff pond payments, eenen
capuyn ende drie chysguldenen ende eenen halven dair jaerlicx
vutgaende
Assignavit XVI Rinsgulden eens
ut supra
Claes Smout
Lange, Yngelram. Jan vander Nuwermoelen doude ende Jan Reyers
diemen heet Delssenere als proviseurs ende inden name vander
taflen des Heylichs Gheests vander prochiekerken van Sinte
Peters bynnen Mechelen ende machticht scosters wedue van
wylen Nicasius vander Straten, voir de vyftich Peters
Thomaes van Loort natuerlic soon van wylen Janne
van Loort voir de vyftich Peters, Ende de selve Thomaes
inden name van Peteren van Loort desselfs Thomaesst:t; synen
van dien hy in hem vervinghe voir de vier Peters
Rynsguldenen, Ende oic Jan Verspeckenen inden
name van Aeghten van Loort des voerscreven Thomaes zuster
synen wive die hy in hem vervinghe voir de vyftich
Peters, Ende oic deselve Jan Verspeckenen inden name
van Lysbetten Verspeckenen synder dochter, absent st:t; die
hy die oic in hem vervinghe voir de vier Ryns
gulden, hebben Quytgesconden los vry ende terch
Claes Smout weduere van wylen Lysbetten vander
straten, vander sommen van hondert ende vyftich gouden
Peters elken van dien tot sessendertich groten Vlaems gelts
gerekent ende van Acht gouden Rynsguldenen elken van
dien tot veertich der selve grooten Vlaems gerekent
die den voirgenoemde wylen d Casen vander Straten deen
voerscreven Thomaes ende Aeghten van Loort ende oic den
voirgenoemde Peteren van Loort ende Lysbetten Verspeckenen
tanderen tyden, byder voerscreven wylen Lysbetten vander
straten met haeren testamente gegeven gelaten ende
gemaect syn ende alle andere dies quitancie behoeven
geheelic ende al
#
XIa octobris
Jan Mol
Eyke, Cale. Jan Mol, de heeft verreyct achtien
gouden croenen, erffeliker renten, die wylen Marten de
Gorttere, te hebben plach opte stad vallenst:t; van Mechelen
vallen jaerlix ten terminen inde brieven daer op gemaect
ende bezegelt metten grooten zegel vander selver stad, begrepen
Ex debito
XIII octobris
Jan vanden Zande
et uxore
Ingelram, Cale. Jan vander Beke schoemakere, heeft Terve
gegeven Janne vanden Zande tot sinen ende Lysbetten
vander Beke syns wyfs ende des voerscreven Jans dochter
behoef, Een huys metter plaetsen ende oic met eenen
anderen huyse int eynde vander selver plaetsen staende
ende oic metten gronde etcetera gelegen over de Corenmarct van
Mechelen inde Hooghstrate tusschen der weduen ende
erfgenamen eenen van wylen Janne de Zwerte aen
deen zyde ende Jacops van Axele erve aen dander zyde
A Domino Mechliniensi. Te besittene op eenen erffeliken chys van
Sesse scellingen groote Brabants gelts, Ende die te
betalene Altyt tot Sinte Jansmisse daeraf den jersten
termyn van betalingen syn sal tot Sinte Jansmisse naestcomende
Ende opten wechst:t; voerchys van drie chysguldenen
ende vyfthien pond payments dair jaerlix vutgaende
XI octobris
Cornel Guedens
Heffene, Borch, Henrick ende Willem de Coninck wylen Symoens
kynderen, Marie sConincx der selve Henricx ende Willems zuster
met Willem Lauwers haeren man voer deen vierendeel, Ende
Marie vanden Damme met Janne Couwenberch haeren
man voir dander vierendeel, hebben vercocht haer
Cornelis Guedens haer twee vierendeelen van eenen
huyse metten hove gronde etcetera gelegen tot Hombeke
oic byde brugge aldaer, tusschen Joes vanden Vekene
erve aen deen zyde ende Mathys Bogaerts erve aen
opte helft
dander zyde. A Domino Magriete de Hofstaden, Waranderende. etcetera twee
capuynen ende sessentwintich scellinge Loevens dair
jaerlix vutgaende
Assignavit de helft XXI Rinsgulden
XV octobry