Blader door transcripties » Stadsarchief Mechelen

archieftoegang 2, inventarisnummer 949, pagina 43

Gheerdt vanden
Dale et uxore
syns wyfs
vanden Broeke diemen heet Musch synder huysvrouden
drie gouden Rynsgulden elken van dien tot veertich
groten Vlaems gelts gerekent erffelix chys die de voirgenoemde
Ymbrecht hadde, op een huys met vier cameren aen
beyde zyden vanden selven huyse staende ende oic metten
gronde etcetera gelegen toehoerende Aert vanden Hoede ende
jouffrou Margrieten van Cuyct synder huysvrouwen
wylen Gielis
gelegen inde Penningstrate tusschen dan Dregge erve aen
wylen Gielis
deen zyde ende Jan Vensels erve aen dander zyde streckende achterweert
kynderen eenen daen wylen Godevaert Yswyn. A Monialibus, Waranderende etcetera
erve
opte weerde van negen gouden Peters Te wetene XXI
groten Vlaems gelts voir elken van dien gerekent
vuten voerscreven huyse met synen voerscreven toebehoerten jaerlicx
voir vutgaende, deselve Gheerd tot synen ende synde voerscreven huysvrouwe
behoef waer inne geerft
III septembris
Henrick Truyts
de
Voesdonck, Borch. Rommond de Beckere heeft vercocht Henricken
Truyts, Twee gouden Peters elken van dien tot veerst:t;
sessendertich grooten Vlaems gelts gerekent erffelix chys
Te heffene altyt opten vyfthienden dach van Augusto
op ende aen des voerscreven Rommonds stuck beempts metten
gronde etcetera houdende int geheet st:t; een luttel meer dan een halff
buender, gelegen tot Gheerdegheem byde Gheerdegemerstrate
tusschen wylen Rommonds van Baerdegheem erve aen deen
zijde ende Jans vander Hoeven erve aen dander zyde
A Domino Mechliniensi, Waranderende, onder eenigen last van chyse daer
jaerlix voir vutgaende, met condicien dat de voerscreven
Rommond sal moegen lossen ende quiten altyt als hem
dat gelieven sal de voerscreven twee gouden Peters des
voirgenoemde chys ende elken Peter daeraf met achtien
gelyker Peters eens ende met vollen chyse
Assignavit den XVIII denier
de
VI septembris
Pastine van
Boxhem
Voesdonck, Ingelram. Rommond van Afscheyde, tot behoef van
Pastinen van Boxhem synen wyfst:t; wive heeft verreyct
alle de haeffelikest:t; erffelike goeden metten gronde etcetera
bynnen der stad ende vryheyt van Mechelen gelegen
die Janne Vensel toe plagen te hoerene
Ex debito
VI octobry tempore simile
Borch, Keyenooge, Katheline Meerte wylen Jans meerte dochter
met Willem Wellens beckere haeren man, heeft
quytgesconden los vry ende ledich, Lysbetten st:t; Zwanaerts
welken vanden voirgenoemde wylen Janne Meerte van allen
de
Lysbeth Zwanarts
den haeffeliken goeden die der selver Kathelinen
byder doot vanden selven wylen Janne haeren vader
een van wylen Lysbetten de sConincx haerer moeder
die desselfs wylen Jan tweede wyf was doen
sy leefde in eeniger manieren gebleven ende verstorven
moegen syn ende alle andere dies quitancie behoeven
geheelic ende al
XVI supra
Aert tot ende Margriete tot syn zuster wedue van
wylen Janne vanden Dale, cum tutore als eene tochtenersse
Rommond vanden Dale haer soon, Katheline vanden Dale
desselfs Rommonds zuster met Peteren vander Beke haeren man
ende Lysbeth vanden Dale des selve haerlieder zuster cum tutore als
erfgenamen, hebben Terve gegeven Willem vanden Slyke
Een huys metter plaetsen gronde etcetera gelegen in Onse Vrouwen
strate tusschen Robbrechts Rabs erve aen deen zyde
ende Wouters de Smet Raeymakers erve aen dander zyde. A Domino Mechliniensi,
Te besittene op een
Willem vanden
Slyke
Eyke, Ingelram. Aert Coot heeft by bywesen ende volcomen
consente van Magrieten Troot synder zuster van Rommonde
Kathelinen ende Lysbetten vanden Dale, de selve Magrieten
kynderen ende van Peteren vander Beke der selver Kathelinen
man, Terve gegeven Willem vanden Slyke, Een huys
met plaetsen gronde etcetera gelegen in Onser Vrouwenstrate
tusschen Robrechts Robs erve aen deen zyde ende Wouters
de met erve aen dander zyde. A Domino Mechliniensi. Te besittene op
eenen erffeliken chys van sesse chysgulden, Ende die te
altyt
betalen deen helft tot Kersmisse ende dander helft tot
Sinte Jansmisse, Ende opten voerscreven voerchys van
veerthien chysguldenen ende sesse pond payments dair jaerlicx
vutgaende
IX septembry tempore simile
Willem Belyen
et uxor
Eyke, Ingelram. Hubrecht vander Beke wylen Jacops sone, heeft vercocht
Willeme Belyen ende Kathelinen Wouters synen wive, anderhalven
gouden Peter vander Munten wylen heer Philips hertogen van boven
saliger geduckenissen, te wetene sessendertich groten Vlaems gelts
voir elken van dien gerekent erffelix chys, die de selve Hubrecht hadde
op ende aen twee huysen metten hove dair achter staende ende
metter plaetsen dair neven staende, gronde etcetera den voirscreven Willeme
ende sinen wive toebehoerende geheeten de Mane gelegen deen neven dander
inde Aedegeemstrate tusschen wylen Aerts van Voesdonc huys, dat
nu synder dochter toebehoirt aen deen zyde ende Henricx de Bake erve
aen ander zyde. A Domino Mechliniensi, Waranderende etcetera.
Assignavit den XXVI denier
ut supra