Blader door transcripties » Stadsarchief Mechelen

archieftoegang 2, inventarisnummer 949, pagina 4

gecomen zelen syn ende oic dat hy hy deselve syne kynderen
daer ende bynnen vuegen sal tot eenigen ambachte, dat
hen mits wesen sal, sonder eenich wederseggen oft
argelist
Blach april
Heyden
Jan vander
Heffene, Cale. Amelberghe van Hamme wedue van wylen Janne van
Stakenbroeck, cum tutore als eene tochtenersse ende Lysbeth van
Stakenbroeck haer dochter met Jan Eggerdis haeren man als
erfgenaem, hebben vercocht Janne vander Heyden lakenmakere
Sesse gouden Rynsguldenen elken van dien tot veertich groten
Vlaems gelts gerekent erffelix chys Te heffene altyt opten
jersten dach van meye, op ende aen de voerscreven tochtenerssen
ende erfgenaem huys metten hove gronde etcetera gelegen
inde Begaertstrate tusschen Jan Wyncx erve aen deen zyde
ende Gielis van Eeckele erve aen dander zyde, Ende op haerlieden
hof metten gronde etcetera gelegen aldaer tegen over inde
Vrouwenstrate van Mechelen, tusschen des goidshuys van
Sinte Bernaerts erve aen deen zyde ende der taflen des
Heylichs Gheests erve van Sinte R vander prochiekerken
van Sinte Kathelinen bynnen Mechelen aen dander zyde
Magriete de Johannes de Muysene filio quond
Johannes bastaerden, Waranderende op thien scellinge payments ende de
weerde van vyff scellingen sesse penningen groten Brabants
gelts daer jaerlix voir vutgaende voertaen hebben de
voirgenoemde Jan Eggerds ende st:t; Lysbeth syn wyf gelooft ende elck
de
van hen besunder ende voer al de voirgenoemde weduen van
Stakenbroeck alsoe lange als sy leven sal vander betalingen
des voirgenoemde erffelix chys altyt scadeloos quyt te houden ende
tontlasten, Ende tot desen heeft Cristoffel van Stakenbroeck
der voirgenoemde Lysbetten brueder synen wille ende consent gegeven
Assignavit den XVI denier
Ultima aprilis tempore simile
vanden
ende et
Heffene ende Gielis proete, heeft opgedragen ende overgegeven
tot behoef van Janne vanden Eynde leempleckere ende van Marien
profte synen wive ende des voerscreven Gielis dochter, drie huysen
metten hove gronde etcetera gelegen deen neven dandere ende
Savenberchstrate tusschen der weduen ende kynderen erve van
wylen Anthoenis Boom, aen deen zyde ende Aerts de Groote erve
aen dandere zyde, streckende achterweerts metten voerscreven hove
doer een poerte tot inde Tusschestrate. A Domino Mechliniensi, Waranderende. Opten
als dair jaerlix vutgaende
IIa may
Jan vanden
Eynde et uxor
Voesdonc, Mol. Gielis pryse heeftst:t; vercocht den voerscreven
Janne vanden Eynde ende Marien vanden Eynde staende
profte synen wive, Eenen bogaert metten gronde etcetera
gelegen achter Aerts de Groote ende Mathys Waelpoyt
erven, tusschen twee straetkens daeraf deen geheeten
Aertstraetken van Paryse ende dander is geheeten tstraetken
van Cruybeke. A Domino Petro de Herbays milite, Waranderende. Op
eenen capuyn ende anderhalven Peter elken van dien
tot sessendertich grooten Vlaems gelts gerekent, dair
jaerlix vutgaende
Assignavit XXIII Peters
III tempre simile
priester
Heer Jan Weelman
erve
Rende, Eyken, Jan vanden Eynde leempleckere ende maen profete syn
wyf, hebben vercocht Olivier van Ruedeghem tot behoef van
heer Janne Weelmans priester twee gouden Rynsguldenen elken
van dien tot veertich grooten Vlaems gelts gerekent erffelicx
vyfsten
chys, Te heffene altyt opten vyfthiendenst:t; dach van meye Op ende
aen des voerscreven Jans vanden Eynde ende Marien syns wyfs drie
huysen metten hove gronde etcetera boven genoemt bescreven. A Domino Mechliniensi,
Ende op haerlieder bogaert metten gronde etcetera boven genoemt
A Domino Petro de Herbays milite, Waranderende. Opte weerde van twee
pond vyf scellinge groten Brabants gelts daer jaerlix voir vutgaende
met alsulker condicien dat de voirgenoemde Jan vanden Eynde ende
syn wyf zelen moegen lossen ende quiten de voerscreven twee gouden Ryns
guldenen des voergenoemde chys na des ierste vier toecomende jaer ende
ende niet eer ende alsdan altyt als hem dat gelieven sal, met
tweendertich gelike Rynsguldenen eens ende met vollen chyse
Assignavit den XXVI denier
V may tempore simile
Johannes vander
Nuwermoelen
Voesdonc, Heelt. Heer Jan van Dyegheem priester Jan Keyenoege
ende Marten de Kempenere als momboren ende inden name van
Rommonden Henricken ende Kathelinen Bernaerts wylen Henricx
haer
Bernaerts kynderen onder sydest:t; haven etcetera wesende, die sy in hen
vervingen, hebben vercocht Janne vander Nuwermoelen den
ouden de helftst:t; erffelike goeden metten gronde etcetera hier na
bescreven ierst de helft van eenen stucxken lants houdende
int geheel omtrent een vierendeel gelegen tot Hombeke tusse
desselfs Jans vander Nuwermoelen erve aen
ende des goidshuys van Lelyendale erve aen de
de helft van eenen stucxken lants houdende int
vierendeel, gelegen aldaer, tusschen Matheus vanden
aen deen zyde aende twee zyden Bartelmeus
erve aende derde zyde ende Willems vanden Hoede
dierde zyde. Item de helft van eenen stuvers