Blader door transcripties » Stadsarchief Mechelen

archieftoegang 2, inventarisnummer 949, pagina 36

de voirgenoemde goeden na des langhstlevende doot vanden voerscreven Janne ende
Marien synen wive blivende, toecomen ende versterven zelen haeren gereckenen
erfgenamen dien die goeden na den rechte vander voerscreven stad sculdich
zelen syn toe te comen ende te verstaene, oft den ghenen dien sy deselve
goeden samentlic met testamenten oft anderssins geven ende maken zelen
welke ordinancie wy ende oic Voesdonck Mol, Robyns, Rende, lange
Eyken, Yngelram et Cale, onse medescepenen, by crachte vanden statute
tanderen tyden daer op gemaect geconfirmeert ende geapprobeert hebben
ende by onser ordinairder macht confirmeren ende approberen alle argelist
vutgescheyden
IIII augusti
sWalen
Jouffrou Katheline
de
Ghesch, Mol. Jan Quistwater van Antwerpen ende Marie
Jacop Janssoons dochter syn wyff hebben opgedragen ende
overgegeven tot behoef van jouffrou Kathelinen sWalen
wylen Jans de Wale dochter tvyfstedeel vanden erffeliken
goeden metten gronde etcetera hier na bescreven, ierst van
Eenen huyse metten hove plaetsen ende anderen synen toebehoirten
gelegen inde Steenstrate tusschen Jan Jorys erve aen deen
zyde ende des ambachts vanden Buydeldragers bynnen Mechelen
erve aen dander zyde streckende achterweerts met twee anderen
huysen voir een poerte, tot inde Aedegheemstrate. Item van eenen
hove dair tanderen tyden een huys op gestaen heeft gelegen
inde Veele, tusschen Cornelis van Haren erve aen deen zyde
ende Jehannen sColleneren erve aen dander zyde, Ende van
eenen Molenberge met omtrent anderhalf vierendeel lants
dair aen liggende gelegen buyten der Aedegheempoirten
tusschen der curen erve van Onser Vrouwen tot Mechelen
aen deen zyde ende Jans vander Messyen erve aen dander zyde
Ende daer toe alle dander erffelike goeden metten gronde
ende haeren toebehoirten bynnen der stad ende vryheyt van
Mechelen gelegen, die de voirgenoemde jouffrou Kathelinen sWalen
byder doot vanden voirgenoemde wylen Janne de Hale ende
van wylen jouffrou Lysbetten van Ghestelle synen wive
haeren vader ende moeder gebleven ende verstorven syn
A Domino Mechliniensi, Waranderende etcetera.
IIII augusti
Executeurs testate
inde Christiaen Smet
Gestelle Robyns, Rommond, Willem, Anthoenis van ende Augustyn Smeets
diemen heet Bellens eenige kynderen van wylen Henricken
Meers diemen heet Bellens, Margriete Meers diemen heet
Bellens haerlieder zuster met Loy Ymbrechts haeren man ende
Barble Smeets diemen heet Bellens, wylen Willem Smeets
diemen heet Bellens dochter met vanden hoeymakere haeren
wettigen man hebben openbairlic voir ons bekent, dat
Anselmus Smeets des voirgenoemde wylen Henricx natuerlic soon
dienen Heer Bellens
ende Claes de Greve, als executeurs vanden testamente ende
vutersten wille van wylen Cristinen Smeers diemen heet
de selve
Bellens weduen van wylen w Wouteren vanden Eechove
henlieden goede ende rechtverdige Rekeninge ende bewys
gedaen hebben van allen den haeffeliken goeden, die allen
den voirgenoemde personen bekender byder doot vander voirgenoemde
wylen Cristinen Smeets haerlieder moeyen, gebleven ende
verstorven ende, die de selve wylen Cristine henlyeden
met haeren testamente gemaect ende gegeven heeft, Ende
dairaff, ende oic van alle der moeyten quellingen ende
heysschen die sy den voirgenoemde executeurs vut zaken van allen
den voerscreven goeden, in eeniger manieren souden moegen doen
den
hebben alle de voirgenoemde bekenders met haeren voerscreven mannen
Quytgesconden los vry ende ledich, den voirgenoemde executeurs
ende alle andere dies quitancie behoeven geheelic ende al
V augusty
fabrica Ercke
by Rumoldo
Robyns, Yngelram. Margriete Aerts wylen Jan Aerts dochter
werttich wyf van Gielis nooten met eenen vremden momboir
die haer by ons ende onsen medescepen als heden in onser Raidcamere
geordineert is te hebbene, om te doene tgene dat hier na bescreven
staet, heeft vercocht Hubrecht Back tot behoef vander
fabriken vander kerken van Sinte Rommonds bynnen Mechelen
de
tvierendeel, derdendeelst:t; van sesse mottoenen erffelix chys dat sy hadde
ende haer byder doot van wylen Marien vanden Eynde wylen
Jans vanden Eynde wive haerer moegen gebleven ende verstorven
is op twee huysen metten hove gronde etcetera gelegen buytendee toehoerende
Janne Luyten ho hovenere, gelegen deen neven dandere buyten
der Oeversterpoorten inde Broecstrate tusschen Jans vander Hoeven
erve aen deen zyde ende Willem was Walschaerts erve aen dander
zyde. A Domino Mechliniensi, Waranderende etcetera.
Assigna
ut supra tempore simile
Jan vander Heyden
Voesdonck ende Alyt Wessels met Meester Janne van Muystere haeren
man, heeft geconsenteert dat Jan vander Heyden haer zwager
alle jaere alsoe lange als deselve sy leven sal, heffen ende opbeuren
sal alsulke sesse veertelen Rogs als haer Jan Wyttock ende
Reyner Wyctock syn soon, tanderen tyden Te wetene opten drientwintich
dach van mette int jaer dusent vierhond drientachtentich lestleden
voir scepenen van Mechelen deselve Alyt haer leven lange
ve
geduerende gelooft hebben opst:t; ongevrydt naer der dingen
recht te leven ende te betalen, gelyc der selve scepenen brief
daerop gemaect dat claerlike vutwyst ende begeert
VI augusty tempore simile
noo dat de voerscreven Jan vander Heyden gelooft heeft als der voerscreven
Alyt altyt tot haeren vermanen wederom over gegeven, de voerscreven
VI veertelen Rogs presente innen back ende et me Olivero de
Beudeghem