Blader door transcripties » Stadsarchief Mechelen

archieftoegang 2, inventarisnummer 949, pagina 25

tutoris Rumoldo
vanden Hoede
Eyken, Yngelram. Rommond vanden Hoede, wettich soon van wylen Janne
vanden Hoede, heeft openbairlic voir ons bekent dat hem Adam
de Costere ende Anthoenis vanden Hoede inne oems ende oic Jan ende
Henrick vanden Hoede te bruederen, syne momboiren, daer goede ende
rechtverdige rekeninge ende bewys ende betalinge gedaen hebben van
allen den haeffeliken ende erffeliken goeden bynnen ende buyten
der stad ende vryheyt van Mechelen wesende ende gelegen die hem
byder doot vanden voirgenoemde wylen Janne vanden Hoede ende van
wylen Magrieten sCosters synen vader ende moeder in eeniger manieren
toecomen gebleven ende verstorven syn, Ende dairaf ende oic van
alle der moeyten quellingen sommen van penningen ende allen ander
dingen dest:t; die de voirgenoemde Rommond den voirgenoemde synen momboiren
vut zaken van dien ende oic om des Regiments ende bewints
wille dat hy daer af tot desen dage toe gehadt hebben
in eeniger manieren soude moegen doen ende heysschen
heeft de selve Rommond Quytgesconden los vry ende ledich
den voirgenoemde Adam de Costere, Anthoenisen vanden Hoede ende
Henricken vanden Hoede, tot haeren ende tot des voerscreven Jans
vanden Hoede haers medemomboiren behoef ende alle andere dies
quitancie behoeven geheelic ende al
XX Juny tempore simile
Lysbeth Thys wedue van wylen Janne Daneels
cum tutore heeft opgedragen haer tocht die sy hadde int vierendeel
van eenen huyse metter plaetsen ende me twee anderen huysen
daer achterstaende ende oic met eender poirten ende vutgange
daer neven staende gronde etcetera gelegen opten Torferff, tusschen
Dierick Thys erve aen deen zyde ende Jan Wagen, diemen
heer Corthals erve aen dander zyde. A Domino Mechliniensi, Juravit tot
behoef van Janne Crabbe, wylen Ghysbrechts Crabbe soon
dier ierst inne geerft wardt daer naer heeft deselve
Jan Crabbe vercocht de voirgenoemde Lysbetten Thys tvoerscreven vierendeel
vanden voirgenoemde huyse met men voirscreven toebehoerten, Waranderende
opten chys dair deel vutgaende voertaen heeft
deselve Jan Crabbe, Quytgesconden los vry ende ledich der
voirgenoemde Lysbetten Thys van allen den haeffeliken goeden
die hem byder doot vanden voerscreven wylen Janne Daneels
in eeniger manieren gebleven ende verstorven syn ende alle ander
dies quitancie behoeven, geheelic ende al
Assignavit V Rinsgulden eens
Moor Robbyns. Adriaen Tach, heeft vercocht Cristiaen Mols tot
synen ende tot Margrieten van Laken syns wyfs behoef, Een
stalle
huys metten hove ende rechte van eenen putte ende oic metten
gronde etcetera gelegen over de Corenmarct van Mechelen inde
Cristiaen Molle
et uxore
ende synder kynderen
Hooghstrate tusschen Jacops van Axele ende synder bydenst:t;
erve aen deen zyde ende der weduen ende kynderen erve van ende
dochter erve
wylen Jans vanden Ack vander mede erve aen dander zyde
A Johannes de Oeyenbrugge, Waranderende. Op eenen chysguldenen
ende vier Rynsguldenen elken van dien tot veertich grooten
Vlaems gelts gerekent erffelic ende op vier gelike Ryns
guldenen ende vier gouden Peters elken van dien tot XXXVI
der selver groten Vlaems gerekent jaerliker lyfpensie
daer jaerlix vutgaende, met alsulker condicien, dat den
muer gaende staende tusschen des voerscreven Jacops
van Axele ende synder C Rinsgulden voerscreven kynderen
erve ende tvoirgenoemde vercochte huys van nu voertaen
ten eeuwigen dagen toebehoeren sal vandest:t;vander
voerscreven stalle totten Eynde vanden voerscreven hove toebehoeren
sal desselfs Jacops van Axele ende synder kynderen
erve voirgenoemde
Assignavit XX Rinsgulden
III July tempore simile
Crispen vanden
Scriecke
L
Mol, Robbyns. Katheline wylen desest:t; dochter van Berghen
met Rommond de met haeren man heeft Terve gegeven
Cristyn vanden Scryeke, Twee huysen oft cameren
metten hove gronde etcetera gelegen deen neven dander
inde Ravenberchstrate tusschen des voerscreven Crispyns
ander erve aen deen zyde ende Jans vanden Eynde
Leempleckers erve aen dander zyde, streckende achterweerts
metten voirgenoemde hove, tot eenen erve geheeten den Witten
al
een
heet toehoerende Gielis Couthals, A Domino Johanne de
Oeyenbrugge. Te besittene op eenen erffeliken chys van
anderhalven gouden Rynsguldenen elken van dien tot
veertich grooten Vlaems gelts gerekent ende die te
betalen altyt tot twee terminen Te weten deen helft
daeraf tot Kersmisse ende dander helft tot Sinte Jansmisse
daeraf den jersten termyn van betalingen syn sal tot Kersmisse
naestcomende, Ende sonder eenigen last van voirchyse dair
jaerlix vutgaende, met alsulker condicien dat de voirgenoemde
Crispyn den voerscreven anderhalven gouden Rynsgulden des
voirgenoemde chys sal moegen lossen ende quiten altyt als hem
dat gelieven sal met eenen halven Rynsgulden te male
ende elken penninge daer af met sesthien geliker penningen
ende meerst:t; vollen chyse
Assignavit X Peters erffelicx ende
ut supra tempore simile