Blader door transcripties » Stadsarchief Mechelen

archieftoegang 2, inventarisnummer 949, pagina 204

Hulst, Keynooghe. Rommond vander Beke priester heeft vercocht
Fremyn Torment cleermakere, Een huys metten hove gronde etcetera
gelegen inden Nyeuwen Bruel, tusschen de parte vanden huyse
den aen geheeten toebehoerende der weduen ende kynderen van
wylen Henricken van Oprode aen deen zyde ende Criestrams
van Outerschate barbiers erve aen dander zyde. A Domino Mechliniensi, Waranderende.
op thien scellinge neghen penninge groten ende drientwintich myten
Brabants daer vutgaende
Assignavit XV Rinsgulden sins Inde VI
Ultima July
Jan van Papen
Broeck
Hulst, Keynoogmeester Lambrecht de Poirtere docteur in medicinen
ende Jan vander Heyden als proviseurs ende inden name vander
eenige
infirmarien vanden cranckenst:t; beghynen staende buyten
den beghynhove van deser stad, hebben terve gegeven Janne
van Papenbroeck wylen Willems soon, twee huysen metten
hove gronde etcetera gelegen deen neven dandere buyten Sinte
Kathelinen poirte inde Rechtstrate tusschen wylen Jan
Stouts erve aen deen zyde ende Laureys Goetens erve aen
dander zyde. A Domino Mechliniensi. Te besittene op eenen erffeliken chys
van drie peters elken van dien tot sessendertich groten Vlaems
gelts gerekent ende thien groten ende eenen halven Brabants ende
die te betalene altyt tot Keersist:t; Sinte Jansmisse daeraf den
jersten termyn van betalingen syn sal tot Sint Jansmisse
naestcomende, Ende opten voirchys van drie scellingen
seven penninge ende eenen hellinc Brabants daer vutgaende
met condicien dat de voergenoemde Jan van Papenbroeck sal moegen
lossen ende quyten, de voirgenoemde drie Peters ende thien groten ende
eenen halven des voerscreven chys altyt als hem dat gelieven
man
sal met eenen halven Peter te male ende elken penning daer
af met sesthien geliker penningen eens met vollen chys
dairvoir te betalen
De
ut supra tempore simile
Gheerdt Hermans
Hulst, Keyne Jacop Boelen diemen heet de Kempenere heeft
Terve gegeven Gheerde Hermans twee huysen oft cameren
metten hove gronde etcetera gelegen deen neven dandre inde
Juedestrate, tusschen desselfs Jacop Boels erven aen beyde
zyden. A Domino Mechliniensi. Te besittene op eenen erffeliken chys van
Twee gouden Rynsgulden elken van dien tot veertich
groten Vlaems gelts gerekent, Ende die te betalene altyt tot
Kersmisse daeraf den jersten termyn van betalingen syn
sal van Kersmisse naestcomende over een jaer dair naer
volgende, Ende opten voirchys van twaelff scellinge Loevens
sesthien pond thien scellinge payments daer vutgaende, met
condicien dat de voergenoemde Gheerdt sal moegen lossen ende quyt
altyt als hem dat gelieven sal, de voerscreven twee Rynsgulden
des voerscreven chys met eenen halven gulden te male ende niet
min ende elken dairaff met sesthien geliker gulden eens
met vollen chyse dairvoer betalen
Assignavit XV Rinsgulden
ut supra
Cornelis Yngelram.
Borch, Corteryke. Willem van Hanswycke voir deen helft
ende Goessen de Coninck voer dander helft hebben vercocht
Cornelis Yngelram, Een huys metter plaetsen gronde ende
allen synen toebehoerten dat wylen Wouteren van Molle toe
plach te behoeren ende gelyc de selve wylen Wouter in synder
levender tyt dat te besittene plach ende sy dat van sinen
kynderen ende erfgenamen gecocht ende vercregen hebben gelegen
den vlyet aldair aen deen zyde ende Bouwens vander Berct
inden Ouden ham opten hoeck vanden Ouden Bruel tusschen
erve aen dander zyde, Ende eenen hoff metten gronde etcetera die
oic den selven wylen Wouteren toe plach te hoeren ende sy oic inden
voerscreven manieren vercregen hebben gelegen inden selven ouden
Bruel, tusschen Gielis de Vos erve aen deen zyde ende Gheerds
de Wechtere erve aen dander zyde. A Domino Mechliniensi, Waranderende. Opte weerde
van thien scellingen negen penningen groten Brabants ende oic
op drie Peters elken van dien tot vier scellingen ende sesse
penningen der selver groten Brabants dair jaerlix vutgaende
Assigna
III octobry
cospitale Sinte
itates
Lange, Rende heer Ghoris van Rumpst priester heeft vercocht Aert
Cleynaert tot behoef vanden gasthuyse vanden Heyligerievuldich
staende by Sinte Kathelinen poirten, twee Wilhelmus schilden jaerst:t;
goede etcetera jaerlix chys die hy hadde op vyf huysen oft camere
den voerscreven gasthuyse toebehoerende
metten hoven gronde etcetera gelegen deen neven dander inde wuffele
Wisselaerstrate opten hoeck van Sinte Jacops straten tusschen
den selve strate aen deen zyde ende Henricx de Lange erve aen
dander zyde. A Domino Mechliniensi, Waranderende.
Assignavit den XI denier
XI octobris
Godevaert sal
Hulst, Vos. Ymbrecht vanden Broeke diemen heet Musch heeft
Opgedragen ende overgegeven tot behoef van Godevaert Palm alle
trecht actien toeseggen dat hy hadde oft hebben mochte in
eeniger manieren op ende aen een huys geheeten den Ghendrake
metten plaetsen hove achterhuysen vutgaenst:t; vutgangen gronde etcetera
gelegen aenden Steenwech van Mechelen tusschen den ouden
he den selven Ymbrechte toehoerende aen deen zyde ende
aen dander zyde, Ende insgelycx een ander huys
daer alder naest gelegen geheeten den Cleynen Draeck, tusschen
den selven grooten Draeck aen deen zyde ende den voerscreven ouden
Kelder aen dander zyde. A Domino Mechliniensi, Waranderende etcetera.
XII octobry tempore simile