Blader door transcripties » Stadsarchief Mechelen

archieftoegang 2, inventarisnummer 949, pagina 194

positus est
in folio
proceden
Lange, Rendest:t; Bartelmeus van Sintruyden, heeft vercocht
ende Barblen van Beringen synen wive
Rommond vanden Vekene, Een huys metten hove gronde etcetera
gelegen buyten der Oeversterpoorten inde Rechtstrate tusschen
Jan Cools huys aen deen zyde ende Jans vander Moelen huys
aen dander zyde. A Domino Mechliniensi, Waranderende. Op twaelf oude groote Turnoys
ende twee capuynen erffelic ende op eenen Rynsgulden Te
wetene veertich groote Baten Vlaems gelts voir dien
gerekent jaerlix vutgaendest:t; lyfpensien, dair jaerlix vutgaende
Assignavit XIII Rinsgulden een
XXI Juny tempore simile
Daneel Snellinck
Eyken, Keyenoege ende vander Elst wedue van wylen Jacop
de Clere cum tutore heeft opgedragen haer tocht die sy hadde
in een half derdendeel van eenen derdendeele van twee
huysen metten plaetsen gronde etcetera gelegen deen neven dander
in Onser Vrouwen strate by Onser Vrouwen kerchof aldaer
tusschen tselve kerchof aen deen zyde ende Henricx van
Henegouwe erve aen dander zyde, toe comende achterwerts
metter voirscreven plaetsen tot aende Rogge toebehoerende der
selver kerken. A Domino Mechliniensi, Juravit tot behoef van Lysbetten sClercx
haerer dochter die daer ierst inne geerft wardt daer
naer heeft de selve Lysbeth cum tutore vercocht Daneel
Snellincx tvoergescreven half derdendeel vanden voerscreven twee
huysen, Waranderende. Opte weerde van twintich scellinge
grote Brabants gelts vuten voerscreven twee geheelen huysen
jaerlix gaende
Assignavit I gulden ten
X July
Aert Spaens
Yngelram, Keyenoege, Jan Dap heeft Terve gegeven
Aert Spaens, Een huys met eender cleynder plaetsen
gronde etcetera gelegen inde Bogaertstrate tusschen wylen
Jan Walsschaert diemen heet Kemmerlinck erve aen deen
zyde ende wylen Jans vander Breck erve aen dander
zyde. A Beato Rumoldo. Te besittene op eenen erffeliken chys van
drie gouden Rynsgulden elken van dien tot veertich groten
Vlaems gelts gerekent, Ende die te betalen altyt tot twee
termynen, Te wetene deen helft daeraf tot Kersmisse
ende dander helft tot Sinte Jansmisse daeraf den jersten
termyn van betalingen syn sal tot Kersmisse naestcomende
Ende opten voerchys van twee gulden van Florencien
ende van sesse pond payments daer jaerlix vutgaende
met alsulker condicien dat de voergenoemde Aert sculdich
sal syn te lossene ende te quitene de voerscreven drie gouden
Rynsgulden des voerscreven chys bynnen twee jaeren tyts
nu naestcomende tot twee malen ende niet min ende
Rynsgulden
elken pe daeraf met sesthien der geliker
guldenen eens ende met vollen chyse
V July tempore simile
eene erffelike misse
inde Capelle van
Sinte Ron
Lange, Stocke. Cornelis van Gheeringen wapenmakere, heeft
voir synen vutersten wille ende in smpelder aelmoessenen, gegeven
cum bewesen, tot behouff van eender erffeliker missen diemen
van nu voirtaen alle weken opten desen dach inde Cappelle van
dair by doen ende celebreren sal, Endest:t; vyftien scellinge
groote Brabants gelts, Ende eenen scellinge der selve groten
tot behouff vanden goids dienste diemen inde selve capelle
opten dach van Sinte Loy alle jaer doen sal, jaerlix ende
erffelix chys Te heffene altyt tot twee termynen, te wetene
deen helft dairaff tot Kersmisse ende dander helft tot Sint
Jansmisse dairaff den jersten termyn van betalingen syn
sal tot Kersmisse naestcomende, Op ende aen desselfs
Cornelis huys geheeten Ingelant metten gronde etcetera gelegen
byden Steenwech voir tvleeshuys van Mechelen, tusschen
den wech vanden selven vleeschuyse aen deen zyde ende Willems
de Lepelere diemen heet Inden Ezele ende Joerdaens syns soons
huys aen dander zyde. A Domino Mechliniensis, Waranderende. Op elff scellinge groten ende
acht myten Brabants ende op sestien geliker scellingen
groten Brabants ten voirscreven huyse gaende, met condicien oft
gebuerde dat
de in toecomenden tyden, de voirscreven de sestien scellinge
gode voirscreven chys, byde erfgenamen desselfs Cornelis oft
besitters vanden voirscreven huyse afgequeten werden, dat indien
sculdich selen syn
gevalle de penningen dairaff comende terstont wederom
tot beloeft vanden voirscreven erffeliker missen ende goids dienste
op goede erfpande ge aengeleeght zelen wordene, sonder
eenich wederseggen, Cornelis Leeman deken ende
Hubrecht Cornelis geswoirne vanden ambachte vanden
den by tot behoef vander selven missen ende goids dienste
hebbent ontfangen
XI July tempore simile
Jan Mathys
et uxor
Heffene, Keyenoege, Peter vander Heyden heeft vercocht Janne Mathys
etcetera Cristinen sMeyers synen wive
wylen Aerts soon huyvettere, Een huys metten hove ende een niet
eenen anderen huyse daer neven staende ende oic metten gronde etcetera
gelegen inden Vettersham byde plaetse den Blaesbalch geheeten
tusschen Henricx Gheerds erve aen deen zyde ende Claes van Altere