Blader door transcripties » Stadsarchief Mechelen

archieftoegang 2, inventarisnummer 949, pagina 192

hebben de voerscreven Lanseloet ende Cornelis Scelleman
ende de voirgenoemde Margriete Scillemans haerlieder zuster
met hueren vanden Bossche haeren man ende oic
de voerscreven Digne Scellemans, oic haerlieder zuster
cum tutore voer hen selven ende oic inden name
vanden voirgenoemde Gabriel Scillemans haerlieder
brueder, absent wesende dien sy in hen vervingen
vercocht heer Janne van Eeckele priester
totter voirgenoemde curen behoef de voerscreven drie
chysgulden des voerscreven chys, Waranderende etcetera
Assignavit den XVI denier
XXVIII den
Machiel vanden
Bossche
totten water toe
streckende achterweert
Rende, Eyke. Willem de Moelene van Antwerpen
ende jouffrou Barble Smoelenen syn zuster met
hebben
Janne de Buyenere haeren man, heeftst:t; erve
gegeven, Machiel vanden Bossche, Eenen hoff met
eenen duyfhuyse daerop staende ende oic metten
gronde etcetera gelegen buyten Sinte Kathelinen
poorte inde Vingebeecstrate, tusschen Henricx
Laureys Zegers erve aen deen zyde ende Gielis
de Zegere erve aen dander zyde. A Domino Mechliniensi. Te
besittene op eenen erffeliken chys van Twee
gouden Rynsgulden elken van dien tot veertich
groten Vlaems gelts gerekent, Ende die te betalene
deen helft tot Kersmisse ende dander helft tot
Sinte Jansmisse, Ende opten voirchys van Seven
pond sesthien scellinge ende eenen penninge payments
twee capuynen twee scellinge Loevens dair
jaerlix vutgaende met alsulken condicien dat de
voirgenoemde Machiel sal moegen lossen dingen altyt
de voerscreven houden Rynsgulden
als hem dat gelieven sal eenen al ende
anders niet met dertich geliken gulden eens ende
met vollen chyse
ut supra
Heffene, Cale. Barble Mast met Meester Pauwels van Wezele
haeren man, heeft vercocht Janne vander Voort diemen
heet van Moekenborch, Eenendertich scellinge ende sesse
Jan vander Voort alias
van Mokenborch
penninge groten Brabants gelts erffelix chys, die de voirgenoemde Barble
hadde ende haer inder scheydingen ende deylingen tanderen tyden
tusschen haer ende haeren bruederen ende zusteren geschiet aengescheyden
ende aengedeylt syn te hebbene, op des voerscreven Jans van
Moekenborch, Twee huysen daeraf deen de zonne ende
dander den Branderende geheeten syn metten hove
gronde etcetera gelegen deen neven dander, byde grooten
Marct van Mechelen, tusschen Jacops vanden Wyelen
erve aen deen zyde ende Claes de Neve erve aen
dander zyde streckende achterweerts met twee andere
huysen tot intst:t;deen derst:t;
Steenstraetken. A Domino Mechliniensi, Waranderende etcetera.
Assignavit den X denier
XXIII Juny tempore simile
Dambacht vanden
Smeden
Rende, Keyenoege, Jan vander Wilgen, heeft vercocht Gheerdt
als
de Neve ende Cornelis Leemans dekens ende tot behoef
vanden ambachte vanden smeden bynnen Mechelen
drie gouden Rynsguldenen, elken van dien tot
veertich groten Vlaems gelts gerekent, erffelix chys
die hy hadde op alle des voerscreven ambachts
erffelike goeden metten gronde etcetera bynnen der
stad ende vryheyt van Mechelen gelegen, die
tselve ambacht heeft ende namaels hebben
ende vercrigen sal. A Domino Mechliniensi, Waranderende etcetera.
Assignavit den XVI denier
XXVII Juny tempore simile
Jan vanden Moirtere
Heffene, Cale. Lysbeth vander Hayct met Peteren Nys haeren man
heeft Terve gegeven Janne vanden Moirtere, Een huys metten
gronde etcetera gelegen inde Coestrate tusschen Jacops vanden Velde
erve aen deen zyde ende der weduen ende kynderen erve van
wylen Janne van Dyepenbeke aen dander zyde. A Domino Mechliniensi,
Te besittene op eenen erffeliken chys van Twee gouden
Rynsguldenen ende eenen halven elken van dien tot veertich
grooten Vlaems gelts gerekent, Ende die te betalene altyt
tot Sinte Jansmisse, Ende opten voirchys van vier chysgulden
ende neghen scellingen ende sesse penningen groten Brabants gelts
daer jaerlix vutgaende
Assignavit erffelicx over
XXIIII Juny