Blader door transcripties » Stadsarchief Mechelen

archieftoegang 2, inventarisnummer 949, pagina 188

Cassata et prima
de consens van
procureur en alias
July
conta
ghotel met
Joes Gielevoirt
van twee chysgulden
Acht
vuten voerscreven jersten
huyse metten plaetsen ende
Jan de Schoezittere heeft Terve gegeven Joes
Gielevoerts vettewarier, Een huys metter plaetsen gronde etcetera
gelegen tot Neckerspoele inde Rechtstrate tusschen Aerts
van Loebroeck erve aen deen zyde ende Peter Hevens erve
aen dander zyde, Ende een huys metten hove gronde etcetera
gelegen aldaer inde Mandestrate, tusschen Rommonds de
Dryvere erve aen deen zyde ende Jan Wynands erve
aen dander zyde, streckende achterweerts tot aende vesten
van Mechelen. A Domino Mechliniensi. Te besittene op eenen erffelike
chys van eenen pond achtien scellinge thien penninge grooten
ende acht myten Brabants gelts, Ende die te betalene altyt
tot Kersmisse, daeraf den jersten termyn van betalingen syn
sal tot Kersmisse naestcomende ende opten voir voerchys
ten voersevanden huyse metten hove
van twee pond payments ende van vier scellingen groten
oic Brabants gelts dair jaerlix vutgaende, Ende om der
meerder zekerheyt den voerscreven Janne de Schoezitter vanden
betalingen des voerscreven chys te doene, Soe heeft de voerscreven
Joes daer den selven Janne daer voer verbonden
tvierendeel van Eenen huyse dat twee woeningen syn
metten gronde etcetera gelegen inde Keyserstrate, tusschen
Claes de Dryvere erve aen deen zyde ende de Hofstad aldaer
aen dander zyde. A Domino Mechliniensis, met condicien dat de voerscreven
der Joes sal moegen lossen ende quyten, tvoirgenoemde goudachter
groten
scellinge thien penninge endest:t;achtst:t;st:t; Brabants des
voerscreven chys met vyff scellingen groten Brabants tot elken male
ende elken penninge daeraf met sesthien gelike penningen
eens ende met vollen chyse
Juny tempore simile
Donct
Pauwels vanden
Pot Retro suo loco
Yngelram, Cale. Clement vander Hoeven, heeft vercocht Pauwels
vander Donct diemen heet van Ollem, Een huys metten hove
gronde etcetera gelegen in Sinte Kathelinenstrate tusschen der wedue
erve van wylen Jan de Heere, aen deen zyde ende der
kinden erve van wylen Janne vander Moelen, diemen hy
Volitas aen dander zyde. A Beato Rumoldo, Waranderende. Op neghen
scellinge grooten Brabants er gelts ende vier chysgulden
erffelic ende neghen gelike scellinge groten Brabants lyfpensien
daer jaerlix vutgaende
Assignavit XXII Peters
XII July tempore simile
Symoen de
Aleye
Eyken, Keyenoege, Jan ende Jacop de Busscop gebruederen hebben vercocht
Symoen de Meyere huyvettere, Eenen gouden Peter vander
munten etcetera goet, Te wetene sessendertich groten Vlaems gelts
voir dien Peter gerekent, die sy hadden op des voerscreven Symoens
erffelix chys
haer metten hove gronde etcetera gelegen buyten der vercoopten
inde Rechtstrate tusschen wylen jouffrou Lysbetten Bruynleders
erve aen deen zyde ende Gheerds van Hoevorst erve aen
dander zyde. A Monialibus, Waranderende etcetera.
Assignavit den denier
Juny tempore simile
Aert Cleynaert
Huff, Lange. Jan Dierix van Antwerpen inden name van Lysbetten
Paridaens synen wive absent wesen die hy in hem vernueght
hebbende de selve Jan om tgene te doen dat hier na bescreven
staet vander selver Lysbetten synen wive volcomen macht
gelyc ons dat by eender procuracien daerop gemaect ende
bezegelt metten zegel ten zaken der voerst:t; vander voerscreven stad
van Mechelen claerlic bleeck, heeft vercocht Aert Cleynaert
tvierendeel dat de voirgenoemde Lysbeth hadde ende haer byder doot
van wylen Kathelinen vander Hoeven haerer moegen gebleven
ende verstorven is in een huys metten hove bovest:t; ende met
eenen borreputte inden selven hoff staende ende oic metten
gronde ende synen toebehoerten, gelegen inde Kerchofstrate
tusschen Jans Bogaerts erve, aen deen zyde ende
aen dander zyde. A conventu de Lelyendale
Waranderende. Op vyff scellinge Loevens twee capuynen ende
neghen
de weerde van Sesse scellingen ende elf penningen grooten
Brabants gelts vuten voerscreven geheelen huyse jaerlix gaende
Assignavit XI Peters
ut supra
Jan Gheylen
Heffene, Cale. Margriete van Beempde met Janne de Bruyne haeren
man heeft vercocht Jan Gheylen, twee gouden Rynsguldenen
elken van dien tot veertich grooten Vlaems gelts gerekent
erffelix chys Te heffene altyt opten vyfthienden dach van
meerte daeraf den jersten termyn van betalingen syn sal opten
vyfthienden dach van meerte naestcomende, op ende aen der
voerscreven Margrieten huys metten hove lande ende twee stucken
beempts daer aen liggende ende oic metten gronde etcetera houdende
te samen omtrent vyf buenderen luttel min oft meer, gelegen
tot Heffene aende Damstrate tusschen Gregoris Stappaerts erve
aen deen zyde ende der taflen des Heylichs Gheests vander
prochiekerken van Sinte Peters bynnen Mechelen erve aen dander
zyde, de Mensa Sinte Peter in Machlinia, Waranderende. Op een erffelic
payments ende tweentwintich scellinge groten Brabants gelts dae
jaerlicx voir vutgaende, met alsulker condicien dat de voirgenoemde
Magriete sal moegen lossen ende quiten altyt als hem daer
ende op twee gouden Peters elken van dien tot sessendertich
grooten Vlaems gelts gerekent, jaerliker lyfpensien, daer
jaerlix voir vutgaende met alsulker condicien dat de voirgenoemde
Margriete sal moegen lossen ende quiten altyt als haer dat
gelieven sal de voerscreven Twee gouden Rynsgulden des voirgenoemde
chys met dertich geliker gulden eens ende met vollen
chyse
Assignavit den XXVI denier
XIIII Juny tempore simile