Blader door transcripties » Stadsarchief Mechelen

archieftoegang 2, inventarisnummer 949, pagina 168

de selve
Jouffrou Lysbeth ende Jehanne sBocx, by crachte vander
calengieringen, daeraf byvanden voerscreven coope vanden
selven wylenst:t; Anthoenisen, weder overgehadt hebben
sculdich waren te gevene ende te betalene, dat
daeraf ende oic van al tgene dat de voirgenoemde
Katheline den voirgenoemde haeren zusteren daeraf
ende oic den voirgenoemde wylen Anthoenissen haeren
oem daeraff soude mogen heysschen, heeft deselve
Katheline met haeren voirscreven man Quytgesconden
los vry ende ledich der voerscreven jouffrou Lysbetten
tot haeren endest:t; totter voirscreven Jehannen haer zuster
behoeff, ende des voirgenoemde wylen Anthoenis haers
oems behoef ende alle andere des quitancie
behoeven geheelic ende al, Gelovende mede de
voerscreven Aert Claes ende Katheline syn wyff
den voerscreven jouffrou Lysbetten ende Jehannen
rocx noch oic den voirgenoemde Anthoenisen, die
nemermeer te moeyene oft besellene, by hen
selven oft yemande anders van gheender hande
gerechten gheestelic oft weerlic, alle argelist
vutgescheyden
Assigna
XXVIIaaprilis
Gielis Vrancx
Heffene, Keynoege, Henrick Hagemans wettich soon van
Janne Hagemans ende van Annen vander Voort synen st:t; inden
wive
Tra
name vanden selven Henricke ende Annen ende oic inden name
van Lysbetten Ris wylen Henricx de Riddere dochter, die
hy in hem verving, hebbende de selve Henrick Hagemans
vuytgene te doene dat hier naer bescreven staet vanden
voergenoemde synen vader ende moeder ende oic vanden voerscreven Lysbetten sRidders
volcomen macht gelyc ons dat by eenen openbaeren instrumente
geteekent ende gesubeert by heeren Henricken Weends priester
openbair notaris gebleken heeft voir de tweedeele, Ende
Marie vander Voort wylen Henricx vander Voort dochter cum tutore
voir haer selven voer tderdendeel vander helft vanden erffele
erffeliken ende onberuerliken goeden hier naer bescreven
die henlieden byder doot van wylen Jacoppen vander Voort
wylen Bertelmeus soon was, toecomen gebleven ende verstorven
e Ende hebben vut zaken van wisselingen ende mangelingen
voir andere erffelike goeden tot Hoebergen ende tot wickevorst
gelegen, Opgedragen ende overgegeven tot behoef van Gielis
Vrancx de helft vanden erffeliken ende onberuerliken goeden
metten gronden ende alle anderen haeren toebehoerten hierna
volgende, ierst van twee huysen metten hove vutgaende
tot in een cleyn strate gelegen deen neven dander opte
dekenie in Sinte Kathelinen prochie, tusschen Henricx
de selve
van Zurple diemen heet van Beringen erve, aen deen zyde
ende Wouters vander Straten erve aen dander zyde. Item van
eenen stuck beemps houdende int geheel omtrent een vierendeel
gelegen tot Battele, tusschen des gasthuys erve van Sinte
Kathelinen bynnen Mechelen aen deen zyde ende Brockmissest:t;
der vroeghmissen erve bynnen Sinte Rommonds kerke van
Mechelen aen dander zyde. Item van eenen stuck beempts
houdende oic omtrent een vierendeel gelegen aldair tusschen
licx
der voerscreven Broeckmisse erve, aen deen deen zyde ende der
taflen des Heylich Geests erve van Onser Lienst:t; Vrouwen bynnen
Mechelen aen dander zyde. Item van eenen stuck lants
houdende int geheel omtrent drie vierendeel, gelegen
tot Hoebergen buyten Sinte Kathelinen poirte, tusschen
des voerscreven Gielis Vrancx erve aen deen zyde ende Vrouwen
Margrieten van Herlaer heer Jans van Sinte Goericx Ridders
huysvrouwe erve aen dander zyde. Item van eenen
stuck beempts houdende int geheel omtrent drie vierendeel
gelegen aldaer, tusschen des voerscreven Gielis Vrancx erve
deen zyde ende Jan Schoofs erve aen dander zyde. Item van
Sesse pond vyf scellinge grote Brabants gelts jaerlicx
ende erffelix chys, op een hoeve met allen haeren toebehoirten
geheeten thys te Blarenberge, der voerscreven Vrouwen man
Margrieten van Herlaer toebehoerende, Alsoe die die
diversen stucken tot Hoebergen gelegen syn ende daer
omtrent gelegen syn. Item van een stuck beempt houdende
omtrent twee buenderen ende een half gelegen tot Hevere
tusschen Peter Caluwaerts erve aen deen zyde ende
der weduen ende kynderen erve van wylen Anthoenis Boom
aen dander zyde. Item van drie pond vyfthien scellinge
grote Brabants gelts jaerlix ende erffelix chys, op zeker goeden
die wylen Meester Pauwels Rose priester doen hy
leefde tot plagen te hoorne, alsoe de selve inde prochie
van Hevere in diverse parcheelen gelegen syn te van
achtien scellinge ende sesse penninge grote Brabants
gelts jaerlix ende erffelix chys op zekere goeden deen
voerscreven Peteren Caluwaert toebehoerende inde voerscreven prochie
van Hevere in dese parcheelen gelegen. Item van twee
scellinge groote Brabants gelts oic jaerlix ende erffelicx
chys, op zekere goeden Peteren vander Hoeven toebehoerende
aldair oic tot Hevere gelegen Item van st:t;twintich mottoenen
tot veertich groote Brabants elken daeraf gerekent ende
van twaelf veertelen Rogs jaerlix ende erffelix chys ende
pachts op zekere goeden, toebehoerende der jouffrou
van Steynemoelen Peter Boots wive tot Leest in
dese parcheelen gelegen. Item van twintich ponden
payments gemeynlic ganck hebbende jaerlix ende
erffelix chys op eenen hof toebehoerende Machielen
vanden Broeke gelegen buyten der Kerchofpoorte inde