Blader door transcripties » Stadsarchief Mechelen

archieftoegang 2, inventarisnummer 949, pagina 143

te
Tesschest:t;
Katheline sesse
pour retro
Willem Bogaer
Heelt, Cale. Heer Rommond vander Straten priester heeft Terve
gegeven Willeme Bogaert van Muysene, Een huys metten
hove lande gronde etcetera gelegen tot Muysene byde plaetse aldaer
tusschen wylen Willem Bouwens erve dat nu toebehoert, Gabriel
Stockens aen deen zyde ende wylen Willem Schoof erve aen
dander zyde. A Domino Mechliniensi. Te besittene op eenen erffeliken chys
van twee ende eenen halven gouden Peters elken van dien
tot sessendertich grooten Vlaems gelts gerekent Te betalen
altyt tot Kersmisse daer af den jersten termyn van betalingen
syn sal tot Kersmisse naestcomende, Ende opten voirchys van
twee capuynen vier scellinge Loevens ende thien scellinge
payments daer vutgaende, met condicien dat de voergenoemde
Willem Bogaert sal moegen lossen ende quyten de voergenoemde twee
Peters ende eenen halven des voerscreven chys altyt als hem dat
gelieven sal tot twee malen ende niet min ende elken penningen
daer af met sesthien der geliker penningen ende met vollen
chyse eens daer voer te betalen
Assignavit XII Peters
VII marty
Executeurs testate
inde Magrieten scapen
Anthoenis Kerstiaen ende Margriete wylen Jans
Heffen ende van Ruysbroeck kynderen inden name van hen selven ende oic
inden name van Joosen van Ruysbroeck wylen Wouters van
Ruysbroeck dochter, die de voerscreven Anthoenis Kerstiaens
ende Margrieten broeder was doen hy leefde Lenaert den
inden name van Marien van Ruysbroeck wylen Wouter
van Ruysbroeck natuerlike dochter, synen wive die hy
hem vernueght, Ende deselve Lenaert ende Augustyn
Ruttere, als momboiren daer toe gestelt van Scepenen
ende Raid der stad van Vilvoerden van Janne Kathelinen
ende Barblen van Berchem wettigen kynderen van wylen
van Berchem ende van wylen Margrieten van Ruysbrecht
synen wive, die der voerscreven Marien van Ruysbroech
zuster was doen sy leefde, gelyc ons dat by eenen
oepenen brieve vander selver stad, bezegelt metten zyde
ten zaken der selver claerlic bleke, inden name vanden
selven drie kynderen, onder haere jaeren oic wesende
die sy oic in hen vervingen, hebben openbaerlic van
ons bekent, dat sy gehadt ende ontfangen hebben van
Jan Barbier gecretart der voerscreven stad, als executeur
vanden testamente ende vutersten wille van wylen jouffro
Margrieten sPapen wylen Rommonds van Baerdegheem
huysvrouwen, de somme van vyftich gouden Rynsgulden
elken van dien tot veertich grooten Vlaems gelts gekent
die de voerscreven wylen jouffrou Margriete, haer nichte hellinge
Anthoenis Kerstiaen
Magriete van
broeck ende de
met haeren testamente tanderen tyden gemaect ende gelaten
heeft Ende van die sommen van vyftich Rynsguldenen
vanden voerscreven pryse, hebben de voerscreven Lenaert ende Augustyn
inden name als voer Quytgesconden los vry ende ledich
den voerscreven Jan Barbier tot sinen behoef ende oic tot behoef
van wylen Willem Schoeff synen medeexecuteur ende alle
andere dies quitancie behoeven, geheelic ende al
#
VI marty
Symon vanden
Hoede et uxore
Eyke, Cale. Lysbeth van Waelhem wedue van wylen Janne Daems
Smet cum tutore heeft opgedragen haer tocht die sy hadde in een stuck
lants metten gronde etcetera houdende omtrent een halff buender gelegen
op Neckerspoele leden de Borch aldaer, tusschen wylen Machiels
vander Beke erve dat nu synder dochter toebehoert aen deen zyde
de ende de Broeckstrate aldaer, aende tweede ende derde zyde. A Domino Mechliniensi,
juravit tot behoef van Janne, Lysbetten ende Kathelinen Daems
haeren kynderen tot wyens behoef de momboiren hierna bescreven
ierst daerinne gegoedt ende geerft werden, daer naer, hebben
Willem Daems ende Gielis vander Hoeven van svaders wegen
Gheerd vander Beelen ende Marten van Eykenoemde vander moeder
wegen, als momboiren ende inden name vanden voerscreven Janne, Lysbetten
ende Kathelinen Daems, onder haer jaeren etcetera wesende, die sy in hen
vervingen vercocht Symoen vanden Hoede, tot sinen ende Ursselen
van Hevere syns wyfs behoef, Tvoirgenoemde stuck lants metter
gronde etcetera gelykerwys ende in alle der manieren de tselve
stuck lants, niet lange geleden, ten vierscharen van deser
stad ten hooghsten ende meesten pryse vercocht is geweest, Waranderende.
op sesse pond payments daer jaerlix vutgaende
Assignavit XXVI Rinsgulden
marty tempore simile
de selve
Item. De voirgenoemde weduwe Lysbeth van Waelhem cum tutore heeft
opgedragen haer tocht die sy hadde in een stuck lants metten
gronde etcetera gelegen tot Neckerspoele inde Borchstrate tusschen
der kinderen erve van wylen Janne van Nuffle, aen deen
zyde ende des gasthuys vander Heyliger Drievuldicheyt erve
aen deen zyde dander zyde, Ende een in een stuck lants
metten gronde etcetera gelegen aldaer tegen tvoirgenoemde jerste stuck lants
over tusschen Gheerd Eykens erve aen deen zyde ende der
kynderen eenen van wylen Wouteren sBruynen aen dander zyde
A Domino Mechliniensi, Juravit tot behoef vanden voerscreven Janne, Lysbetten ende
Kathelinen Daems haeren kynderen tot wyens behoef de voerscreven
momboiren ierst daer inne gegaedt werden, daer naer
hebben de voerscreven momboiren, de inden name vanden voerscreven
kynderen Daems die in hen vervingen vercocht den voerscreven
tot ende syns voirscreven wyfs behoef
Symoen vanden Hoede, de voirgenoemde Twee stucken lants metten
gronde etcetera boven bescreven geliker wys ende in alle der