Blader door transcripties » Stadsarchief Mechelen

archieftoegang 2, inventarisnummer 949, pagina 140

De selve
ende kynderen van wylen Gielis Gheets ende haerer
medeplegeren erve aen dander zyde. A Domino Mechliniensi, Waranderende.
op een oude hynne ende de weerde van vier scellinge
sesse penninge groten Brabants gelts erffelic ende twee gouden
Peters elken van dien tot sessendertich groten Vlaems gelts
gerekent jaerliker lyfpensien dair jaerlix voir
vutgaende. Behoudelic dien dat de proviseurs vander
voirgenoemde bruederscape die by tyden syn zelen, naer de doot
vanden voirgenoemde brueder goet gegorisen ende met een
ende alsdan altyt tot eeuwigen dagen, sculdich zelen syn
te stellene voir Sinte Jorysen staende aenden tweeden
Plaet vander voirgenoemde Sinte Barblen Capellen, tegen de
outaer van Sinte Sebastiaen over, Eenen wassen keersse
ende die te doen ende houden bervende, altyt soe wanneer
men de keerssen vander selver Capellen, oversteken ende
doen beven sal
Assignavit den denier
Xa al
Jan vander Elst
et uxore
de
Rende, Yngelram heer Wouter van Heesbeen priester Cureyt der
prochiekerken van Sinte Kathelinen bynnen Mechelen, hebbende
om tgene te doen dat hierna bescreven staet vanden eerweerdige
vader in gode minnen heer den busscop van Camerycke volcomen
macht gelyc ons dat byst:t; ende orlooff, gelyc ons dat
eender eenen coepenen brieve daer op gemaect ende bezegelt
met desselfs heer sBusscoppen zegel claerlic bleke, heeft inden
name ende om des meests orboirs ende profyts wille vander selve
curen Terve gegeven Janne vander Elst ende Kathelinen Zwane
synen wive, Een huys metten hove gronde etcetera dat deselve
curen tanderen tyden, by wylen Peteren vanden loope ende van
wylen Lysbetten Roelands synen wive met haeren testamente
gegeven, gelaten ende gemaect is geweest, gelegen int
Groenendal, tusschen Peters van Ietegheem huyvetters erve aen
deen zyde ende Barblen Zels erve aen dander zyde streckende
achterweerts totten water toe. A Beato Rumoldo et A monialibus
Te besittene op eenen erffeliken chys van eenen gouden
Rynsguldenen elken van dien tot veertich groten Vlaems
gelts gerekent, Ende die te betalene altyt tot twee terminen
Te wetene deen helft daeraf tot Kersmisse, Ende dander
helft tot Sinte Jansmisse daeraf den jersten termyn van betalinge
syn sal tot Kersmisse naestcomende, Ende opten voerchys van
sessentwintich sal penninge Loevens twee capuynen
een pond sesse scellinge payments, vier chysguldenen ende
vier scellinge anderhalven penninge grooten Brabants gelts
dair jaerlix vutgaende, met alsulker condicien dat de voerscreven
ende syn wyf sculdich zelen syn te quiten, de v drie gouden Ryns
gulden vanden voerscreven Eenen Rynsgulden den
voerscreven chys ende al tusschen dit ende Sinte Jansmisse naestcomende
elken gulden daeraf st:t; met XVI geliker gulden sonder
volken chyse
Assignavit IIII Rinsguldenen deen den XVI
Ultima fra
Jan de Beyere
et uxore
ende Marien vanden
Leemputte synen wive
Rende, Cale. Amelbergh vanden Venne wedue van wylen Janne
Borreman, cum tutore heeft opgedragen haer tocht die sy hadde
in een huys metten hove gronde etcetera gelegen opte Ledicheyt
by Sinte Peters kerchof, tusschen Claes Reyniers erve aen
deen zyde ende Andries Mylemans erve aen dander zyde. A Domino
Barbara Schooff, jur tot behoef van R Janne Rommonden
Margrieten ende Kathelinen Borremans haeren kynderen, welke
Margriete ende Katheline tot haeren ende des voerscreven Jans
brueders
haers manst:t; behoef ende de momboiren hierna bescreven
tot des voerscreven Rommonds behoef, waerden daer ierst
inne geerft daer naer hebben Gielis Borreman ende
Augustyne van Tyelt van svaders wegen, Wouter de
goene ende Hubrecht Bercman vander moeder wegen
als momboiren ende inden name vanden voirgenoemde Rommonde
Borreman, onder syne jaeren te wesende dien sy in hen
vervingen, Endest:t; de voerscreven Margrieten Borremans metten
voerscreven Wouteren de Greve ende de voerscreven Katheline Borremans
inden name van hen
metten voirgenoemde Hubrechten Bercman haeren mannen der henst:t;
selven ende oic inden name vanden voerscreven Janne Borreman
haeren brueder absent wesende dest:t; ende buyten lands wesende
dien sy in hen vervingen vercocht Janne de Roeye, tvoirgenoemde
huys metten hove gronde etcetera Waranderende. Opte weerde van driendertich
scellingen grooten Brabants gelts erffelic ende op twee gouden
Peters elken van dien tot sessendertich grooten Vlaems gelts
gerekent jaerliker lyfpensien daer jaerlix vutgaende
february tempore simile
Idem. Rommond Rabboots heeft Terve gegeven Joes van
Droelaer, Een huys metten hove ende met eenen anderen huyse
daer achterstaende ende oic metten gronde etcetera gelegen in Sinte
Kathelinen strate tusschen Jans vander Byest erve aen deen
zyde ende Rommonds Pomperlincx erve aen dander zyde. A Beato
Rumoldo, Te besittene op eenen erffeliken chys van eenen
pond groote Brabants gelts ende dat te betalene, altyt tot
Sinte Jansmisse vutgenomen Sinte Jansmisse nu naestcomende
Ende opten voerchys vander weerden van sesse scellingen
ende acht penningen groten oic Brabants gelts dair jaerlix
vutgaende met alsulker condicien dat de voirgenoemde Joes van
Droelaer sal moegen lossen ende quiten altyt als hem dat
gelieven sal tvoerscreven pond groote Brabants gelts des voirgenoemde
chys met vyff scellingen grooten Brabants tot elken male
ende elken penninge daeraf met sesthien gelyke penningen eens
ende met vollen chyse. Behoudelic dien dat deselve Joes
van Droelaer, de costen, die int afquyten vanden voerscreven
alle
pond groten Brabants des voerscreven chys gedaen zelen verbonden sculdich
sal syn alleene te gelden ende te betalene ende den voerscreven Rommonde
daeraf altytst:t; scadeloos tontheffene
Jo van
Droelaer
ut supra tempore simile