Blader door transcripties » Stadsarchief Mechelen

archieftoegang 2, inventarisnummer 949, pagina 138

heffen sal, dair jaerlix vutgaende, met alsulker condicien
dat de geswoerene vanden voerscreven ambachte, altyt by tyden
wesene inden name vanden selven zelen moegen lossen ende
quiten altyt als hen dat gelieven sal de voirgenoemde tweender
Rynsgulden des voerscreven chys met vier Rynsguldenen
tot elken male ende niet min ende elken Rynsgulden den
met sesthien geliker guldenen eens ende met vollen chyse
XXIIII february
Hubrecht Mast
lyfrenten van
ende vanden voirgenoemde
viventwintich gouden
Rynsguldenen voerscreven
Een Keyenoege, Jan de Gorttere wylen Willems de Gorttere soon, die
inde lyfrente hierna genoemt syn heffen ende disposite
hadde inden name van selven hem selven ende oic inden name
van Adam de Gortere, synen natuerliken soone, dien hy van
Margrieten sRevers vercregen heeft, dien hy in hem verving
heeft openbaerlic voir ons bekent dat hy gehadt ende ontfangen
heeft van Hubrecht Mast de somme van Twee hondert ende
vyftich gouden Rynsguldenen elken van dien tot veertich grooten
Vlaems gelts gerekent, voir de lossinge ende quitinge van
viventwintich gouden Rynsguldenen vanden voergenoemde pryse
jaerliker lyfrenten, die de voirgenoemde Jan ende Adam syn soon tot
haeren ende tot des langhstlevenden live van hen beyden hadden
op zekere erffelike goeden den voirgenoemde Hubrechten ende oic
Cornelis van Haren ende Jacomenen van Boesschot Rommond
Gheens wive toehoerende, metten gronde etcetera bynnen deen
stad ende vryheyt van Mechelen wesende ende gelegen claerlike
van parcheele tot percheelen inden scepenen brieve opte voirnoemde
lyfrente gemaect begrepen ende bescreven, van welker sommen
van Twee hondert ende vyftich Rynsguldenen voirgenoemde ende oic
van alle den achterstel daeraff verschenen, heeft de voirgenoemde
Jan de Gorttere inden name als voer quytgesconden los vry
ende ledich, jouffrou Lysbetten Mast tot behoef vanden voirgenoemde
Hubrecht Mast haeren vader, alle sine ende der voerscreven
Cornelis ende Jaquemynen erffelike goeden voirgenoemde ende alle
ander dies quitancie behoeven geheelic ende al
ut supra
Proles vanden
Bossche
Cale, Keynooge, Barble Belianen, wettige dochter van Janne Brants
met Henricken Pelens haeren man heeft vercocht Philips vanden
Bossche, Eenen gouden Rynsgulden goet ende gerecht Te wetene
veertich grooten Vlaems gelts voir dien gerekent erffelix chys
die de voirgenoemde Barble hadde, op des voerscreven Philips elfstedeel van
Eenen huyse metten hove gronde etcetera gelegen inde Milzestrate tusschen
der taflen des Heylichs Gheests vander prochiekerken van Onser
erve
Liever Vrouwen bynnen Mechelen aen deen zyde ende heer Willem
Costers priesters erve aen dander zyde streckende achterweerts
metten voerscreven hove tot inde Nyeuwestrate, Ende alle haer
recht ende deel dwelckst:t; sy hadde ende haer inde drie elfstedeelen
vanden selven huyse metten hove gronde etcetera byder doot van
wylen Philips Steven ende Janne Belyanen haeren bruederen
gebleven ende verstorven. A Domino Mechliniensi, Waranderende etcetera.
Assignavit
XXI february tempore simile
de
Mon Augustyn
Cale, Keynoogge. Jan de Vos wylen Gielis de Vos soone heeft vercocht
Brueder Mathys vanden Vekene priester Religieux ende procureur
des goidshuys vanden Augustinen staende inder stad van
Mechelen tot behoef vanden selven goidshuyse, Sesse
gouden Rynsguldenen elken van dien tot veertich grooten
Vlaems gelts gerekent erffelix chys Te heffene altyt
deen helft tot Sinte Jansmisse ende dander helft tot
Kersmisse Op ende aen des voerscreven Jans de Vos huys
metten hove gronde, gelegen inden Vettersham inde Cortte
Ridderstrate, tusschen Cornelis Yngelram erve aen deen
zyde ende desselfs Jans de Vos ander erve aen dander zyde
streckende achterweerts oic mettenst:t; over dwater met
eender bruggen metten voirgenoemde hove totter Gracht
vanden huyse van Pytsenborch, inder selver stad. A Domino Mechliniensi,
Waranderende. Op sesse oude groten Tournoyse ende twee chysgulden
dair jaerlix voir vutgaende, met alsulker condicien dat
de voerscreven Jan de Vos de voirgenoemde sesse gouden Rynsgulden
des voerscreven chys sal moegen lossen ende quiten altyt als
hem dat gelieven sal tot eenen male ende anders niet
ende elken Rynsgulden daeraf met sesthien gelyker
gulden eens ende met vollen chyse
Assignavit den XVI
ut supra
Heer Jacop Eveloege
priester
Voesdonck, Yngelram. Jan Weedt ende Jan Gheylinck als proviseurs vander
fabriken de prochie kerken van Onser Liever Vrouwen, bynnen
Mechelen hebben inden name ende om des meests orboirs ende
profyts wille vander selver fabriken Terve gegeven hy
Jacop Eveloege priester, Een huys metten hove gronde etcetera
gelegen in achter den voerscreven kerken inde Nuwestrate
tusschen heer Willems van Couwenberge oic priests erve
aen deen zyde ende der kynderen erve van wylen Janne vanden
oic Necke aen dander zyde. A Domino Mechliniensis. Te besittene op eenen
erffeliken chys van Twee gouden Peters elken van dien tot
sessendertich groten Vlaems gelts gerekent, Ende die te betalen