Blader door transcripties » Stadsarchief Mechelen

archieftoegang 2, inventarisnummer 949, pagina 126

colier ende beta et
Latract debet desen
ende Hevere
in fine XXXVI se
et Domicelle Mathys op
jouffrou Marien Lichtocht
haerlieder dochter
Henric Lichtvoer
et uxor
Stel, Keynooge, de voirgenoemde Matheus vanden Damme dat den voerscreven
Aricken Lichtvoers ende Kerstinen pennincx synen wive ende
ventich gouden Rynsguldenen elken van dien tot veertich
grooten Vlaems gelts gerekent Te betalene van Sinte
Jansmisse naestcomende over een jaer daer na volgende
de haer voer heeft hy verbonden alle sine haeffelike
goeden waer die bevonden zelen worden die sy nu tertyt
heeft ende hier namaels oic hebben ende vercrigen
VIII february
te hebben
Cale, Keyenooge, Geerdt de Wechtere voir hem selven ende
inden name van allen synen medeerfgenamen, die hy in hem
vervingh, heeft quytgesconden los vry ende ledich Janne vanden
Eyken ende Margrieten Goessens synen wive van allen alsulke
haeffeliken goeden als hen byder doot van wylen Wouteren
vanden Brande synen neve, die jersten man was doen hy leefde
vander voerscreven Margrieten Goessens in eeniger manieren
toecomen gebleven ende verstorven moegen syn ende alle ander
dies quitancie behoeven geheelyc ende al, Gelovende voirt
voir
de selve Geerdt van hem syn op hoir ende erfgenamen de
quitancie tot eeuwigen dagen, goet vast gestentich ende van
weerden te houdene ende den selven Janne ende Margriete
synen wive haeren hoir ende erfgenamen tegen eenenyegelike
die hen eenich recht vut saken vander versterffenissen de
voerscreven haer haeffelike goeden soude moegen vermetten
oft te synen
altyt quyt te houdene ende tontheffene, sonder eenich wederseggen
oft argelist
de
de
dese quitancie es by consente erve
Janne vander Eyken te nyeuw
gedaen ende manderen moegen heisse
XX int pater quitancie
I february
Jan Lauwaerts
Heer Jorys van Anne heeft vercocht Janne Lauwaerts
Een huys metten hove gronde etcetera geheeten dMandeken
gelegen inde Kerchofstrate tusschen Henrix vanden Dycke
erve aen deen zyde ende Jans de Neve beckers erve, aen dander
zyde. A conventu de Lelyendale, Waranderende. Op sessentzeventich
scellinge Loevens, drie capuynen, twee ende eenen halven
penninge payments ende negenthien scellinge ende sesse penningen
groote Brabants gelts daer jaerlix vutgaende
Assignavit XVI Rinsgulden eens
VIII february
Idem. Jan vander Beke bydere heeft Terve gegeven Henrick
vander Elst, Een huys metten gronde geheeten de Croene
gelegen inde Aedeghemstrate opten hoeck vander Gorttere
Penningstraten tusschen deselve aen deen zyde ende Gielis dest:t;
Henrick vanden
Aelst
wylen Gielis de Wale erve aen dander zyde. A Domino Petro de
Herbeys milite. Te besittene op eenen erffeliken chys
van sesse gouden Rynsguldenen elken van dien tot veertich
grooten Vlaems gelts gerekent, Ende die te betalene altyt
tot twee terminen Te wetene deen helft daeraf tot
Sinte Jansmisse Ende dander helft tot Kersmisse daeraf den
jersten termyn van betalingen syn sal tot Sinte Jansmisse
naestcomende, Ende opten voirchys vander weerden van
achtien scellinge ende drie penningen groten Brabants gelts dair
jaerlix vuytgaende
Assignavit X Rinsgulden erffelicx den XI denier
february tempore simile
Mensa Rumoldo
Rende, Eyken, Jacop Luyten ende Jan Gielis als proviseurs ende inden
name vander taflen des Heylichs Gheests der prochiekerken
van Hanswycke hebben om des meests orboirs ende profyts wille
vander selver taflen vercocht Janne de Lange, Janne
Wagewyns ende Janne Robs als proviseurs ende tot behoef
vander taflen des Heylichs Gheests der kerken van Sinte Rommonds
bynnen Mechelen, tsevendedeel van vierentwintich chysgulden
erffelix chys, dat de voerscreven tafle des Heylichs Gheests der
voerscreven kerken van Hanswycke hadde, op een huys oft woeninge
metten plaetsen hove gronde etcetera toehoerende, Janne ende Claese
Schoeff gebruederen, gelegen opte Corenmarct van Mechelen
tusschen Andries Herregots erve aen deen zyde ende etst:t;
aen dander zyde
Ende met eenen chysgulden ende vyftich scellinge payments
oic erffelix chys, die de voerscreven tachtest:t; tafle des Heylichs
Gheests van Hanswycke hadde op zeker erffelike goeden metten
gronde etcetera bynnen der voerscreven stad van Mechelen gelegen
ende der voerscreven taflen des Heylichs Gheests van Sinte Rommonds
toehoerende. A Domino Mechliniensi, Waranderende etcetera.
VIIa february
Lader
Rende Eyken, Jan vander Nuwermoelen ende Jan Reyers diemen heet
Delssenere als proviseurs ende inden name vander taflen des Heylichs
Gheests vander prochiekerken van Sinte Peters bynnen Mechelen
hebben om des meests orboirs ende proffyts wille vander selver
taflen vercocht den voerscreven Janne de Lange, Janne Wagewyns
ende Janne Robs tot als proviseurs ende tot behoef vander taflen
des Heylichs Gheests vander voerscreven Sinte Rommonds kerken
tsevendedeel van vierentwintich chysguldenen erffelix chys
dat de voirscreven tafle des Heylichs Gheests van Sinte Peters